Dalam jaringan wan luar jaringan

Daring (basa Inggris: online) wan luring (basa Inggris: offline) baisi arti tatantu dalam hal tiknulugi kumputar wan sambungan jarak jauh. Sacara awam, daring manunjukakan kaadaan tasambung, lamun luring manunjukakan kaadaan tapagat. Daring kawa jua diartiakan sawagai sabuting kaadaan kumputar nang kawa saling bahurup maklumat marga sudah tasambung.

Kunsip ngini sudah diluasi matan arti kumputasi wan sambungan jarak jauh ka dalam bidang hubungan manusia wan pamandiran, sarupa lawan luring, kawa dipakai balawanan lawan pamakaian awam daring. Misal, bacangkurah nang tajadi salawas sabuting padapatan bisnis daring, lamun isu-isu nang kada pahatian sabarataan paumpat padapatan muati "diambil luring" - disambung di luar padapatan.

Wayah ngini, istilah daring wan luring sasain maalami paligaran makna. Sawagai cuntuh dalam dunia pambalajaran, daring diartiakan sawagai kagiatan balajar maajar malalui mituda antarhubungan badasarakan intarnit kaya pamakaian aplikasi Zoom Meetings, Google Meet, wan samacamnya. Sabaliknya istilah balajar luring, diartiakan sawagai balajar maajar sacara awam atawa basamuha di kalas.