Ekonomi adalah salah satu ilmu sosial nang mampalajari kalakuan manusia nang bahubungan lawan produksi, distribusi, wan konsumsi tahadap barang wan jasa. Istilah "ekonomi" matan dari bahasa Yunani, yaitu οἶκος (oikos) nang baarti "keluarga, rumah tangga" wan νόμος (nomos) nang baarti "paraturan, aturan, hukum". Ekonomi diartiakan sebagai "aturan rumah tangga" atawa "manajimin rumah tangga." Sementara nang dimaksud lawan ahli ekonomi atawa ekonom adalah urang nang mamakai konsep ekonomi, wan data pas bagawi.

Arti kataSunting

Kata "ekonomi" adalah kata datangan matan bahasa Yunani Kuno οἰκονόμος nang bamakna "pangalulaan rumah tangga".[1] Kata ngini marupakan gabungan dari dua kata, yaitu οἶκος ("rumah") wan νέμω ("pangelulaan; distribusi").[1] Kata ngini tacatat pertama kali digunaakan lawan karya nang diulah lawan gereja tahun 1440 gasan menggambarakan sistim pangelulaan atawa administrasi.[1] Makna ekonomi nang banyak dipakai wayah ini, yaitu ekonomi gasan sistem nang dipakai di sabuah negara atawa wilayah, baru bakambang pas abad ke-19 atawa ke-20.[1]

CakupanSunting

Ilmu ekonomiSunting

Ekonomi banyak dibahas dalam ilmu khusus nang di pinadui lawan ilmu ekonomi, nang di dalamnya mancakup sosiologi. sejarah, antropologi, wan geografi. Babarapa bagian ekonomi nang babantuk ilmu tarapan nang kaya produksi, distribusi, perdagangan, wan konsumsi dibahas jua di ilmu lain nag kaya ilmu teknik, manajemen, administrasi bisnis, sains terapan, wan keuangan. Ada banyak sektor dalam ekonomi, nang kaina dikalumpukakan jadi talu sektor utama yaitu sektor primer, sektor sekunder, wan sektor tersier.