Apam Barabai
Apam Barabai adalah wadai khas dari Barabai nang diulah dari galapung baras IR42, karana baras janis ini nang cucuk gasan bahan pambuatannya. Ngarannya baras karau, mun baras lambi kada baik kaina kada mapau kamirannya. Salain itu bahan nang dipakai adalah gula habang dari puhun hanau nang masih banyak tumbuh di Kabupatin Hulu Sungai Tengah, salain itu jua ditambah lawan tapai gumbili nang sudah diparam (fermentasi) lawan ragi.[1] Imbah itu sabarataan bahan tadi dicampur lalu diharu wan ditampa-tampa supaya bahannya tacampur marata, imbah itu diganaakan samalaman.
 | |
| Huaran | Panekuk |
|---|---|
| Sajian | Jajanan pasar |
| Banua asal |  Indonesia |
| Dairah | Kalimantan Selatan |
| Suhu panyajian | Hangat |
| Bahan utama | Tepung beras, gula merah |
Imbah kamiran mapau, lalu disumap sampai masak, wadai nang ini manggunaakan tuangan daun dadap lawan diulah tipis-tipis, apam nang ini tamasuk tahan lawas kada lakas basi lawan rasanya manis. Wadai ini tamasuk wadai nang mandapatakan parhatian khusus oleh Pamarintah Kabupatin Hulu Sungai Tengah, lawan diulahakan pasar nang dibari ngaran Pasar Apam, tatapi sadikit disayangakan wayah ini kualitas Apam Barabai kada dijaga, mungkin handak mahimat biaya pambuatannya supaya haraganya kawa murah lawan menggunaakan pamanis ulahan, malah marusak cita rasanya nang khas.
Wayah ini Apam Barabai sudah manyabar ka saluruh Kalimantan Selatan nyaman ditamui di mana haja. Kunun jar urang balum ka Barabai lamun balum suah marasai atawa mambawa ulih-ulih Apam Barabai.
Jinguki jua
babakJujuhutan
babak- ^ Hanani (2021-02-10). "Kuliner Kalsel Apam Barabai Tahan 3 Hari karena Gunakan Pengembang Kue Ini". Banjarmasinpost.co.id (dalam bahasa Indonesia). Diakses tanggal 2023-07-07.