Bilungka

Bilungka atawa Kara'i (basa Indunisia: mentimun, Cucumis sativus L.; suku tamasuk buah Cucurbitaceae) tumbuhan nang kawa dimakan. Buahnya diputik balum masak banar, gasan lalapan sayuran. Bilungka rajin gasan makanan urang di mana haja di dunia, banyak banyunya, rasanya sigar. Bilungka dihiris tipis-tipis, diandak di muha, kawa gasan malicinakan pipi. Wadah tumbuh bilungka sapalihan malancar di tanah, tamasuk tanaman musiman: limbah bakambang wan babuah, mati. Rarumahan kambangnya sabutingannya (monoecious), kambang laki wan hermafrodit (banci). Kambang-nya nang panambaian (umur 4-5 minggu) biasanya laki. Kambang nang pandudian cungul biasanya bancir. Sarapun tanaman rajin hasilnya 20 bigi bilungka. Lamun ukuran buahnya handak baik, rapun tanamannya musti dibatasi, jangan talalu rapat.

?Bilungka
Buah bilungka di tanah
Klasifikasi ilmiah
Karajaan: Plantae (tidak termasuk) Eudikotil (Eudikotil inti) (tidak termasuk) Rosid Ordo: Cucurbitales Famili: Cucurbitaceae Genus: Cucumis Spesies: C. sativus
Ngaran binomial
Cucumis sativus L.

Bilungka wan sayatan balahannya

Warna buah bilungka biasanya hijau anum wan putih manguning. Lamun sudah masak, warna luar buahnya baubah jadi hijau, sampai ka putih kalas. Buahnya panjang nang kaya torpedo. Daging buahnya hasil mesokarp, warnanya kuning pucat sampai tarang. Buah diputik wayah masih satangah masak, sabaluman bigi dalamnya kamasakan. Buah nang kamasakan biasanya karing, biginya hirang.