Datu Sanggul
Datu Sanggul (baisi babarapa buting ngaran nangkaya Ahmad Sirajulhuda[1], Abdush Shamad[1][2], Abdul Jalil[1], Fakhruddin[1], dan Samman[1]) adalah saurang ulama wan tukuh masyarakat di wilayah Tatakan, Tapin Selatan, Tapin. Datu Sanggul hidup intang abad ka-18 Masihi, sajaman lawan Maulana Syekh Muhammad Arsyad al-Banjari atawa Datu Kalampayan. Datu Sanggul suah baguru lawan Datu Suban, ulama di wilayah Tatakan jua. [1][2]
| Datu Sanggul | |
|---|---|
 | |
| Lahir | Sekitar 18-an Masehi |
| Maninggal | Tatakan, Tapin Selatan, Tapin |
| Dipinandu marga | Ulama |
| Agama | Islam |
Datu Sanggul asalnya matan Palembang (ada nang mamadahakan inya matan Acéh[3]). Atas rastu umanya, inya balayar matan Salat Bangka Belitung, imbah ngitu inya sampai ka Kuta Banjarmasin hingga sampai di Kampung Muning (wahini andakannya Tatakan, Kabupaten Tapin), yakni di Pantai Munggu Tayuh Tiwadak Gumpa waktu tahun 1750. Imbah ngitu, inya baguru lawan Datu Suban wan tinggal di Kampung Muning atawa Tatakan sampai habis umur.[3][4]
Ada babarapa buting kisah tantang pambarian galar Datu Sanggul. Ada nang mamadahakan bahuwa inya katuju manyanggul (manggulung/ malulun) rambutnya nang panjang. Ada jua nang mamadahakan bahuwa inya katuju manyanggul (mahadang) binatang buruan. Ada jua kisah lain nang mamadahakan bahuwa inya dibari galar ngini maraga inya babakti lawan parintah gurunya di dalam khalwat khusus, nang mana inya manyanggul (mahadang) turunnya ilmu matan Allah Taala. Ada jua nang mamadahakan bahuwa inya dibari galar ngini maraga inya suah manyanggul (manjaga) pahalatan Kampung Muning matan sarangan pasukan Walanda sampai buhannya bukahan.[3][5] Biar nang kaya ngitu jua, ngaran Datu Sanggul dipakai sagan ngaran rumah sakit pamerintah nang ada di Rantau, Kabupaten Tapin, Kalimantan Selatan, yakni bangaran "Rumah Sakit Umum Daerah Datu Sanggul".
Kisah karamah
babakDatu Sanggul rancak dikisahakan lawan bubuhan masyarakat Banjar bahuwa inya kawa jumatan di Masjidil Haram di Makkah, biar sabujurnya inya masih bagana di Kampung Muning. Hal ngini maulah inya rancak kada cungul di masigit kampungnya pas jumatan. Kalakuannya maulah inya harus mambayar denda ka kasultanan tiap hari Jumahat sampai hartanya tinggal kuantan wan landai haja, walau ahirnya hartanya dibulikakan maraga bubuhan masyarakat sana sudah tahu kisah ajaibnya.[6]
Ada sabuting kisah bahuwa ada urang nang mambawai Datu Sanggul tulak jumatan baimbaian di masigit kampungnya. Walau awalnya Datu Sanggul manampik, inya akhirnya hakun tulak ikut jumatan lawan urang ngitu. Imbah ngitu, pas buhannya sampai di masigit, urang ngitu hanya malihati babarapa urang haja nang sumbahyang di masigit wan salabihnya adalah binatang barataan. Maraga ngitu, urang ngtu batakun lawan Datu Sanggul wan Datu Sanggul manjawab bahuwa buhannya tulak ka masjid lain maraga handak baibadat, tagal maraga hanya uumpatan urang banyak haja.[6]
