Tanaman Bundung baisian ngaran lain nang dipinandui di Indunisia yaitu Mensiang ilmiah actinuscirpus grossus. Bundung tamasuk tanaman teki-tekian nang batannya babantuk sagi tiga lawan barungga.[1]

Rapun Bundung

Morfologi babak

Tanaman Bundung bawujud kumpai nang rapunnya kuat, cagat, baanak banyak, baisian geragih panjang nang hujungnya di intangan umbi halus. Batang Bundung babantuk sagi tiga curing nang pinggirnya cakung, baisian rambut-rambut halus, ukuran batang Bundung panjangnya sakitar 80-200 cm libar sakitar 5-10 mm. Daun Bundung baandak dalam roset nang kaya garis, ukuran panjangnya 50-80 cm, libarnya 0,5-3 cm, hujung daunnya curing, pinggirnya barambut curing. Kambang Bundung batipe terminal, kada baaturan, bantuknya kaya payung nang banyak, barambur nang kaya sikat, ukuranya halus sakitar 4-17 cm, basian daun palindung nang kada sama panjang. Buah Bundung babantuk bulir nang bulat kaya hintalu tabalik, hujungnya sadikit curing, babalang habuk, babantuk sagitiga.[2]

Habitat babak

Bundung tumbuh subur di dairah nang rancak tarandam banyu, nang kaya di pinggir kulam, saluran banyu, dairah baruh, pahumaan irigasi, pahumaan pasang surut, atawa di dairah dataran randah nang tingginya 850 mdpl.[2]

Manpaat babak

Bundung kawa dimanpaatakan gasan bahan serat alam nang kaya kain tenun marga baisian serat batang nang kuat, batang Bundung nang handak diambil seratnya bagus diranda ka dalam caira NaOH atawa natrium hidroksida gasan manambah kakuatan seratnya.[1]

Batang Bundung kawa diulah anyaman tikar nang kasar atawa kadut, batang Bundung pamulaan dibuang salah sabuting hujungnya, imbah itu dirataakan lawan paring, hanyar dijamur di bawah panas matahari. Lambaran batang Bundung ini diambunakan sakira baubah putih, hanyar kawa dianyam sasuai kaparluan.[2]

Serat tanaman Bundung kawa jua dimanpaatakan gasan bahan campuran baulah papan komposit, serat Bundung kawa manambah kakuatan papan komposit.[3]

Sari tanaman Bundung nang dicampur lawan sari tanaman lain misalnya daun sirih lawan limau nipis kawa djadakan gasan bahan abulah antiseptik nang bamanpaat dalam praktik kaparawatan atawa kabidanan. Antiseptik ini tapakai banar gasan babasuh tangan, mambarasihi ruang uprasi, mambarashi kulit awak nang handak diuprasi, mambarasihi kulit nang handak disuntik, atawa mambarasihi bagian awak nang lainnya.[4]

Bundung nang dicampur limau nipis lawan sirih kawa jua dijadakan bahan antioksidan, marga katiganya mangandung senyawa flavonoid, senyawa polifenol lawan senyawa kimia lainnya. Antioksidan bapungsi gasan malawan radikal bibas nang manjadi racun dalam awak bakas sisa-sisa metabolisme atawa marga polusi nang masuk dalam awak.[5]

Flavonoid nang ada dalam tanaman Bundung kawa jua mamati'i bakteri Staphylococcus aureus lawan mahambat tumbuhnya jamur Candida albicans, cara mamanpaatakannya kawa diulah cairan nano partikel nang sipatnya manambus dinding sel bakteri lawan jamur tadi.[6]

Catatan Batis babak

  1. ^ a b Khaidar, Hafidh Rayana; Faryuni, Irfana Diah; Asri, Asifa (2020-01-02). "Analisis Kekuatan Tarik Serat Bundung (Scirpus grossus) Dengan Variasi Perlakuan Alkali". PRISMA FISIKA. 7 (3): 246. doi:10.26418/pf.v7i3.37675. ISSN 2337-8204. 
  2. ^ a b c Noval, Noval; Iwan, Yuwindry; Ibrahihm, Ibrahihm (2018-07-18). "SKRINING FITOKIMIATANAMANBUNDUNG (Actinoscirpus grossus)". repository.stikessarimulia.ac.id (dalam bahasa Inggris). Diarsipkan dari versi asli tanggal 2019-10-19. Diakses tanggal 2023-03-20. 
  3. ^ Sendawati, Ica; Asri, Asifa; Nugroho, Bintoro Siswo (2022-06-05). "Analisis Pengaruh Densitas Pada Kualitas Papan Komposit Berbahan Baku Limbah Kayu Jabon dan Serat Bundung (Scirpus grossus)". PRISMA FISIKA (dalam bahasa Inggris). 10 (1): 33–39. doi:10.26418/pf.v10i1.53428. ISSN 2337-8204. 
  4. ^ Kurniawati, Darini; Noval, Noval; Nastiti, Kunti (2020-07-30). "POTENSI ANTISEPTIK POLIHERBAL DAUN SIRIH (Piper betle), KULIT JERUK NIPIS (Citrus aurantifolia) DAN TANAMAN BUNDUNG (Actinuscirpus grossus) PADA TINDAKAN KEPERAWATAN DAN KEBIDANAN". DINAMIKA KESEHATAN: JURNAL KEBIDANAN DAN KEPERAWATAN. 11 (1): 420–431. doi:10.33859/dksm.v11i1.552. ISSN 2549-4058. 
  5. ^ Nastiti, Kunti; Noval, Noval; Kurniawati, Darini (2021-08-30). "Uji Aktivitas Antioksidan Kombinasi Infusa Daun Sirih (Piper betle L), Ekstrak Etanolik Tanaman Bundung (Actinuscirpus grossus) dan Kulit Jeruk Nipis (Citrus aurantifolia)". Jurnal Surya Medika. 7 (1): 115–122. doi:10.33084/jsm.v7i1.2647. ISSN 2655-2051. 
  6. ^ Windy, Yuditha Mutia; Dilla, Khaliza Natasya; Claudia, Jesika; Noval, Noval; Hakim, Ali Rakhman (2022-12-26). "Karakterisasi dan Formulasi Nanopartikel Ekstrak Tanaman Bundung (Actinoscirpus grossus) dengan Variasi Konsentrasi Basis Kitosan dan Na-TPP Menggunakan Metode Gelasi Ionik: Characterization and Formulation of Nanoparticles Extract of Bundung Plant (Actinoscirpus grossus) with Variations in Concentration of Chitosan and Na-TPP Bases Using the Ionic Gelation Method". Jurnal Surya Medika (JSM) (dalam bahasa Inggris). 8 (3): 25–29. doi:10.33084/jsm.v8i3.4495. ISSN 2655-2051.