Bibinian
Bibinian adalah salah sabuting janis kalamin nang ada pada manusia, janis kalamin nang sabutingnya lagi adalah lalakian.
Amun di dalam Basa Inggris, ada nang lain antara istilah bibinian nang sudah akil balik lawan bibinian nang masih kakanakan. Kakanakan binian dikiau lawan istilah girl, mun nang sudah ganal wan liwat akil balik dikiau woman. Amun dalam Basa Banjar bibinian nang masih dadaraan disambat diang.
Bibinian ngitu istilah gasan manusia haja, amun gasan binatang dipakai istilah batina.
Ciciri kalamin sakundir
babak
Manusia manunjukakan pabidaan tawas awak antara lalakian lawan bibinian nang kadada hubungan langsung lawan kamampuan bakambang biak, tagal kabanyakan ciciri ngini ada hubungannya lawan wadah daya tarik siksual.
Ada sadikit lain awak lalakian labih ganal atawa labih tinggi panjang daripada awak bibinian. Tagal ngini kada kawa dipupuh rata. Ada jua lalakian nang handap, wan bibinian gin ada jua nang pancau.
Di bawah ngini ada satabul ciciri sakundir manusia bibinian, nang didapatakan wayah kakanakan bibinian maalami akil balik atawa kawa jua didapat imbah inya tuha:
- Tumbuh rambut intang alat kalamin wan katiak.
- Pinggul bamagin libar
- Maalami datang bulan
- Susu bamagin mancungul
- Kulimbit bamagin mulus
Sistim kambang biak
babak
Amun diitihi matan sudut ilmu hayat, urgan kalamin bibinian nang bahubungan lawan sistim kambang biak, sadangakan ciciri kalamin sakundir nang bahubungan lawan maharagu anak, atawa dalam sapalih kabudayaan gasan manarik kancaan. Indung hintalu, salain baisi guna rancaknya gasan mahasilakan hurmun, mahasilakan jua gamit bini-bini nang bangaran hintalu (ovum) nang bila dibuahi ulih gamit laki-laki (sapirma), kawa mahasilakan anak. Utérus (rahim) adalah urgan lawan jaringan nang malindungi wan maingu pakambangan janin wan utut gasan mangaluarakan janin ngitu wayah baranak. Vagina (puki) digunaakan dalam pakawinan wan maranakakan (urang rancak salah manyambat vagina, padahal nang dimaksutakan kawa jua vulva atawa alat kalamin bibinian luar kaya labia, kalantit, wan uritra bini-bini). Buah dada baipulusi matan kalanjar paluh jadi mahasilakan banyu susu, sikrisi bagiji nang mambidaakan mamalia lawan janis satua lain.