Ada jua kisah lain nang mamadahakan bahuwa waktu inya handak tulak ka masigit kampung, inya baluncat ka dalam sungai sampai urang nang ada di intang masjid bakuciak wan maulah abut sakampungan. Imbah ngitu, pas bubuhan kampung pina abutan, Datu Sanggul tanang banar mancipul matan tangah sungai wan bajalan di atas banyu. Imbah ngitu, Datu sanggul lansgung masuk ka masigit. Mincunya, bajunya kada jimus banar, cuwali angguta wudunya. Buhan kampung makin takajut pulang maraga Datu Sanggul hanya bapantun haja waktu urang maangkat takbiratul ihram. Imbah ucapkan takbir, awaknya maawang-awang sampai urang tuntungan sumbahyang sampai bubuhan jamaah pina hiran banar. Imbah ngitu, Datu Sanggul bajajak pulang di lantai wan bapadah ""Aku tadi sumbahyang di Makkah. Sekalinya, ada nang manyaruani aku wan aku mamintai sikitt. Ayu kita rasai baimbaian walau sikitt". Imbah ngitu, bubuhan jamaah marasi nasi nang dibawa Datu Sanggul matan Makkah.[6] Adapun pantun nang Datu Sanggul ucapakan pas jumatan babunyi kaya ngini.[6]
"Riau-riau padang si bundan.
Di sana padang si tamu-tamu.
Rindu dandam tangadah bulan.
Di hadapan Allah kita batamu"
Hubungan lawan Datu Kalampayan
babakMaraga Datu Sanggul sajaman Syekh Muhammad Arsyad al-Banjari atawa Datu Kalampayan, ada babarapa buting riwayat pasal hubungan buhannya.
- Waktu Datu Kalampayan di Masjidil Haram sagan manggawi sumbahyang Jumahat bajamaah, inya malihat urang nang babaju palimbangan hirang, basalawar hiirang, wan balaung sumbahyang di paraknya. Pasalnya, baju nang kaya ngini hanya dipakai ulih bubuhan Banjar atawa bubuhan tanah Jawa wan kadada urang Makkah nang babaju kaya ngini. Babarapa kali inya maihat kajadian ngini sampai inya baujar: “Kada salah lagi, ngini pasti urang Banjar”. Imbah ngitu, Datu Kalampayan maulurakan tangannya, basalaman, wan mambawainya ka rumah. [7]
Di wadah Datu Kalampayan di Makkah, Datu Kalampayan bapandiran lawan Datu Sanggul.
Tapikir dalam hati Datu Kalampayan pasal kadatangan Datu Sanggul ngitu, apakah inya bujur masih waras atawa urang nang taganggu pikirannya. Jawaban Datu Sanggul tadi dirasa kada masuk akal sihat maraga inya kawa tulak matan Tatakan ka Makkah satumat hajawan kada mamakai apa-apa. Tapi mun dilihat matan cara pandirnya, Datu Kalampayan yakin bahuwa Datu Sanggul asalnya matan Banjar.[7] Gasan mambuktiakannya.
Datu Kalampayan: “Pian ngini urang mana, pian matan nagari mana wan sudah barapa lawas bagana di Makkah?”
Datu Sanggul: “Ulun tiap hari Jumahat datang ka sini gasan basumbahyang, wan aku asalnya matan Banjar. Aku badiam di Banjar. Jalasnya Tatakan.”
Datu Kalampayan: “Jauh jua. Mun kaya ngitu maliwati Martapura, Kayu Tangi. Maliwati wadahku. Ngitu jauh banar. Mun kaya ngin lawan apa ka sini tiap Jumahat?"
Datu Sanggul: “Aku kada mamakai apa-apa. Hanya maraga handak ka sini haja, wan tabarungan Allah Taala mambariakan kakuatan ka aku sampai maulah aku ka sini.”
