Wikipidia

Ganja

Ganja atawa mariyuana marupakan psikotropika nang mangandung tetrahidrokanabinol[1] wan kanabidiol nang maulah pamakainya marasa'akan euforia. Ganja biasanya diulah manjadi ruku gasan dihisap supaya efek matan zatnya bariaksi.

?Ganja

Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Ordo: Urticales
Famili: Cannabaceae
Genus: Cannabis
Spesies: C. sativa
Ngaran binomial
Cannabis sativa
Linnaeus
Subspesies

C. sativa L. subsp. sativa
C. sativa L. subsp. indica

Tanaman samusim ngini tingginya kawa mancapai 2 mitir. Badaun manjari lawan kambang laki wan bini ada di tanaman balain (barumah dua). Kambangnya halus-halus dalam garumbungan di hujung ranting. Ganja kawa tumbuh di pagunungan tropis haja lawan katinggian di atas 1.000 meter di atas parmukaan laut.

Ganja manjadi simbul budaya hippie nang suah tarkanal di Amerika Serikat. Hal ngini biasanya dilambang'akan wan daun ganja nang bantuknya khas. Lain pada ngitu, ganja wan opium rancak jua disambat sabagai simbul balawan lawan arus galubalisasi nang dipaksa'akan nagara kapitalis gasan nagara bakambang. Di India, sapalih Sadu nang manyambah dewa Siwa mamakai produk ganja gasan manggawi ritual panyambahan lawan cara mahisap hasis lewat bong wan minum bhang.

Mulai 10 Desember 2013, Uruguay mambulihakan ganja gasan dijual wan ditukar wan dikonsumsi di nagara ngitu.[2][3]

Kontroversi

babak

Sapalihan nagara manggolong'akan tanaman ngini sabagai narkotika, biar kadada bukti bahwa pamakainya timbul jadi kacanduan, balain lawan ubat-ubatan tarlarang jenis lain nang mangguna'akan bahan-bahan sintetis atawa semisintetis nang merusak sel-sel otak. Di antara pangguna ganja, bamacam efek nang ditimbulakan, tarutama euforia. Maskipun dampak panggunaan ganja gasan kesehatan masih mamarluakan panalitian tarus manarus, tapi kadar tetrahidrokanabinol nang ada di ganja nang makin tinggi dari tahun ka tahun patut dijanaki. Kadar tetrahidrokanabinol nang ada di daun ganja dahulu bakisar antara 1% sampai 4%, wayah ini kadarnya kawa mancapai 7%. Bamakin maningkatnya kadar tetrahidrokanabinol kawa maulah urang makin lakas marasa'akan katargantungan lawan ganja.[4]

Efek nang kada baik sacara umum adalah pangguna timbul jadi koler wan otak timbul jadi lambat bapikir. Tapi, masalah ngini masih manjadi kontroversi, gara-gara kada sabarataan disapakati oleh babarapa kalumpuk tartantu nang mandukung ganja gasan medis wan ganja gasan rekreasi. Salain disambat kawa gasan paradam rasa sakit, wan pangubatan gasan panyakit tartantu (tamasuk kanker), banyak jua urang nang manyambat ada kanaikan kreativitas dalam bapikir lawan dalam bakarya apalagi babuhan seniman nang kaya palukis wan musisi. Kanaikan kreativitas dipangaruhi jua oleh jenis ganja nang dipakai. Efek nang ditimbul'akan bamacam-macam gasan satiap urang. Ada nang meaasa'akan efek nang maulah inya jadi koler, kalumpuk nang lain ada nang jadi cangkal, apalagi dalam bapikir kreatif (kada aktif sacara fisik nang kaya efek nang dihasilakan metamfetamin). Ngitu samunyaan tagantung kadar tetrahidrokanabinol nang takandung dalam ganja. Bamakin tinggi kadar tetrahidrokanabinol di dalam ganja, baarti bamakin ganal paubahan otak nang timbul wan risiko kacanduan pun makin banaik.[5]

