Abdul Djebar Hapip

Prof. Dr. H. Abdul Djebar Hapip, MA, (Banjarmasin, 13 Siptimbir 1935 – 19 Juni 2019) ialah ahlinya di bidang basa jua sidin marupakan guru besar Fakultas Kaguruan wan Ilmu Pandidikan Uniparsitas Lambung Mangkurat. Sidin jua panyusun Kamus Basa Banjar.

Abdul Djebar Hapip
Barakas:Prof Abdul Djebar Hapip.JPG
Lahir	13 Siptimbir 1935 Citakan:Negara Banjarmasin
Maninggal	19 Juni 2019 (umur 83) Citakan:Negara Banjarmasin
Kawarganagaraan	Citakan:Negara Indunisia
Alma mater	Macquarie University, Sydney
Gawian	Pangajar
Dipinandu marga	guru besar Universitas Lambung Mangkurat
Agama	Islam

Kisah hidup

Bemula matan tapilih sabagai saurangannya wakil matan Kalimantan Salatan nang baisi hak maumpati palatihan Leksikografi. Yaitu palatihan maulah kamus nang digawi ulih Proyek Pangambangan Basa wan Sastra Indunisia wan Dairah, Pusat Pambinaan wan Pangambangan Basa Dipartimin Pandidikan wan Kabudayaan RI pas rahatan 1974 di Jakarta. Bamudal bahan nang tabatas banar yaitu hanya saikit kusakata nang biasa sidin pakai wan ingat sidin kumpulakan wan susun kata dami kata Basa Banjar ini sahingga jadi pra kamus.

Pas tahun 1976 pra kamus nang kada labih matan 300 kusakata itu dicitak ulih Pusat Pengembangan Bahasa dan Sastra Indonesia dan Daerah Departemen Pendidikan dan Kebudayaan RI. Master of Arts pada School Of Education Mc Quarie University Sedney nang maambil Educational Management dan Curriculum Development ini manamuin bahwa basa Banjar itu baisi aturan, nurma wan tata bahasa. Kayaitu juga cagar paraknya basa Banjar lawan basa Indunisia jadinya baisi akibat nang buruk, sidin manangguh basa Banjar bisa hilang cagaran pangaruh bahasa Indonesia. Dalam istilah sajarah basa ujarnya amun musnahnya sabuting basa. Sidin sadar manyusun kamus adalah salah satu alat sagan mandukumintasiakan basa Banjar, barupa kusakata nang lagi di pakai atawa nang sudah kada tapakai lagi.

Midia Kamus sidin anggap nang paling efektif sagan kawa malastariakan basa Banjar ngintu, cagaran kamus baisi dua kagunaan, nang kasatu gunanya sabagai rujukan mancari padanan kata lawan kata nang lain dalam hal ini Basa Indunisia. Kagunaan nang kadua sabagai alat dukumientasi.

Kabalujuran pas 1993, bamudal bantuan datang The Toyota Foundation sidin manaliti di banyak banua di Kalimantan Selatan, bahkan sidini sampai ka pagunungan meratus gasan mandapatakan basa asli urang Banjar padalaman. Sidin sampat jua manaliti di Kalimantan Tengah, bapandiran lawan bubuhan pesisir Palangkaraya. Bahkan sidin sampai tulak ka Riau, salawasan 3 minggu sidin habisakan sagan batamu wan bapandiran lawan bubuhan nang ada di dairah Tambilahan, Muara Tungkal wan Sapat, disinilah bandahara basa Banjar archais (kuno) banyak ditamuakan. Di sinun sidin umpat tulak ka pakan tradisiunal, sidin mandangarakan masing-masing parilaku wan apa nang diucap urang sinun nang kabanyakan adalah matan suku Banjar.

Gasan mangumpulakan banyak kusakata basa Banjar lawas, sidin dibantui ulih mahasiswanya nang tarjun ka lapangan mancarii informan, umumnya bubuhan urang tuha di dairah situ jua. Imbah sidin mandapatakan urang nang sakiranya pas gasan bapandir dalam basa Banjar, sidin mambawai urang tadi bakisah atawa manyuruh bubuhannya manulis sabuting kisah dalam basa Banjar, pakai cara ini sidin banyak mandapatakan kusakata lawas Basa Banjar. Mangikih bahasa Banjar lawas jua sidin gawi pakai cara mambuka disirtasi urang nang bakabangsaan Walanda di Leiden J.J. Raas nang ditarbitakan ulih The Hague Martinus Nighoff, 1968. Disirtasi ngintuh manaliti sabuting tulisan kada batanda ampun siapa nang bajudul “Hikayat 1 Bandjar”.

Masa kakanakan Abdul Djebar Hapip, mambantu banar gasan sidin manamuakan kusakata nang rancak di sambat di banyak dairah di Kalimantan Selatan. Salawas masih halus, sidin rancak bakawan lawan bubuhan pandatang nang datang ka Banjarmasin, bubuhannya datang matan mana-mana di Kalimantan Selatan, diantaranya ialah bubuhan matan Kabupatin Tabalong, Kabupatin Hulu Sungai Utara, Kabupatin Hulu Sungai Salatan, wan dairah lainnya.

Salah satu kendala nang ditamui Abdul Djebar dalam manyusun kamusnya adalah cagar basa Banjar lainan basa tulisan, tagal basa lisan, misalnya haja amun manyambat sabuting barang, urang nang balainan dairah maka balainan pula amun manyambatnya, padahal barang nang buhannya maksut itu sama haja. Sidin harus manatapakan ucapan mana nang samastinya masuk kamus.

Pandidikan

• Sekolah Guru Atas Banjarmasin - 1950 an
• IKIP Malang
• Universitas Sydney Australia

Maninggal dunia

Abdul Djebar Hapip tutup usia pada 19 Juni 2019 akibat panyakit jantung nang sidin ampu. Almarhum dimakamakan di Pamakaman Guntung Lua, Kuta Banjarbaru.