Baah

Baah adalah kajadian calap atawa caram wan tinggalamnya daratan (nang biasanya karing) marga puluma banyu nang maningkat. Calap baulih tajadi marga palimpasan banyu nang balabihan di sabuting dairah marga hujan ganal, palimpasan banyu sungai, atawa pacahnya tanggul sungai.

Rumah tarandam baah di Kabupatin Tanah Laut, Kalimantan Selatan wayah Baah Kalimantan Selatan 2021

Taksi tajarungkup marga baah di Jakarta wayah tahun 2007

Di barandak banua nang garasang di dunia, tanahnya baisi daya sarapan banyu nang buruk, atawa jumlah curah hujan malabihi kamampuan tanah gasan manyarap banyu. Rahatan hujan turun, nang bahanu tajadi adalah caram sacara bakajut nang dimusababakan taisinya saluran banyu karing lawan banyu. Calap samacam ngini disambat banyu baah.