Ganja kada tabukti sabagi sabab kamatian gara-gara zat nang takandung dalam ganja. Apalagi pas jaman bahari dianggap sabagai tanaman nang luar baisa nang parak samunya'an kawa dipakai gasan bamacam-macam kaparluan. Tapi, akibat ganja nang kadar tetrahidrokanabinol tinggi kawa maulah darah randah wan maulah hilang ingatan nang bawaktu satumat, percepatan detak jantung, bakurangnya kamampuan motorik, wan efek samping lain nang mahalangi kinerja awak dalam banyak kagiatan. Amun ngini tajadi haratan kundisi wan situasi lingkungan nang kawa mambahaya'akan kaya bakandaraan nang parlu kunsintrasi. Maka kacalakaan kawa timbul nang bapaluang ganal manimbulakan kamatian.[6] Pamakaian nang aman adalah mahitung batas wajar zat psikoaktif nang jangan sampai di atas kasanggupan awak ma'ambil zat ngitu, wan kada manggawi aktivitas nang mambahaya'akan jiwa gara-gara efek mamabuk'akan ganja nang malabihi mabuk alkohol atawa narkoba nang lain amun kadar tetrahidrokanabinol talalu tinggi gasan dihadapi oleh awak pamakainya.

Dalam panalitian ilmiah nang mamakai mitudi tinjauan sistematis nang mambandingkan efektivitas ganja sanagai antimuntah, didapati hasil ganja dasar efektif gasan antiemetik dari pada prochlorperazine, metoclopramide, chlorpromazine, thiethylperazine, haloperidol, domperidone, atawa alizapride. Tapi pamakaiannya dibatasi banar dosisnya, gara-gara sapalih pasien ma'alami gajala efek psikotropika dari ganja nang babahaya banar kaya sakit kapala, depresi, halusinasi, paranoia, wan jua arterial hypotension.

Pamanfaatan

babak
 
Ganja kada ditangati gasan wilayah bawarna biru, wan wilayah bawarna habang masih bastatus dilarang banar lawan aturan hukum nang katat wan barat

Tumbuhan ganja sudah dikanal manusia mulai bahari wan dipakai gasan bahan tekstil gara-gara serat nang dihasil'akannya kuat. Biji ganja kawa jua dipakai gasan sumber minyak. Tapi, ganja dikanal jua sabagai sumber narkotika wan kagunaan ngini labih banilai ekonomi, karana dominan pemanfaatannya gasan hal nang basifat rekreasional.

Di sapalih nagara pananaman wan kabaisian ganja sabarata'annya kada dibulihakan. Di sapalihan nagara lain, pananaman ganja dibulihakan gasan kapantingan medis wan baramian lawan syarat wan katantuan nang dipakai di nagara atawa wilayah ngitu.

Sabalum ada larangan nang karas gasan pananaman wan kapamilikan lawan panggunaan ganja pas tahun 1976, di Aceh daun ganja manjadi komponen sayur nang umum disadiakan. Bagi nang mamakainya, daun ganja karing dibakar wan dihisap nang kaya ruku, wan kawa jua dihisap lawan alat khusus nang disambat bong. Di Indunisia, ganja digulung'akan narkutika gulungan satu manurut parundang-undangan nang balaku mulai tahun 1976 badasar'akan Undang-undang Nomor 9 Tahun 1976. Wayah ini, Undang-undang Nomor 35 Tahun 2009 dijadi'akan paduman hukum nang masih dipakai sampai wayah ini. Bamakin dunia bamaju pas jaman globalisasi, Indunisia kena maumpati jua lawan parkambangan jaman gasan mambulihakan pamakaian ganja gasan kaparluan medis nang kaya pamulaannya. Imbah ngitu, kaparluannya gasan pamakaian ekreasional pahabisannya.

Indunisia pacangan mambulihakan ganja amun bangsanya sudah siap nang kaya kasiapan bangsa di nagara-nagara nang sudah mambulih'akannya. Amun balum tapanuhi kesiapannya, maka susunan kahidupan timbul jadi bamakin kacau. Hal nang kaya ngini nang ditakutan'akan oleh babuhan atau gulungan nang kahidupannya dalam status aman, nyaman, wan tantram hidupnya. Pambulihan alkohol haja di Indunisia saja masih maulah kaributan maskipun miras sudah dibulih'akan di Indonesia. Sapalih babuhan atawa urang urang nang mandukung dibulih'akannya ganja tarinspirasi gara-gara garaman nagara-nagara nang sudah mambulih'akan ganja, nang kaya Kanada wan sapalih nagara bagian di Amerika Sarikat. Tapi, buhannya ni bapikir gasan kaparluan rekreasinya wara, wan kada mamikirakan akibatnya amun nyaman banar baisi ganja nang kaya baisi tambakau gara-gara dibulih'akan di Indunisia.

Budidaya

babak

Tanaman ngini kawa didapati dihampir sabarataan nagara tropis. Bahkan saaplih nagara baiklim dingin wahini sudah mulai mambudidaya'akannya dalam rumah kaca.

