Agus Sasirangan
Agus Gazali Rahman (diranakakan di Marabahan, Barito Kuala, Kalimantan Selatan , 17 Agustus 1986; umur 38 tahun) atawa labih dipatuh lawan Agus Sasirangan adalah saikung tukang masak Indunisia nang mulai dipatuh jadi paumpat MasterChef Indonesia Musim Panambaian wan dapat tampat kadua.[1] Pamulaannya inya handak jadi pilot tapi sakalinya maharaga matan halus bisi kabisaan mamasak maka inya nih katuju banar lawan bamasak.[2]
| Agus Sasirangan | |
|---|---|
| Ngaran lahir | Agus Gazali Rahman |
| Lahir | 17 Agustus 1986 (umur 38) Marabahan, Barito Kuala, Kalimantan Selatan, Indunisia |
| Ngaran lain | Agus Sasirangan |
| Gawian | Kapala tukang masak, tukang masak salabritas, guru |
| Tahun aktif | 2011 - damini |
| Riwayat | |
|---|---|
| Kalahiran | Marabahan, Baritu Kuala |
| Gawian | |
| Gawian | Tukang masak |
| Waktu bakarya | 2011 – |
|
| |
 | |
 | |
Tukang Masak
babakAgus mulai balajar dunia pamasakan matan kalas 5 SD, imbah umanya bulik jadi TKW matan Arab Saudi wan mambuka warung makanan khas Banjar. Matan situ Agus jua banyak balajar matan umanya risip wan tiknik dalam bamasak. Agus basamangat banar balajar bamasak tamotivasi imbah manjanaki tuntunan di TV handak jua manjadi tukang masak nang mancungul di TV.[2] Imbah lulus SMA, Agus dapat biasisua ka Universitas Negeri Malang imbah mamanangakan sabuah kumpatisi buga hingkat SMK. Imbah lulus kuliah Agus tulak matan Banjarmasin ka Surabaya gasan umpatan Master Chef Indonesia. Salain bagawi jadi tukang masak, Agus jua adalah saikung guru di SMKN 4 Banjarmasin. Wayah ngini inya ditunjuk jadi duta janama panambaian Pizza Hut Indonesia.[3]
Manulis Buku
babakSalain ahli bamasak Agus katuju jua manulis buku. Hibak buku nang Agus tulis, ada nang bajudul “30 Menu Bumbu Cinta ala Agus Sasirangan” wan “Food, Drink & Cookbook with Love Bersama Agus Sasirangan” sama-sama tarbit tahun 2013. Imbah ngitu manulis pulang sidin tahun 2014 bajudul “Step by Step 50 Resep Kue Laris di Bisnis Boga ala Dapur Cinta” sampai tahun 2016 buku nang bajudul "Perjalanan 1.827 Hari". Paling hanyarantahun 2017 tarbit pulang 2 buting buku nang bajudul “30 Resep dari Dapur Cantik, Praktis, & Sehat” wan “Memasak itu Ibadah : 40 Resep Kreatif & Lezar +20 Tips Memasak Praktis”[4].
