Gulinggang
Gulinggang atawa Gelinggang dalam dialek banjar kuala baisian ngaran ilmiah Cassia alata Linn, ngaran lain nang dipinandui urang Indunisia ialah Ketepeng Cina atawa Ketepeng Kerbau.[1] Asal muasal tanaman ini dingarani Gulinggang manurut nang diyakini masyarakat suku Banjar lawan Dayak Bakumpai sababnya tanaman ini baguyang-buyang amun takana tiupan angin.[2]
_1.jpg)
Morfologi
babakGulinggang tamasuk tanaman dikotil nang basian akar tunggang, maksudnya akar tumbuh panjang ka bawah tanah tagal di higa-higanya ditumbuhi rambut akar nang halus-halus. Pungsi akar nang kaya ini sakira Gulinggang kawa tumbuh kuat lawan kawa maisap nutrisi tanah nang luas. Rapun Gulinggang tamasuk dalam tumbuhan bakayu nang tingginya kurang labih 3 m, bantuk batangnya bulat bacabang simpodial.[3]
Gulinggang baisian daun nang bantuknya bulat mirip hintalu, andaknya bahadap-hadapan nang dihalat ulih sirip daun (daun basirip ganap).[1] Jumlah pasangan daunnya antara 5-12 baris, sabuting daunnya basian panjang antara 5-15 cm, lebarnya 2,5-9 cm. Hujung daunnya tumpul, tagal pangkalnya curing lawan pingir daunnya rata. Tangkai anak daunnya sakitar 2 cm babalang hijau.[3]
Kambang Gulinggang tasusun barundun-rundun marikit di pucuk tangkai nang panjang cagat ampah ka atas.[3] Kambang Gulinggang baisian mahkuta nang intangan bawahnya babalang kuning, hujung kambangnya kuncup babalang habuk anum.[1]
_Roxb._(51006159006).jpg)
Buah Gulinggang tamasuk buah polong atawa buah kacang-kacangan, bantuknya gipih babalang hirang.[1] Amun buah Gulinggang sudah masak, kulitnya bakal pacah nang maulah bigi di dalamnya tahambur ka luar, dalam sabuting buah Gulinggang di dalamnya ada sakitar 50-70 bigi Gulinggang.[3]
Habitat
babakTanaman Gulinggang baasal matan dataran Tropik Amerika, Gulinggang kawa hidup di dataran nang randah sampai katinggian 1400 mdpl.[1]
Kagunaan
babakGulinggang mangandung bahan kimia alami nang kaya tannin, rein aloe-emodina, rein aloe-emodina-dianton, asam krisofanat, alkosida, saponin, flavonoid, lawan glikosida antrakinon. Bahan-bahan nang kaya ini baisian manpaat gasan ubat pancahar, ubat cacing, mahilangakan gatal-gatal, lawan gasan ubat kalainan kulit nang disababakan ulih parasit kulit.[3]
Gulinggang kawa dimanpaatakan gasan bahan baulah ubat panyakit kulit, bahkan ada parusahaan nang maekspor daun Gulinggang Kalimantan Selatan ka nagara Japang.[1] Sabujurnya manpaat Gulinggang gasan maampihi panyakit kulit sudah digawi ulih suku Dayak Siang gasan maampihi jariawat sacara tradisional.[3]
Cara pamakaian Gulinggang gasan panyakit kulit kawa langsung mangasaiakan daun Gulinggang nang sudah ditumbuk sampai lanik ka intangan kulit nang bapanyakit. Cara nang lain kawa jua mamakai pruduk ulahan farmasi nang bahannya matan pati gulinggang.[4]
Salain kawa digunaakan gasan ubat tradisiunal, Gulinggang sabujurnya bapaluang jua dimanpaatakan gasan makanan tarnak sababnya mangandung banyak karbohidrat lawan lamak, tagal gasan malakuakan ini magun parlu panalitian lanjutan, sababnya dalam Gulinggang mangandung tanin lawan saponin nang kawa maracuni binatang ruminansia atawa pamamah biak. Amun kawa mahilangakan dua unsur nang babahaya tadi, Gulinggang kawa bamanpaat gasan mangurasi emisi gas metana nang baasal matan kuturan binatang ruminansia.[5]
Catatan Batis
babak- ^ a b c d e f Karima, Rizka (2017-09-14). "Ekstraksi dan Analisis Kimia Daun Gulinggang (Cassia alata Linn.) dengan Pelarut Air dan Etanol (The Extraction and Chemical Analysis of Gulinggang Leaves (Cassia alata Linn.) using Water and Ethanol as Solvents)". Jurnal Riset Industri Hasil Hutan (dalam bahasa Indonesia). 9 (1): 1–8. doi:10.24111/jrihh.v9i1.2948. ISSN 2503-0779. Diarsipkan dari versi asli tanggal 2023-03-10. Diakses tanggal 2023-03-10.
- ^ Handayani, Anita; Dharmono, Dharmono; Irianti, Riya (2022-11-02). "Kajian Etnobotani Cassia alata L. (Gelinggang) Pada Masyarakat Dayak Bakumpai Desa Bagus Kabupaten Barito Kuala Sebagai Buku Ilmiah Populer". JUPEIS : Jurnal Pendidikan dan Ilmu Sosial (dalam bahasa Inggris). 1 (4): 21–31. doi:10.57218/jupeis.Vol1.Iss4.293. ISSN 2809-7998.
- ^ a b c d e f Dewi, Wewe Indra (2019-10-18). Etnofarmakologi khasiat daun gelinggang (cassia alata l.) dan bedak dingin untuk mencegah dan mengobati jerawat dalam masyarakat suku dayak siang (Tesis) (dalam bahasa Inggris). IAIN Palangka Raya.
- ^ Sayuti, Nutrisia Aquariushinta (2015-08-31). "Formulasi dan Uji Stabilitas Fisik Sediaan Gel Ekstrak Daun Ketepeng Cina (Cassia alata L.)". Jurnal Kefarmasian Indonesia (dalam bahasa Inggris): 74–82. doi:10.22435/jki.v5i2.3500. ISSN 2354-8770. Diarsipkan dari versi asli tanggal 2023-03-10. Diakses tanggal 2023-03-10.
- ^ Andi, Ella; Ella, Andi; Yuliana, Andi Nurhayu dan Yuliana Nurhayu Andi dan (2021-09-20). "Ketepeng Cina ( Cassia Alata Linn) Tanaman Potensi Untuk Pakan Ternak" (dalam bahasa Indonesia). ISSN 1907-9265. Diarsipkan dari versi asli tanggal 2023-03-10. Diakses tanggal 2023-03-10.