Di Indunisia, ganja dibudidaya'akan sacara ilegal di Aceh. Biasanya ganja ditanam pas pamulaan musim panghujan, imbah parak musim kamarau sudah kawa dipanen hasilnya.

Hasil panen ganja bababtun daun berikut ranting wan kambang lawan buahnya barupa biji-biji nang halus. Campuran daun, ranting, kambang, wan buah nang sudah dikaringakan ngini nang biasa dilinting urang jadi nang kaya ruku. Amun kambang biniannya diekstrak, kawa mahasilakan damar kandal nang dingarani hasis.

Deputi Pencegahan Badan Narkotika Nasional (BNN) Irjen Polisi Ali Djohardi Wirogiotoanja manyambat bahwa ganja nang tumbuh di Indunisia baisi kadar tetrahidrokanabinol paling tinggi di dunia, biar kada dibudidaya'akan sacara modern nang kaya di nagara-nagara maju nang sudah mambulihakan pamakaian ganja.[7] ‎Menteri Dalam Negeri (Mendagri), Tjahjo Kumolo manyambat ganja kualitasnya paling baik di dunia baasal matam Aceh.[8] Salain Aceh sabagai paringkat pamulaan panghasil ganja, ada Bengkulu sabagai paringkat kadua, Jambi paringkat katalu, wan Sumatra Utara sabagai provinsi nang ada diparingkat kaampat pemasok ganja di dunia.[9] Kapolda Bengkulu Brigadir Jenderal Polisi M. Ghufron manyambat Bengkulu baisi lahan nang subur banar gasan ditanami ganja. Bahkan, ganja-ganja nang dihasilakan baisi kualitas tarbaik dibandingakan tanaman nang kaya itu jua dari daerah lain.[10]

Panalitian

babak

Panalitian ganja marupakan sabuting hal manantang maraga tanaman ngini iligal di sapalihan nagara.[11] Sampel obat gasan panalitian ngalih dicari, kacuali dibariakan di bawah lambaga pamarintah sasuai peraturan nasional, misalnya kaya Food and Drug Administration di Amirika Sarikat.[12]

Masalah nang lainnya dalam manaliti efek ganja adalah banyak urang nang meruku pakai ganja, maruku tambakau jua.[13] Masalah ngini maulah panalitian jadi perancu, yaitu matan mana kanker timbul apakah tembakau, ganja, atawa kaduanya. Kesulitan nang lain nang dialami peneliti adalah mancari urang nang maruku ganja gasan ditaliti maraga ganja adalah ubat iligal di banyak nagara jadinya urang bisa koler jadi subjek panalitian wan amun satuju jadi subjek panalitianan, buhannya mungkin kada manyambatakan barapa banyak ganja nang sabujurnya buhannya hisap.[14]

Sabuting tinjauan pas tahun 2015 manamuakan bahwa pamakaian ganja CBD wan THC nang tinggi manampaikan gajala pusitif nang jauh tasadikit, nang kaya delusi wan halusinasi, fungsi kognitif nang tabagus wan risiko nang tarandah gasan mangembangakan psikosis, lawan umur parlwanan lawan panyakit nang tatuha dibandingakan lawan ganja nang baisi rasio CBD wan THC randah.[15] Panalitian pas tahun 2019 manamuakan bahwa penelitian tidak cukup untuk menentukan kaamanan wan kamanjuran pamakaian ganja gasan maubati skizofrenia, psikosis, atawa gangguan mental lainnya.[16][17] Ada bukti pamulaan bahwa ganja mangganggu sifat antikoagulan ubat resep nang dipakai gasam maubati pambakuan darah.[18] Pas tahun 2019, mekanisme gasan anti-inflamasi wan kamungkinan efek mahilangakan rasa sakit matan ganja kada ditantuakan wan kadada parsatujuan paraturan pamarintah atawa praktik klinis gasam pamakaian ganja sabagai ubat.[19]

