Allen Ginsberg
Allen Ginsberg marupakan panyair Amirika Serikat nang ranak di Newark, New Jersey, 1926. Haratan tahun 1950-an, inya menjadi tokoh Kelompok Beat. Pas tahun 1954, GInsberg baalih ka San Francisco. Garumbungan puisi panambayannya, Howl (1956), lolos matan pengadilan sensor wan menjadi salah sabuting buku puisi nang paling banyak dibaca urang pas abad ka-20. Pas tahun 1960-an sampai 1970-an, Ginsberg balajar spiritualisme Timur di bawah bimbingan guru-guru Zen. Inya imbahnya maulah wan mangalula Jack Kerouac School of Disembodied Poetics di Naropa Institute, Colorado. Di wayah pauncitan hidupnya, inya jadi profesor luar biasa di Brooklym College. Inya habis umur pas tahun 1997 di New York City.[1]
Referensi babak
- ^ Kurnia, Anton, 1974-. Ensiklopedia sastra dunia : pengantar menjelajah dan kawan membaca. Yogyakarta. ISBN 978-602-391-662-7. OCLC 1083105259.