Dadap

?Dadap
	; Kambang dadap
Klasifikasi ilmiah
Karajaan:	Plantae;
Divisi:	Magnoliophyta;
Kelas:	Magnoliopsida;
Ordo:	Fabales;
Famili:	Fabaceae;
Upafamili:	Faboideae;
Bangsa:	Phaseoleae;
Genus:	Erythrina;
Spesies:	E. subumbrans;
Ngaran binomial
	Erythrina subumbrans; (Hassk.) Merr.; Philippine Journal of Science 5(2): 113. 1910.
Sinonim
	Hypaphorus subumbrans Hassk.; Hort. Bogor. Desc. 198. 1858. ; Erythrina lithosperma Miq.

Tanaman Dadap atawa tanaman Erythrina sububrams (Hassk.) Merr. Baisian ngaran nang lain yaitu Erythrina lithosperma Miq., Erythrina hypophorus Boerl, lawan Eryhtrina secundiflora.^[1]

Morfologi

Dadap tamasuk tumbuhan bakayu nang tinggnya antara 15-22 m, ganal batangnya baukuran diameter 40-100 cm, bantuk batangnya cagat, bulat, bacabang simpodial, lincar, babalang hijau babintik-bintik putih, cikangnya tumbuh ka atas mambantuk sudut 45 derajat.^[1]

Kambang lawan daun Dadap

Daun Dadap tamasuk janis daun majemuk, babantuk sagi tiga, pinggirnya rata, hujungnya curing, pangkal daun babantuk bulat parak rata, tangkainya silindris, panjang daun sakitar 9-19 cm, libar daun sakitar 6-17 cm, babalang hijau, baisian anak daun 3 lambar, tulang daun menyirip, amun dikacak tarasa lunak di tangan, daun intangan atas taganal matan daun panumpu.^[1]

Kambang Dadap bantuknya majemuk, barundun-rundun, andaknya di katiak daun, tangkai kambangnya babantuk slindiris, mahkota kambang babalang habang kakuningan nang kaya tarumpit, banang sarinya baukuran halus, tangkai putik silindris, kapala putiknya babantuk bulat curing.^[1]

Buah Dadap

Buah Dadap babantuk harit, tamasuk janis buah polong-polongan nang isinya bulat-bulat sabanyak 4-8 bigi. Sabuting biginya babantuk nang kaya ginjal babalang habuk. Akar Dadap tamasuk akar tunggang.^[1]

Manpaat

Daun Dadap bamanpaat gasan manurunakan panas awak, marganya mangandung etanol nang bapungsi manyarap panas matan awak manusia.^[2]

Salah sabuting nang manyababakan panyakit panas awak ialah imunisasi, biasanya banyak diarit ulih bayi. Kompres ramuan daun Dadap kawa djadiakan pilihan gasan maampihi panas awak bayi tadi, salain nyaman manggawinya ramuan daun Dadap tamasuk ramah lingkungan.^[3] Di dairah Bali, pamakaian daun Dadap gasan kakanakan nang panas awak, ramuannya dicampur jintan lawan bawang habang nang ditumbuk sampai hancur, imbah itu diandak ka kaning kakanakan nang panas awak.^[4]

Manpaat lain nang kawa dambil matan rapun Dadap ialah kawa maampihakan sakit parut, malancarakan ASI, manggurangi risiku kaguguran, radang lawan batukan. Dadap kawa jua mahambat laju partumbuhan bakteri Escherichia coli.^[5]

Daun Dadap kawa jua dijadiakan gasan bahan baulah hand sanitizer atawa cairan gasan mambarasihi tangan nang kada marusak lingkungan. Marganya Daun Dadap mangandung alkaloid nang bapungsi gasan antibiotik. Salain kawa manjaga kasihatan tangan, hand sanitizer nang babahan daun Dadap ini kawa jua maningkatakan pandapatan masyarakat.^[6]

Daun Dadap bagi masyarakat kabupatin Hulu Sungai Tengah Kalimantan Selatan dimanpaatakan gasan citakan baulah wadai apam Barabai matan bahari, citakan daun Dadap ini kawa digunaakan baulang-ulang gasan baulah wadai apam sampai 10 kali. Walaupun wayahini ada sabagian masyarakat nang mangganti daun Dapat lawan palastik gasan citakan wadai apam, tagal kada kawa manandingi cita rasa khas apam nang dicitak manggunaakan daun Dadap.^[7]

