Gunung Birah
Gunung Birah adalah tampat wisata nang kawa didatangi matan desa Kandangan Lama, kacamatan Panyipatan, Kabupaten Tanah Laut, Kalimantan Selatan. Wilayahnya ngini baisi luas 1.589,02 ha nang puncak tartingginya nitu 275 mdpl. Gunung nang ngini baisi sajarah bakaitan lawan panduduk disitu malawan panjajah nang mana tampat nih manjadi tampat kaluar masuknya warga.[1]
Akses
babakJarak Gunung Birah matan Bandara Syamsudin Noor, Banjarbaru nitu 88 km. Jalannya ngini kawa jua di dadatangi lawan mobil atawa motor salawas 2 jam parjalanan. Jalan manuju ka gunung wahini baaspal wan tadapat parkiran kandaraan nang sudah bakarcis masuk di muhara gunung. Amun sudah taliwati muhara lawang salamat datang, pangunjung kaina kawa naik traktor tangan salawas 10 manit lawan imbah nitu kawa bajalan batis salama 1,5 jam gasan tambus sampai ka puncak.[2]
Topografi
babakGunung Birah ngini baisi bantuk lahan nang barmacam-macam, tikas matan lereng nang miring banar sampai ada jua area jajaran bukit-bukitan nang baisi pola-pola bakas adnaya abrasi banyu lawan angin atau pangikisan lapisan tanah ulih gesekan banyak lawan angin.
Ekosistem
babakBanyak tadapat bamacam-macam tanaman atawa flora lawan haiwan atawa fauna nang ada di area gunung Birah. amun nang pina tabanyak adanya nitu ialah Sengon lawan Birik, kaduanya tumbuh pacangan subur amun ditanding lawan tanaman nang lain. Imbah nitu juga ditemukan bunga bangkai Amorphophallus titanum, Aren Arenga pinnata, Bambu Tamiang Schizotachyum blunei Ness, Bulan Nanduk Diosphycos marcophylura, Gamal Gliricidia sepium, Gungkuang Pachyrhizus erosus, Halaban Vitex pinnata, Jelutung Dyera costulata, Jengkol Archidendron pauciflorum, Ketapang Terminalia catappa, Kujajing Ficus fistulosa Reinw, Loa Ficus racemosa, Mampan bini Cratoxylon arborescen, Nangka Arthocarpus integra, Rotan Ampar Tikar Calamus finlaysonia lawan Singkuang Dracontomelon dao. Babarapa flora saparti Sengon ngitu tanaman nang singhaja ditanam uleh warga gasan menjaga tanah supaya kada longsor.
Fauna nang tadapat di gunung Birah ngitu satwa liar saparti Burung Binti Ciconia stormi, Burung Bubut Centropus sinensis, Burung Cuit Dicaeum throchiluem, Burung Elang Accipitridae, Burung Hantu Strigiformes, Burung Kutau-kutau Maeronus gularis, Burung Punai Treron vernans, Burung Walet Apodidae, Hirangan Trachypithecus, Rusa Carvidae, Tupai Tupaia javanica dan Warik Macaca sp. [3]
Wisata
babakGunung Birah matan lawas sudah rancak dimanfaatkan ulih pangunjung sabagai tampat bakimah atawa sakadar tampat malihat matahari tinggalam.[4] Salain nang ngitu, gunung Birah juga rancak diulah sabagau wadah kagiatan kirab bendera pas rahatan paringatan hari Kemerdekaan Indonesia lawan Festival Bukit Birah.[5] Gunung Birah nitu parnah manjadi lukasi dari kagiatan World Clean Day pada 2020 silam lawan manghasilkan 1,1 ton sampah nang barhasil dibarsihkan uleh pasarta kagiatan.[6]
Daftar jujuhutan
babak- ^ "Gunung Birah Tanahlaut Kalsel Bukan Objek Wisata Biasa, Ada Kisah Perjuangan di Baliknya". Banjarmasinpost.co.id (dalam bahasa Indonesia). Diakses tanggal 2024-05-19.
- ^ "Gunung Birah, Pesona Wisata Alam di Kalimantan Selatan". detikTravel (dalam bahasa Indonesia). Diakses tanggal 2024-06-09.
- ^ Agustiana, Tania; Rianawati, Fonny; Itta, Daniel (2023-12-02). "PENILAIAN POTENSI DAYA TARIK EKOWISATA PANTAI TANJUNG DEWA KECAMATAN PANYIPATAN KABUPATEN TANAH LAUT". Jurnal Sylva Scienteae. 6 (6): 929. doi:10.20527/jss.v6i6.11021. ISSN 2622-8963.
- ^ Angelo Luciani Moa Dosi Woda (2022-12-21). "PEMURNIAN INGATAN MELALUI PENGHARAPAN: Tinjauan Teologis atas Karya Santo Yohanes Salib, Mendaki Gunung Karmel, III, 1-15". Jurnal Filsafat dan Teologi Katolik. 6 (1): 01–15. doi:10.58919/juftek.v6i1.31. ISSN 2614-5898.
- ^ "Gunung Birah Gelar Festival". banuapost (dalam bahasa Indonesia). 2021-10-03. Diakses tanggal 2024-06-09.
- ^ "WCD Gunung Birah Angkat 1.100 Kg Sampah". banuapost (dalam bahasa Indonesia). 2020-09-20. Diakses tanggal 2024-06-09.