Imbah ngitu, Datu Sanggul badiri di depan jendela. Tangannya dilambaiakannya ka luar jandila wan manjuhut pulang tangannya, nang mana di tangannya ada sabuting durian wan kuini.Datu Kalampayan: “Mun bujur ikam pulang bulik matan Tatakan ka sini, cuba ikam bawaakan aku ulih-ulih matan kampung tiap hari Jumahat. Aku sudah lawas banar kada bulik. Bisa sudah sampai 30 tahun. Salawas ngini aku bagana di Makkah ja wan kada suah ka mana-mana. Nah, kira-kira musim buah apa di wadah kita? Bawaakan gasanku, tarutama di Martapura wayahini musim apa kiranya.”
Buah ngitu ditarima Datu Kalampayan, nanng mana tangkai kuini ngitu masih bapara, nangkaya hanyar diputiki di higa rumah. Durian wan kuininya jua masak. Segera Datu Kalampayan mengupas dan memakannya. Memang betul durian dan kuini, nang mana di Makkah kada tadapat buah nangkaya ngini. Kuini Jawa haja kada tadapat, cuali buah aasaman nang lain. Waktu Datu Kalampayan bulik ka Banjar, inya sasain takajut maraga ada buah kuini matan Kasultanan Banjar tang manghilang. Sakalinya, buah kuini ngitu nang diputiki Datu Sanggul sagan Datu Kalampayan. Imbah batatamuan ngini, Datu Sanggul wan Datu Kalampayan sasain rancak batamu pas sumbahyang Jumahat salat Jum’at wan ahirnya bakakawanan jua buhannya.[7]Datu Sanggul: “Nah, Datu Kayu Tangi ambil durian wan kuini ngini. Ngini datang matan Sungkai.”
- Ada riwayat lain manyambat bahuwa Datu Sanggul suah mambawa tiwadak nang masih bapara maraga hanyar diputiki, nang manjadi tanda bahuwa Datu Sanggul tulak matan Tatakan ka Makkah satumat haja.
Sakalinya, durian ngitu dibawa matan istana Kasultanan Banjar ka Makkah, nang mana buhan panjaganya kadada nang tahunya. [8]Datu Kalampayan"Guru, apakah durian yang ada di halaman istana itu sudah berbuah?"
Datu Sanggul: "Sudah, dua biji buahnya, nanti aku ambilkan." - Waktu kamatian Datu Sanggul, ada kisah bahuwa Datu Sanggul suah bapadah lawan Datu Kalampayan sagan mambawaakan kain kafan mun Datu Kalampayan tuntung balajar di Makkah wan bulik ka Banjar. Sakalinya, kain kafan ngitu dipakai sagan makafani Datu Sanggul saurang nang sudah habis umur, pas Datu Kalampayan sampai di Banjar.[7] Bahkan ujar Tuan Guru Haji Irsyad Zein, Datu Kalampayan nang mamandiakan janajah Datu Sanggul. [9] Mun ujar "Cerita Masyarakat Banjar", waktu Datu Kalampayan sampai di wadah Datu Sanggul, inya malihat janajah Datu Sanggul dipundut lawan kain kafan wan tikar purun, maraga Datu Sanggul hidup sadarhana banar. Waktu Datu Kalampayan membukai tikar purun wan kain kafan ngitu. sakalinya janajah Datu Sanggul harum lenyap wan Datu Kalampayan baujar nangkaya ngini sambil manunjukakan putungan kain sagitiga nang dibawanya di Makkah.
