Bawang Habang
Bawang habang adalah salah sabuting bumbu masakan nang baasal matan Iran, Pakistan, wan pagunungan-pagunungan di sabalah utaranya, nang kamudian tasabar ka panjuru dunia, baik nagara sub-trupis wan jua trupis. Bantukannya mirip umbi nang kawa dimakan mantah, gasan bumbu masak, acar, ubat tradisiunal, kulit umbinya kawa diulah pawarna wan daunnya kawa diulah sayur. Bawang habang wahini tamasuk salah sabuting kalumpuk tanaman Allium cepa, janis tanaman nang mamuat banyak kalumpuk tanaman bawang nang dikanal lawan ngaran gabungan bawang bumbai[1].
Deskripsi babak
Bawang habang mangandung vitamin C, kalium, serat, wan asam folat. Lawan jua, bawang habang mangandung kalsium wan zat besi. Dalam bawang habang tadapat jua zat pangatur tumbuh alami nang kaya hormon auksin wan giberelin[2]. Bawang habang rancak tapakai gasan ubat tradisiunal, bawang habang dikanal gasan ubat maraga mangandung antiseptik wan sanyawa alliin. Sanyawa alliin ulih enzim alliinase imbah tu diubah jadi asam piruvat, amonia, wan alliisin sabagai anti mikroba nang basipat bakterisida[3].
Kagunaan babak
Bawang habang rancak dipakai gasan ubat tradisiunal. Panyakit nang kaya maag, masuk angin, kulistrul, diabitis militus, wan sasak bahinak kawa ditambai pakai bawang habang maraga bawang habang kawa mahaga panimbunan trumbusit wan maningkatakan aktipitas pibrinutik[4]. Salain gasan ubat, bawang habang jua rancak dipakai urang gasan panyadap wan pangharum makanan pas handak dimakan. Bawang habang nang dipakai gasan panyadap ngini biasanya disanga dahulu, ngarannya bawang basanga[5].
Daptar Jujuhutan babak
- ^ Pratiwi, Erviana Eka; Maharijaya, Awang; Dinarti, Diny (2020-04-30). "Genetic Diversity of Shallot (Allium cepa var. aggregatum) Based on Morphology and Molecular Markersetik Bawang Merah (Allium cepa var. aggregatum) Berdasarkan Marka Morfologi dan Molekuler". Jurnal Hortikultura Indonesia (dalam bahasa Indonesia). 11 (1): 51–60. doi:10.29244/jhi.11.1.51-60. ISSN 2614-2872.
- ^ "10 Manfaat Bawang Merah untuk Kesehatan Tubuh dan Kulit". Best Seller Gramedia (dalam bahasa Indonesia). 2021-11-05. Diakses tanggal 2022-11-20.
- ^ Mediatama, Grahanusa (2020-11-19). "Ini manfaat bawang merah sebagai obat herbal yang wajib Anda ketahui". PT. Kontan Grahanusa Mediatama (dalam bahasa Indonesia). Diakses tanggal 2022-11-20.
- ^ VIVA, PT VIVA MEDIA BARU- (2022-03-09). "5 Manfaat Bawang Merah Cegah Risiko Kanker sampai Obati Maag". www.viva.co.id (dalam bahasa Indonesia). Diakses tanggal 2022-11-20.
- ^ Media, Kompas Cyber (2021-09-21). "3 Fungsi Bawang Merah dalam Masakan, Bisa Jadi Penyedap Alami Halaman all". KOMPAS.com (dalam bahasa Indonesia). Diakses tanggal 2022-11-20.