Awau

Dalam pamarusisan sinyal audio dan akustik, awau adalah pamantulan bunyi nang ditarima ulih pandangar babarapa wayah limbah bunyi langsung. Cuntuhnya adalah awau nang dihasilakan ulih dasar suatu sumur, suatu bangunan, atawa pada suatu ruangan, ulih tawing. Jada waktu ditarimanya awau sabanding lawan jarak dibagi lawan kalakasan suara. Fenomena awau dimampaatakan pada radar.

Talinga manusia kada hingkat mambidakan awau lawan suara asli kalu jada waktu labih halus matan 1/10 garitik. Karananya, gasan hingkat mahasilakan awau nang kawa didangar awan jalas ulih sumbar suara, tawing pantulan minimum harus bajarak sakitar 16,2 mitir matan sumbar suara itu, awau nang tajadi lawan jarak di bawah pantulan minimum itu, biasa disambat lawan gaung