Gazal
Gazal merupakan salah sabuting bantuk seni musik kolaboratif asal Kepulauan Riau.[1] Ciri khas musik ngini nanitu iramanya nang maalir padang pasar. Pangaruh musik timur tangah maliwati panyabaran matan Malaysia ka Kapulauan Riau wan wilayah nang lain disakulilingnya. Musik gazal panambayannya didiriakaan ulih Haji Kenal Muse atawa labih pamiliar dikiau lawan ngaran Pak Lomak. Pak Lomak marupakan saikung tukuh seini asal Johor Baru. Parkambangan musik Gazal diawali pas haratan karajaan Malayu. Wayahitu, bubuhan nang katuju musik gazal manampilakan pas parhilatan-parhilatan kaluarga karajaan .[2]
Seni Gazal barkembang di wilayah Semenanjung Arab wan dipangaruhi ulih Budaya India. Seni ngini masuk ka Kepulauan Riau ulih saudagar Arab wan Persia pas haratan abad ka-18 M. Seni Gazal ini pada dasarnya marupakan puisi nang barima di tiap-tiap barisnya wan jua baisi pula nang sama. Rancaknya, isi matan seni Gazal ngini mangekspresikan derita hati karana kahilangan atawa parpisahan. Syair jenis Gazal ini panambayannya kali ditulis ulih Penyair asal Persia, Jalaluddin Rumi di abad ke-13 M.[3]
Dalam partunjukan seni musik malayu ghazal, babarapa macam alat musik nang dipakai adalah:
- Syarenggi, marupakan sabuting alat musik nang mirip lawan tungkat kayu wan baisi 3 buting tali. Alat musik ngini dimainakan lawan cara digisik.
- Sitar, marupakan sabuting alat musik nang mirip lawan gitar, tatapi bantuknya tabulat di bagian bawah, wan jua di bagian bawah ngitu baisi pangait tali sinar hagan maatur nada dasar. Cara mamainakan musik ngini jua sama lawan gitar nanitu lawan cara di patik.
- Harmonium, marupakan sabuting alat musik nang babantuk nang kaya baluk kutak wan jua taulah matan kayu. Tuts nadanya handak mirip lawan pianu. Cara mamainakannya lawan mamakai kumpaan udara di bagian tangah kutak.
- Tabla, marupakan salah sabuting alat musik catuk nang babantuk bulat. Di bagian atas nang dicatuk, tabuat matan kulit nang mambalut matan atas sampai ka bawah. Tali jahitan ngitu dipakai hagan pangatur tinggi randahnya alunan nada. Caranya lawan mangancangakan atawa mangandurakan tali nangitu.[4]
Rujukan
babak- ^ "ekspresi seni" (PDF).
- ^ Katalog Warisan Budaya Indonesia 2018. Jakarta: Direktorat Warisan dan Diplomasi Budaya Kemdikbud. 2018. hlm. 42.
- ^ "Dalam Gazal, Tak Akan Melayu Hilang di Bumi". Jernih.co (dalam bahasa Inggris). Diakses tanggal 2020-07-11.
- ^ "Pengertian dan Asal Usul Musik Melayu Ghazal". RiauMagz (dalam bahasa Inggris). Diakses tanggal 2020-07-12.