Antasan

Antasan adalah istilah nang dipakai Suku Banjar pas mangarani sistim banyu gasan tatah. Antasan marupakan kaadaan geomorfologi nang manunjukakan kabarlanjutan wan saling tahubung antara sungai-sungai halus lawan sungai-sungai ganal. Biarpun baisi ciri sabagai saluran sikundir, antasan sabujurnya labih baisi jasa nang ganal dalam sistim pambanyuan wan dalam transpurtasi banyu.

Cuntuh gambar Antasan

Kagunaan

Tapakainya antasan adalah gasan jalur lalu-lalang batang banyu nang manyambungakan wilayah padalaman lawan sungai ganal atawa anak sungai. Jadi, antasan bapungsi gasan pahandap jarak antara wilayah padalaman wan sungai-sungai utama. Tabantuknya antasan ngini maulah jalur sungai, balalu maulah sistem pambanyuan nang panting gasan kahidupan urang banyak. Dalam hal ngini, antasan jadi suatu nang panting dalam kahidupan masyarakat Banjar, wan jua jadi kunci gasan paaluran wan pambagian banyu sungai wan jua gasan kalastarian ikusistim sungai.