Tarkanal
babakAgus kada bisi TV matan di rumah sakalinya kawa tampil di TV, barakat manjadi pamanang kadua Master Chef Indonesia.[5] Agus rancak jua tampil di TV nang kaya di acara “Dapur kita Ramadhan 2020” badampingan lawan Inul Daratista[6], bahanu rancak jua maisi sepalihan acara di TV. Cuntuh acara nang lain di MNC TV Agus maisi jada sponsor wan acara “Kreasi Resep Spesial Menu Ramadhan Cedea”.[7] Karir Agus samakin banaik imbah manjadi salah satu pamain wan kunsultan pilem "Cooking Camp" tahun 2019. [8]Agus malihat paluang matan inya tampil tarus di TV wan hibak panggamar nang katuju kawa dimanfaatkan hagan baulah usaha kuliner wan bisnis oleh-oleh khas Kalimantan Selatan.[5]
Pangusaha
babakAgus wayah ngini jua manjadi pangusaha bidang kuliner nang mambuka warung makan Mie Bancir.[9] Awalan warung ngitu buka tahun 2014 nang baalamat di Brigjen H. Hasan Basri No. 7, Kayu Tangi, Banjarmasin. Bamacam menu nang kawa dipilih kaya Mie Bancir Ori Khas Banjar, Mie Bancir Katsu, Mie Bancir Bakso, Mie Bancir Ceker Setan, Mie Bancir Juara Indonesia, wan banyak lagi nang lain.[10] Kada sampai di Banjarmasin ja sidin manganalakan Mi Bancir sampai ka Malaysia dan Finlandia jua, sambil mambagi buku risip masakan Banjar.[11] Wayah ini nang tehanyar tahun 2022 Agus mambuka usaha oleh-oleh bangaran “Dedaunan” baalamat di Jalan A Yani km 5.5 kota Banjarmasin. Tamotivasi mambuka usaha ngitu sabab jarang banar talihat wadai khas banjar, kaya wadai masubah.[12]
Daptar Jajuhutan
babak- ^ Times, I. D. N.; Sarimata, Arya. "8 Potret Juara 1 & 2 MasterChef Indonesia Setiap Season, Apa Kabar Ya?". IDN Times (dalam bahasa Indonesia). Diakses tanggal 2022-05-25.
- ^ a b Agus Sasirangan dan Kunci Suksesnya - Profil - LPM Kinday (persmakinday.com)
- ^ Chef Agus Sasirangan Kejutkan Orangtua di Peluncuran Pizza Hut - Okefood.com
- ^ "Penulis Buku Agus Sasirangan - Gramedia Digital Indonesia". ebooks.gramedia.com. Diakses tanggal 2022-05-27.
- ^ a b Okezone (2013-03-13). "Tak Punya TV, Chef Agus Sasirangan Malah Juarai MasterChef : Okezone Lifestyle". https://lifestyle.okezone.com/ (dalam bahasa Indonesia). Diakses tanggal 2022-05-28. Hapus pranala luar di parameter
|website=(bantuan) - ^ AdminMBD |. "Audisi Dapur Kita Ramadhan 2020!". www.miburungdara.com (dalam bahasa Indonesia). Diakses tanggal 2022-05-27.
- ^ BREAKTIME MNC TV • KREASI RESEP SPESIAL MENU RAMADHAN CEDEA • CHEF AGUS SASIRANGAN (30/04/2022) (dalam bahasa Inggris), diakses tanggal 2022-05-27
- ^ Agus Sasirangan Kian Moncer dari Konsultan Film hingga Restaurant Agnes Mo, https://banjarmasin.tribunnews.com/2019/07/05/karier-agus-sasirangan-kian-moncer-dari-konsultan-film-hingga-restaurant-agnes-mo. Diakses tanggal 2022-05-26
- ^ "Fani dan Agus Sasirangan, Juara Master Chef Asal Kalimantan". Kalimantana (dalam bahasa Indonesia). Diarsipkan dari versi asli tanggal 2022-05-25. Diakses tanggal 2022-05-26.
- ^ "Menyantap Mie Bancir Khas Banjar ala Masterchef Agus Sasirangan". kumparan (dalam bahasa Indonesia). Diakses tanggal 2022-05-27.
- ^ "Kisah Perjuangan Agus Sasirangan Menjadi Chef Nasional, Kini Promosikan Masakan Banjar ke Finlandia - Banjarmasinpost.co.id". banjarmasin.tribunnews.com. Diakses tanggal 2022-05-27.
- ^ Chef Agus Sasirangan Buka Dedaunan, Pusat Oleh-oleh Baru di Kota Banjarmasin, https://banjarmasin.tribunnews.com/2022/05/21/chef-agus-sasirangan-buka-dedaunan-pusat-oleh-oleh-baru-di-kota-banjarmasin. Penulis: Noor Masrida | Editor: Eka Dinayanti