Abdul Mu’ti
Prof. Dr. Abdul Mu’ti, M.Ed (ranak 2 Siptimbir 1968) marupakan Menteri Pendidikan dan Dasar Menengah pariudi tahun 2024-2029. [1] Sidin jua marupakan Sekretaris Umum Pimpinan Pusat Muhammadiyah pariudi 2015-2027.[2]
Pandidikan
babakAbdul Mu'ti manuntungakan SD di Kudus di Madrasah Ibtidaiyah Manafiul Ulum (tuntung 1980), nang imbahnya dilanjutkan di Madrasah Tsanawiyah Negeri Kudus (tuntung 1983) wan di Madrasah Aliyah Negeri Purwodadi Filial (tuntung 1986). Imbah lulus matan sakulah, sidin malanjutakan kuliah S-1 di Fakultas Tarbiyah, AIN Walisongo Semarang (1991) wan S-2 di School of Education, Flinders University of South Australia (Adelaide, 1997). Sidin jua maumpati Short Course on Governance and Shariah the University of Birmingham (Birmingham, UK, 2005), wan manuntungakan S-3 di Sekolah Pascasarjana UIN Syarif Hidayatulah (Jakarta, 2008).[2]
Gawian
babakPas tahun 1994, Abdul Mu'ti umpat urganisasi Muhammadiyah wan aktip bakontribusi di urganisasi ngitu. Abdul Mu'ti suah manjabat sawagai Sekrataris Pimpinan Wilayah Muhammadiyah (PWM) Jawa Tengah pariudi 2000-2002. Sidin taumpat dalam pangambangan prugram-prugram pandidikan wan susial di dairah ngitu. Tahun 2002-2006, Abdul Mu'ti manjabat sawagai Ketua Umum Pimpinan Pusat Pemuda Muhammadiyah. Tahun 2005-2010, sidin jua jadi Sekretaris Majelis Pendidikan Dasar wan Manangah Pimpinan Pusat Muhammadiyah, nang batujuan maningkatakan kualitas pandidikan di lambaga-lambaga pandidikan Muhammadiyah di samunyaan dairah Indunisia.[3]
Di danul internasiunal, Abdul Mu'ti suah jadi angguta British Council Advisory Board pas tahun 2006 sampai 2008 wan Indonesia-United Kingdom Advisory Board pas tahun 2007 sampai 2009. Sidin jua jadi angguta Executive Committee of Asian Conference of Religion for Peace matan 2010 sampai 2015 wan angguta Indonesia-United States Council on Religion and Pluralism tahun 2016 sampai wahini.[3]
Jujuhutan
babak- ^ Humas (2024-10-21). "Presiden Prabowo Subianto Lantik Menteri Kabinet Merah Putih Periode Tahun 2024-2029". Sekretariat Kabinet Republik Indonesia (dalam bahasa Indonesia). Diakses tanggal 2024-10-22.
- ^ a b aanardianto (2024-10-21). "Profil Abdul Mu'ti, Menteri Pendidikan Dasar dan Menengah Republik Indonesia Kabinet Merah Putih". Muhammadiyah (dalam bahasa Indonesia). Diakses tanggal 2024-10-22.
- ^ a b "Profil Abdul Mu'ti, Pendidikan, Rekam Jejak, dan Kekayaannya". kumparan (dalam bahasa Indonesia). Diakses tanggal 2024-10-24.