Lihat jua

babak
  • Ganja di Indunisia
  • Kanabis
  • Hasis

Jujuhutan

babak
  1. ^ Ethan B Russo (2013). Cannabis and Cannabinoids: Pharmacology, Toxicology, and Therapeutic Potential. Routledge. hlm. 28. ISBN 978-1-136-61493-4. 
  2. ^ "Uruguay Legalkan Konsumsi Ganja". MetroTV News. 11 Desember 2013. [permanent dead link]
  3. ^ "Uruguay Negara Pertama yang Legalkan Perdagangan Ganja". Kompas. 11 Desember 2013. 
  4. ^ "Apa yang Terjadi Jika Rutin Mengisap Ganja Dalam Jangka Panjang? • Hello Sehat". Hello Sehat (dalam bahasa Indonesia). 2016-06-15. Diakses tanggal 2020-02-21. 
  5. ^ "Kalau Remaja Konsumsi Ganja, Begini Otaknya". Tribun Timur (dalam bahasa Indonesia). Diakses tanggal 2020-02-21. 
  6. ^ H, Patri; oyo. "Benarkah Overdosis Ganja Tidak Sebabkan Kematian?". Rumah Cemara (dalam bahasa Indonesia). Diakses tanggal 2020-02-21. 
  7. ^ BeritaSatu.com. "BNN: Ganja Indonesia Punya THC Tertinggi". beritasatu.com (dalam bahasa Indonesia). Diakses tanggal 2020-02-21. 
  8. ^ "'Ganja Aceh Terbaik Kualitasnya di Dunia' - Tribunnews.com". m.tribunnews.com. Diakses tanggal 2020-02-21. 
  9. ^ www.riauonline.co.id. "Astaga, 4 Daerah di Indonesia Ini Jadi Pemasok Ganja Dunia". RiauOnline (dalam bahasa Indonesia). Diakses tanggal 2020-02-21. 
  10. ^ "Ganja Terbaik Dari Bengkulu, Polda Giatkan Pemberantasan" (dalam bahasa Indonesia). Diarsipkan dari versi asli tanggal 2020-02-21. Diakses tanggal 2020-02-21. 
  11. ^ Ponto LL (May 2006). "Challenges of marijuana research". Brain. 129 (Pt 5): 1081–3. doi:10.1093/brain/awl092  . PMID 16627464. 
  12. ^ Commissioner, Office of the (2020-10-01). "FDA and Cannabis: Research and Drug Approval Process". FDA (dalam bahasa Inggris). 
  13. ^ Peters EN, Budney AJ, Carroll KM (August 2012). "Clinical correlates of co-occurring cannabis and tobacco use: a systematic review". Addiction. 107 (8): 1404–17. doi:10.1111/j.1360-0443.2012.03843.x. PMC 3377777  . PMID 22340422. 
  14. ^ "About Cancer". Cancer Research UK (dalam bahasa Inggris). 2017-08-30. Diakses tanggal 2021-02-14. 
  15. ^ Iseger TA, Bossong MG (March 2015). "A systematic review of the antipsychotic properties of cannabidiol in humans". Schizophrenia Research. 162 (1–3): 153–61. doi:10.1016/j.schres.2015.01.033. PMID 25667194. 
  16. ^ Black, Nicola; Stockings, Emily; Campbell, Gabrielle; Tran, Lucy T.; Zagic, Dino; Hall, Wayne D.; Farrell, Michael; Degenhardt, Louisa (December 2019). "Cannabinoids for the treatment of mental disorders and symptoms of mental disorders: a systematic review and meta-analysis". The Lancet. Psychiatry. 6 (12): 995–1010. doi:10.1016/S2215-0366(19)30401-8. ISSN 2215-0374. PMC 6949116  . PMID 31672337. 
  17. ^ VanDolah, Harrison J.; Bauer, Brent A.; Mauck, Karen F. (September 2019). "Clinicians' Guide to Cannabidiol and Hemp Oils". Mayo Clinic Proceedings. 94 (9): 1840–1851. doi:10.1016/j.mayocp.2019.01.003  . ISSN 1942-5546. PMID 31447137. 
  18. ^ Greger, Jessica; Bates, Vernice; Mechtler, Laszlo; Gengo, Fran (2020). "A review of cannabis and interactions with anticoagulant and antiplatelet agents". The Journal of Clinical Pharmacology. 60 (4): 432–438. doi:10.1002/jcph.1557. ISSN 0091-2700. PMID 31724188. 
  19. ^ VanDolah, Harrison J.; Bauer, Brent A.; Mauck, Karen F. (2019-09-01). "Clinicians' Guide to Cannabidiol and Hemp Oils". Mayo Clinic Proceedings (dalam bahasa English). 94 (9): 1840–1851. doi:10.1016/j.mayocp.2019.01.003. ISSN 0025-6196. PMID 31447137. 

Pranala luar

babak
Dijumput matan "https://bjn.wikipedia.org/w/index.php?title=Ganja&oldid=98483"