Albert Camus
Albert Camus (disambat sebagai [al'bɛr ka'my]) (ranak di Mondovi (wayahini Deraan), Aljazair, 7 Nupimbir 1913 – habis umur di Villeblevin, 5 Januari 1960 pas umur 46 tahun) adalah saikung panulis/filsuf Prancis karanakan Aljazair. Inya rancak digolongakan sabagai saikung panulis eksistensialis, tatapi kamungkinan inya labih tapat disambat sabagai saikung absurdis. Camus adalah saikung katurunan Spanyol.
| Albert Camus | |
|---|---|
 Potret dari New York World-Telegram dan Sun Newspaper Photograph Collection, 1957 | |
| Ranak | 7 Nupimbir 1913 Dréan, El Taref, Aljazair Prancis |
| Habis umur | 4 Januari 1960 (umur 46) Villeblevin, Yonne, Burgundi, Prancis |
| Era | Filsafat abad ke-20 |
| Aliran | Absurdisme |
| Minat utama | Etika, Kemanusiaan, Keadilan, Cinta, Politik |
Dipengaruhi
| |
Memengaruhi
| |
Pas tahun 1957 inya dianugarahi Panghargaan Nobel dalam Sastra. Inya adalah kawalnya Jean Paul Sartre, saikung sastrawan eksistensialis wan Simone de Beauvoir. Inya habis umur dalam sabuting kacalakaan mubil di Villeblevin pas 5 Januari 1960.
Kehidupan Awal
babakCamus diranakan akan di Aljzair Prancis matan kuitan Pied-Noir. Inya mehabiskana masa kanakannya di lingkungan miskin imbah tu belajar filsafat di Universitas Aljazair. Imbah lulus, inya begawi jadi wartawan.[1] Inya ada di Paris pas Jerman meinpasi Prancis waktu Perang Dunia II tahun 1940. Camus handak melarikan diri tapi umpat begabung ke Perlawanan Prancis, inya menjabat jadi pimpinan redaksi di Combat, sabuting koran terlarang. Imbah perang, inya jadi tokoh terkenal dan membari banyak kuliah di seluruh dunia. Inya kawin dua kali tapi bisi banyak hubungan di luar nikah. Camus aktif di dunia pulitik, termasuk sauran sayap kiri nang melawan Uni Soviet karna totalitarianisme. Camus saurang moralis dan lebih ke arah anarko-sindikalisme. Inya juga begabung dibanyak organisasi nang mencari dukungan Eropa. Selawasa Perang Aljazair (1954-1962), ia menahan sikap nitral, mendukung ide Aljazair nang multibudaya dan pluralistik, posisi ngini meulah kontropersi wan ditolak ulih banyak pihak.
Sacara filosofis, pandangan Camus bakontribusi lawan cungulnya filsafat nang dikenal absurdisme. Inya juga dianggap jadi sauran eksistensialis, meskipun inya tegas menolak istilah ngitu seumur hidupnya.
Camus jua dikenal sebagai saura pengarang nang karya-karyanya kantal lawan filsafat eksistensialisme. Tulisan-tulisannya menabuk irasionalitas wan kontradiksi alam lawan manusia nang digambarakan melalui karakter nang memberontak lawan nilai-nilai konpensional. Dunia nang ditulisnya kalihatan camuh, gila wan kadada tujuannya. Dalam dunia kadada Tuhan atau nilai-nilai pasti, kadada sauran pun nang bujur-bujur besalah atau kada besalah, dan manusia kada berhak saling menghakimi.[1]
Dalam nopel pertamanya L'Étranger (1942), Camus mangisahakan Mersault, lakian katurunan Prancis-Aljazair (nang kaya inya jua) nang manjalani hidup damai sampai inya dibawa ke meja hijau maraga manimbak Arab maraga membela diri. Mersault jua dikisahakan mengguringi binian pas malam manguburakan mamanya dan kada manangis pas tahu mamanya mati. Kekuatan nopel ngitu ada pada gaya pandirnya nang datar, netral, sadikit gaya pembawa berita, tapi kuat.[1]
Pemikiran tentang Absurditas
babakManurut Camus, hidup manusia ngituh camuh (abstrak). Andakan absurditasnya adalah (1) di sabuting sisi manusia hidup maarah atawa manuju lawan masa depan nang satumat (2) di sisi nang lain, masa depan ngituh maulah manusia mandakatakan lawan kamatian. Karana mahadapi absurditas ngituh, manusia rancak maggawi "sultu" atawa lawan kata nang lain babukah, lawan (1) maninggalamakan diri surang lawan agama atawa ideologi tartantu atawa (2) bunuh diri.
Baik "salto" ka dalam agama atawa ideologi maupun manggawi bunuh diri ditulak ulih Camus sabagai sulusi matan absurditas hidup manusia. Solusi nang di tawarakan inya adalah manggawi pambaruntakan atas hidup (revolt). Maksudnya, mahadapi hidup wani tanpa takutan lawan bahaya kamatian nang kawa datang saban waktu tanpa dikatahui.
Karya
babakKaryanya antara lain:
- Le mythe de Sisyphe, 1942
- L'Étranger, 1942
- Caligula, 1944
- La malentendu, 1944
- La peste, 1947
- L'état de siège, 1948
- Lettres à un ami allemand, 1948
- Les justes, 1950
- L'homme révolté, 1951
- La chute, 1956
- L'exil et le royaume, 1957
- Le premier homme (tidak selesai, diterbitkan pada tahun 1994 oleh putrinya, di penerbitan Gallimard)
- Albert Camus, Maria Casarès. Correspondance inédite (1944-1959). Édition de Béatrice Vaillant. Avant-propos de Catherine Camus. Collection Blanche, Gallimard. Parution: 09-11-2017.
Lihati jua
babakPranala luar
babak- Fonds Albert Camus - Cité du livre d'Aix en Provence
- Société des Études Camusiennes
- The Albert Camus Society
- (Bahasa Inggris) Pranala ke Penghargaan Nobel
- ^ a b c Kurnia, Anton (2019). Ensiklopedia Sastra Dunia. Yogyakarta: DIVA Press. hlm. 25–26. ISBN 978-602-391-662-7.