Gula habang
Gula habang bahanu diasusiasikan lawan sagala macam gula nang diulah matan nira, yaitu cairan nang dikaluarakan matan tumat kambang puhun matan kulawarga palma, nangkaya nyiur, hanaw, wan siwalan. Kambang (manang) nang baluman malarak dijarat nahap (bahanu digapit lawan dua batang kayu) di palih pangkalnya sahingga prusis pamalarakan kambang manjadi tahambat. Sari makanan nang saharusnya dipakai gasan pamalarakan kambang batuyuk manjadi cairan gula. Manang membangkak. Imbah proses pambangkakan ampih, batang manang dihiris-hiris gasan mangaluarakan cairan gula sacara batahap. Cairan biasanya ditanay lawan timba atawa cuntang nang diulah matan daun puhun palma ngitu. Cairan nang ditampung dijumput sacara batahap, biasanya 2-3 kali. Cairan ngini imbah itu dipanasakan lawan api sampai kantal. Limbah bujur-bujur kantal, cairan dilingir ka mangkuk-mangkuk nang diulah matan daun palma wan siap dipasarakan. Gula habang kabanyakannya dipakai urang gasan bahan baku kicap manis.
