Batasmiah

Batasmiah adalah gawian urang Banjar yakni upacara mangarani anak.

Sajarah

Batasmiah hudah matan bahari digawi, nang paling babakas iya wayah Karajaan Banjar hudah baagama Islam. Gawian ngini nang manggawi bubuhan bangsawan keraton haja, tagal wayahini hudah ka masyarakat jua.

Tata cara

Karancakannya, batasmiah digawi wayah malam imbah Isya, tagal wayahini sudah wayahapa haja kawa. Bubuhan nang parak lawan rumah disaurani, nang diutamaakan ialah tuan guru lawan Qari.

Digawi di palidangan, bapandal hambal nang dihiganya cirat kaca gasan banyu, mangkok halus gasan batungkal, wan minyak harum.

Imbah acara pambukaan, anak nang handak dingarani dipingkuti abahnya, bahadap tuan guru. Qari mambacaakan Surah Ali Imran ayat 1–19 atawa–nang tarancak–ayat 33-37. Tuntung Qari mambaca, tuan guru mandoaakan nang anak.

Sambil mambaca tulisan ngaran di karatas putih, Tuan Guru baucap pamulaan babasa Arab, hanyar artinya nang bacaannya, "Bismillahirrahmanirrahim. Aku ngarani anak ini, baharap buhara sama lawan di Lauh Mahfuz, ... bin ...." sabanyak talu kali. Hanyar imbahnya, bubuhan tamu baucap "Barakallah".

Tuntung mangarani, anak digunting rambutnya sadikit nang dimulai tuan guru hanyar bubuhan nang tuhanya, hanyar ditungkali imbahnya. Parak pahabisan acara, tuan guru mambacaakan doa selamat pulang hanyar basurung makanan.

Referensi

• Antemas, Anggraini (2020). Mengenal Flora, Fauna, dan Seni Budaya Banjar: Bahan Muatan Lokal Untuk Sekolah Dasar. Jilid I. Ananda Nusantara.