"Inilah Kitab Barincong nang sabujurnya.", ujar Datu Kalampayan.[9]
Ajaran
babakPantun Saraba Ampat
babakNangkaya Datu Suban nang marupakan gurunya, Datu Sanggul baisi pamahaman tasawuf falsafi nang basandar lawan paham Nur Muhammad. Datu Sanggul baisi kapintaran dalam maulah pantun. Sabuting pantunnya nang masih ditahui lawan bubuhan Banjar Banjar wan Bakumpai adalah pantun Saraba Ampat nang rancak dipakai ulih sapalih bubuhan uumaan sagan mangguringakan anaknya. Dalam kitab Manakib Datu Sanggul nang ditulis lawan Mawardi bin Lasan, pantun ngini babunyi nangkaya ngini.[10]
"Allah jadikan saraba ampat
Syariat Thoriqat Hakikat Ma'rifat
Manjadi satu di dalam Khalwat
Rasanya nyamannya kada tasurat"
"Huruf ALLAH ampat banyaknya
Alif 'itibar matan Zat-Nya
Lam Awwal wan Akhir sifat matan Asma
Ha isyarat matan af'al-Nya"
"Jibril-Mikail Malaikat muliaIsyarat Sifat Jalal wan Jamal
Izrail-Israfil rupa pasangannya
'iItibar sifat Qahar wan Kamal"
"Jabar-ail asal mulanyaBahasa Suryani asal mulanya
Kebesaran Allah ngitu artinya
Jalalullah bahasa Arabnya"
"Nur Muhammad bamula nyataAsal jadi alam semesta
Saumpama api lawan panasnya
Itulah Muhammad lawan TuhanNya"
"Api wan banyu, tanah wam hawaNgtulah inya alam dunia
Manjadi awak barupa-rupa
Tulang sumsum daging wan darah"
"Manusia lahir ka Alam InsanDi Alam Ajsam ampat bakawan
Si Tubaniyah wan Tambuniyah
Uriah lawan si Camariyah"
"Rasa wan Akal, Daya wan NafsuDi dalam Raga nyata bersatu
Aku maliputi segala liku
Matan hujung rambut ka hujung kuku"
"Tubuh dan Hati, Nyawa wan RasaSatu nang Zhohir amat nyatanya
Tiga nang batin pasti adanya
Alam Shogir ngitu sabutnya"
"Mani-manikam, Madi dan MaziTitis manitis jadi manjadi
Si anak Adam balaksa kati
Hanya yang tahu Allahu Rabbi"
"Ka-ampat-ampatnya kada tapisahDatang wan bulik kapada Allah
Asalnya awak daripada tanah
Asalpun tanah sudah disyarah"
"Dadalang Simpur bamain wayangWayang asalnya si kulit kijang
Agung wan sarun babun dikancang
Kalir bapasang di atas gadang"
"Wayang artinya si bayang-bayangSatu nang Zhohir amat nyatanya
Sanua majas harus dipandang
Simpur balalakun hanya saurang"
"Samar, Bagong si NalagaringSi Jambulita suara nyaring
Ampat isyarat amatlah panting
Siapa handak mancari haning"
Yusliani Noor, ilmuwan matan Universitas Lambung Mangkurat, mamadahakn bahuwa mun bujur pantun ngini adalah pantun Datu Sanggul, tasawuf nang dikambangakan Datu Sangggul tamasuk tasawuf falsafi nang diambil matan pangaruh babarapa ulama sufi, nangkaya Al-Hallaj, Ibnu Arabi, Hamzah Fansuri, Syekh Siti Jenar, wan matan kitab Tuhfah al-Mursalah, wan Syekh Burhanpuri nang ditahui urang matan ajarannya nang bangaran Martabat Tujuh.[10] Lain pada ngitu, Datu Sanggul jua baisi pantun makrifat nang babunyi kaya ngini.
“Jangan ngalih mancari bilah.
Bilah ada di rapun buluh.
Jangan ngalih mancari Allah.