Catatan Batis

^ ^a ^b ^c ^d ^e Chotimah, Chusnul (2019-12-16). Uji total flavonoid dan aktivitas antioksidan ekstrak daun dan kulit batang Dadap Serep (Erythrina subumbrans (Hassk.) Merr.) menggunakan pelarut yang berbeda (Tesis) (dalam bahasa Indonesia). Universitas Islam Negeri Maulana Malik Ibrahim.
^ Trisnawan, Zaeni Sigit (2020-11-07). INOVASI PEMBERIAN KOMPRES DAUN DADAP SEREP UNTUK MENURUNKAN SUHU TUBUH PADA ANAK HIPERTERMI DI WILAYAH KOTA MAGELANG (Tesis) (dalam bahasa Indonesia). Diploma, Universitas Muhammadiyah Magelang.
^ Nasution, Haris Munandar; Miswanda, Dikki (2022-06-30). "KARAKTERISASI, SKRINING FITOKIMIA DAN UJI AKTIVITAS ANTIINFLAMASI EKSTRAK ETANOL DAUN DADAP SEREP (Erythrina variegata Hassk.) TERHADAP TIKUS". PROSIDING SEMINAR NASIONAL HASIL PENELITIAN (dalam bahasa Inggris). 5 (1): 107–112.
^ Pariata, I. Komang; Mediastari, Anak Agung Putu Agung; Suta, Ida Bagus Putra (2022-05-23). "Manfaat Dadap Serep (Erythrina Sumbubrans) Untuk Mengatasi Demam Pada Anak". Widya Kesehatan (dalam bahasa Inggris). 4 (1): 38–46. doi:10.32795/widyakesehatan.v4i1.2803. ISSN 2657-1064. Diarsipkan dari versi asli tanggal 2023-03-17. Diakses tanggal 2023-03-17.
^ Rahman, Asep Abdul; Firmansyah, Ridwan; Setyabudi, Lulu (2019-08-26). "AKTIVITAS ANTIBAKTERI EKSTRAK ETANOL DAUN DADAP SEREP (Erythrina lithosperma Miq.) TERHADAP PERTUMBUHAN Escherichia coli". Pharmacoscript. 1 (1). doi:10.36423/pharmacoscript.v1i1.105. ISSN 2685-1121.
^ Aini, Nurul; Setiabudi, Fiona; Sari, Amelia Novita (2021-08-30). "EDUKASI PEMANFAATAN DAUN SIRIH SEBAGAI ALTERNATIF HAND SANITIZER ALAMI BAGI IBU PKK DESA AMPELDENTO". Jurnal Graha Pengabdian. 3 (3): 270. doi:10.17977/um078v3i32021p270-276. ISSN 2715-5714.
^ "Kuliner Kalsel Apam Barabai Gunakan Daun Dadap, Hasilkan Cita Rasa Khas". Banjarmasinpost.co.id (dalam bahasa Indonesia). Diakses tanggal 2023-03-17.

[:0-1] Chotimah, Chusnul (2019-12-16). Uji total flavonoid dan aktivitas antioksidan ekstrak daun dan kulit batang Dadap Serep (Erythrina subumbrans (Hassk.) Merr.) menggunakan pelarut yang berbeda (Tesis) (dalam bahasa Indonesia). Universitas Islam Negeri Maulana Malik Ibrahim.

[2] Trisnawan, Zaeni Sigit (2020-11-07). INOVASI PEMBERIAN KOMPRES DAUN DADAP SEREP UNTUK MENURUNKAN SUHU TUBUH PADA ANAK HIPERTERMI DI WILAYAH KOTA MAGELANG (Tesis) (dalam bahasa Indonesia). Diploma, Universitas Muhammadiyah Magelang.

[3] Nasution, Haris Munandar; Miswanda, Dikki (2022-06-30). "KARAKTERISASI, SKRINING FITOKIMIA DAN UJI AKTIVITAS ANTIINFLAMASI EKSTRAK ETANOL DAUN DADAP SEREP (Erythrina variegata Hassk.) TERHADAP TIKUS". PROSIDING SEMINAR NASIONAL HASIL PENELITIAN (dalam bahasa Inggris). 5 (1): 107–112.

[4] Pariata, I. Komang; Mediastari, Anak Agung Putu Agung; Suta, Ida Bagus Putra (2022-05-23). "Manfaat Dadap Serep (Erythrina Sumbubrans) Untuk Mengatasi Demam Pada Anak". Widya Kesehatan (dalam bahasa Inggris). 4 (1): 38–46. doi:10.32795/widyakesehatan.v4i1.2803. ISSN 2657-1064. Diarsipkan dari versi asli tanggal 2023-03-17. Diakses tanggal 2023-03-17.

[5] Rahman, Asep Abdul; Firmansyah, Ridwan; Setyabudi, Lulu (2019-08-26). "AKTIVITAS ANTIBAKTERI EKSTRAK ETANOL DAUN DADAP SEREP (Erythrina lithosperma Miq.) TERHADAP PERTUMBUHAN Escherichia coli". Pharmacoscript. 1 (1). doi:10.36423/pharmacoscript.v1i1.105. ISSN 2685-1121.

[6] Aini, Nurul; Setiabudi, Fiona; Sari, Amelia Novita (2021-08-30). "EDUKASI PEMANFAATAN DAUN SIRIH SEBAGAI ALTERNATIF HAND SANITIZER ALAMI BAGI IBU PKK DESA AMPELDENTO". Jurnal Graha Pengabdian. 3 (3): 270. doi:10.17977/um078v3i32021p270-276. ISSN 2715-5714.

[7] "Kuliner Kalsel Apam Barabai Gunakan Daun Dadap, Hasilkan Cita Rasa Khas". Banjarmasinpost.co.id (dalam bahasa Indonesia). Diakses tanggal 2023-03-17.

[1]

[2]

[3]

[4]

[5]

[6]

[7]