Truth in Numbers? Everything, According to Wikipedia (bahasa Banjar: Kanyataan dalam Satuan Angka? Sagalanya, Manurut Wikipidia) adalah sabuting pélém dokuménter Amérika Sarikat tahun 2010 nang ma-ambahi sajarah wan dampak budaya matan Wikipidia, sabuting insiklupidia dalam jaringan nang kawa dibabak atawa disunting ulih pamakai. Pélém ngini manarai manjawab patakunan apakah hanya para pakar nang saharusnya ditugasakan manyunting insiklupidia atawa sabarataan urang sabujurnya gin kawa manggawinya. Dalam pélém ngini dijalasakan sajarah wan latar balakang matan Wikipidia disartai kumintar matan pandiri Wikipidia Jimmy Wales wan Larry Sanger. Babarapa pangumintar lain gin mancungul dalam pélém ngini, nangkaya éditor The Washington Post Len Downie, jurnalis CBS Bob Schieffer, bakas pamimpin éditor Encyclopædia Britannica Robert McHenry, wan bakas diréktur Badan Intélijén Pusat James Woolsey. Pélém dokuménter ngini gin jua mambahas paristiwa nang badampak kada baik hagan Wikipidia, maliputi kontrovérsi Essjay wan kontrovérsi biografi Wikipidia.

(Salangkapnya...)

• Bakas Pardana Mantri Britania Raya, Margaret Thatcher (foto), habis umur pada usia 87 tahun.
• Indunisia maraih talu galar dalam final kajuaraan bulutangkis Australia Open GP Gold, Sydney.
• Kritikus pélém pamanang Hadiah Pulitzer, Roger Ebert, habis umur pada usia 70 tahun.
• Labih matan 50 urang tiwas akibat ba'a pasca-hujan daras di La Plata wan Buenos Aires, Argéntina.
• Majlis Umum Pasarikatan Bangsa-Bangsa mangasahkan Parjanjian Pardagangan Sanjata gasan mawatasi pardagangan sanjata antarabangsa.
• Korea Utara manyata-akan kaadaan parang ka Korea Selatan.
• Wahana antariksa Soyuz TMA-08M mambawa talu astronot ka Stasiun Ruang Angkasa Antarabangsa malalui rute hanyar nang manatak waktu bajalan manjadi anam jam.
• Bakas Parisidin Afrika Selatan Nelson Mandela dilariakan ka rumah sakit marga inféksi paru-paru nang diharitnya babangat pulang.