Allah ada di batang tubuh”
Kitab Barincung
babakKitab Barincung adalah sabuting kitab nang Datu Sanggul bisi, nang mana kitab ngini nang baisi macam-macam ilmu wan amalan nang. Kitab ngini dibari Datu Suban nang marupakan gurunya. Ujar, Datu Sanggul kawa mandapat babarapa kaajaibannangkaya sumbahyang di Masjidil Haram wan nag lainnya maraga maamalakan ilmu matan kitab ngini wan gurunya (Datu Suban).[10][11]
Tapi ujar kisah di "Cerita Masyarakat Banjar", Kitab Barincung ngini adalah kain matan jubah Datu Sanggul. Mun kisah ngini, Datu Kalampayan suah bpadah "Inilah Kitab Barincong nang sabujurnya" waktu membukai tikar purun wan kain kafan Datu Sanggul pas Datu Sanggul maninggal dunia. Waktu ngitu, Datu Kalampayan manunjuk putungan kain segitiga nang dibawanya matan Makkah,nang didapat waktu Datu Kalampayan batamu Datu Sanggul sagan mauji bujur kadanya kaajaiban Datu Sanggul. Ujar kisah ngini, kitab ngini sabujurnya kadada, tagal hanya kiasan atawa simbol kemuliaan Datu Sanggul.[10]
Ujarnya, kitab ngini diputung Datu Sanggul, sabatingnya dibariakan lawan bubuhan Hulu Sungai nang isinya pasal ilmu kapahlawanan wan sabutingnya pulang dibariakan lawan Datu Kalampayan nang isinya pasal ilmu kaaliman nang dibariakan sagan bubuhan Martapura. Ujar Yusliani Noor, kisah pambagian ngini adalah simbul bahuwa kitab kaaliman nang dimaksud adalah Datu Kalampayan saurang nang kainanya manjadi ulama ganal di Tanah Banjar wan Asia Tanggara.[10]
Lihati jua
babak- Tapin Selatan, Tapin (pada bagian Makam Datu Sanggul)
- Datu Muning
- Ulama Banjar
Jujuhutan
babak- ^ a b c d e f Noor, Yusliani (2016). Islamisasi Banjarmasin (Abad ke-15 sampai ke-19). Yogyakarta: Ombak. ISBN 9786022583561.
- ^ a b Tim Sahabat (2014). Datu-Datu Terkenal Kalimantan Selatan (edisi ke-8). Kandangan: Penerbit "SAHABAT" Mintra Pengetahuan. ISBN 9786021988374.
- ^ a b c Berimbang (site) (2 Desember 2014). "Riwayat Datu Sanggul". Diarsipkan dari versi asli tanggal 2017-03-03. Diakses tanggal 2020-02-20.
- ^ Syarifuddin, M. (7 Januari 2022). "Kisah Datu Sanggul". Radar Banjarmasin. Diakses tanggal 29 September 2024.
- ^ "Datu Sanggul Waliyullah Nan Berlimpah Karomah". 25 Oktober 2014. Diarsipkan dari versi asli tanggal 2015-01-31. Diakses tanggal 2015-01-26.
- ^ a b c d Tim Sahabat (2014). Datu-Datu Terkenal Kalimantan Selatan (edisi ke-8). Kandangan: Penerbit "SAHABAT" Mintra Pengetahuan. ISBN 9786021988374.
- ^ a b c d "Datu Sanggul Waliyullah Nan Berlimpah Karomah". 25 Oktober 2014. Diarsipkan dari versi asli tanggal 2015-01-31. Diakses tanggal 2015-01-26.
- ^ Tim Sahabat (2014). Datu-Datu Terkenal Kalimantan Selatan (edisi ke-8). Kandangan: Penerbit "SAHABAT" Mintra Pengetahuan. ISBN 9786021988374.
- ^ a b Noor, Yusliani (2016). Islamisasi Banjarmasin (Abad ke-15 sampai ke-19). Yogyakarta: Ombak. ISBN 9786022583561.
- ^ a b c d e Noor, Yusliani (2016). Islamisasi Banjarmasin (Abad ke-15 sampai ke-19). Yogyakarta: Ombak. ISBN 9786022583561.
- ^ Tim Sahabat (2014). Datu-Datu Terkenal Kalimantan Selatan (edisi ke-8). Kandangan: Penerbit "SAHABAT" Mintra Pengetahuan. ISBN 9786021988374.