Batungkau
Batungkau adalah pamainan taradisiunal Indunisia nang balum dikatahuani sacara nahap asalnya, tagal kawa didapati di dairah lain lawan ngaran nang bamacam-macam nang kaya: sapalih wilayah Sumatera Barat lawan ngaran Tengkak-tengkak nang bamula matan kata Tengkak (pincang), Ingkau nang dalam basa Bengkulu ba'arti sapatu paring wan di Jawa Tengah nang mamakai ngaran Jangkungan nang bamula matan ngaran burung babatis panjang. Egrang saurang ba'asal matan basa Lampung nang ba'arti tarumpah pancung (sandal landap) nang di'ulah matan paring bulat panjang. Batungkau marupa'akan Basa Banjar matan Egrang.[1]
Asal Ngaran
babakBatungkau ba'asal matan ngaran tungkau nang artinya tinggi. Jadi batungkau atawa bamain tungkau, adalah pamainan lawan cara bajalan maninggi'akan awak mamakai alat, wan alat ngitu sa'urang kawa disambat ngarannya tungkau. Pamainan ngini kawa jua disambat babatisan, marga alat nang dipakai gasan maninggi'akan awak nang kaya pangganti batis. Alat pamainan nang dingarani tungkau di'ulah urang matan batang paring nang badiamitir kikira 5 sintimitir wan panjang kikira 2 mitir.[2]
Nilai Budaya
babakDalam pamainan batungkau tadapat bamamacam nilai-nilai budaya, nang kaya nilai pangsar dada (kerja keras) nang kawa dilihat dari sumangat bubuhan pamain batungkau nang harus tatap ba'usaha supaya kawa mangalahakan musuhnya. Nilai kacangkalan nang kawa dilihat matan parusis ma'ulah alat nang dipakai gasan bajalan nang mamarlu'akan kacangkalan wan katugulan supaya kawa saimbang wan nyaman dipakai gasan bajalan.
Nang pauncitan adalah nilai sapurtipitas nang kawa dilihat kada matan sikap bubuhan pamain nang kada culas rahatan bamain haja, tagal kawa jua manarima kakalahan lawan lapang dada. Marga biar kaya apa haja batungkau kada wastu sabuting pamainan gasan ma'isi masa puang lawan hal-hal nang pusitip gasan kakanakan atawa urang tuha.[3]
Galeri
babak-
Panari batungkau matan Karawang -
Saikung pamain batungkau wan saikung panjaga lawang di New York City. -
Tukang pos nang mangirimakan surat sambil batungkau
Catatan Batis
babak- ^ "Batungkau > Mainan Tradisional | Beautiful Indonesia UMM". beautiful-indonesia.umm.ac.id. Diarsipkan dari versi asli tanggal 2020-02-06. Diakses tanggal 2020-02-19.
- ^ "Archive copy". Diarsipkan dari versi asli tanggal 2020-08-13. Diakses tanggal 2020-02-19.
- ^ "Serunya Bermain Egrang Bersama Teman-Teman". MerahPutih. 2016-03-14. Diakses tanggal 2020-02-19.