Aglutinasi
Aglutinasi tarjadi haratan dua atawa labih terma nang pamulaannya tapisah sabuting lawan nang lain, tagal nang rancak bajapaian dalam sitagma di tangah kalimat, tasambung jadi sabuting unitas absolut atawa manjadi unitas nang dianalisis. Ngini marupakan proses aglutinasi: yaitu haratan manyambat processus wan jua procédé, maraga procédé maandung kasangajaan nang dimaksud. Kada adanya kasangajaan adalah karakter hinti aglutinasi.[1]
Barikut ngini babarapa cuntuhnya. Dalam langue Parancis, pamulaannya urang manyambat ce ci dalam dua buting kata, tagal imbahnya disambat ceci: wan ceci jua jadi kata hanyar maskipun materi wan elemen panyusunannya kada baubah.[2] Dalam cuntuh lain nang kaya dalam langue Latin kata possum kada lain kacuali sambungan matan dua kata yaitu potis sum. Possum ngini marupakan hasil aglutinasi.[3] Haratan aglutinasi disuuki taparak, maka aglutinasi didapati tiga fase nang tarjadi yaitu:
- Tarjadi gagabungan babarapa terma manjadi sabuting sintagma, wan gagabungan ngitu sama haja lawan gagabungan apa haja.
- Aglutinasi nang bujur marupakan sintesis babarapa elemen sintagma ngitu manjadi sabuting unitas hanyar. Sintesis ngitu tarjadi lawan surangannya maraga adanya kacenderungan mekanik: haratan sabuting konsep komposit ditampaiakan lawan saliritan unitas-unitas signikatif nang dipakai, maka pikiran kawan disambat maumpat jalan kabalikannya, sahingga pikiran jua manolak analisis wan mamasang kunsip ngitu purna tarhadap sagarumbungan singe, wan sagarumbungan signe ngitu jua jadi sabuting unitas hanyar.
- Tarjadinya sabarataan paubahan lain nang kawa maasimilasiakan sabuting garumbung signe lawas jadi sabuting kata puna: unifiksi asken (vért jus → verjús), paubahan fonetik khusus.[2]
Aglutinasi wan Anologi
babakBeda antara analogi wan aglutinasi antara lain:
- Dalam aglutinasi, dua atawa babarapa unitas barpadu jadi sabuting unitas maraga sintesis (misalknya encore nang baasal matan hanc horam), atawa jua bahwa dua sub-unitas jadi sabuting. Sabalinya, analogi baasal matan babarapa unitas inferior nang maulah sabuting unitas superior. Hagan mancungulakan pāg-anus, maka analogi jua manggabungakan sabuting radikal pag- wan sabuting sufiks -ānus;
- Aglutinasi baoperasi di wilayah sintagmatik wara. Aksi aglutinasi hanya tarjadi lawan sabuting kalompok haja. Aglutinasi kada maurus parkara lain. Sabaliknya, analogi mamarluakan sabuting garumbungan asosasi wan jua mamparhitungakan babarapa sintagma;
- Aglutinasi kada mangandung apa haja nang disangaja, sama sakali kada mangandung sabuting nang aktip. Sabaliknya, analogi adalah sabuting proses, sahingga aglutinasi maharusakan digawinya analisis wan gagabungan, sabab aglutinasi adalah sabuting aktivitas nang marupakan sabuting intensi.[4]
Konstruksi wan struktur dalam aglutinasi
babakDalam aglutinasi, istilah konstruksi wan struktur ngitu maarah lawan rikitnya babarapa eleman nang bajapaian dalam sintagma sacara bagimitan, sahingga elemen-elemen ngitu maalami sabuting sintesis nang bisa haja sampai maulah unitas-unitas asal aglutinasi ngitu bisa sabarataan tahapus.[3]
Jujuhutan
babak- ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 328. ISBN 978-623-6166-37-6.
- ^ a b de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 329. ISBN 978-623-6166-37-6.
- ^ a b de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 331. ISBN 978-623-6166-37-6.
- ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 330. ISBN 978-623-6166-37-6.