Gunung Pamaton
Gunung Pamaton adalah gunung nang baandak di Kacamatan Aranio, Kabupatin Banjar, Prupinsi Kalimantan Salatan. Pamaton baasal matan kata 'pamuatan' nang dalam bahasa Banjar artinya wadah pamuatan panumpang wan barang maraga gunung nangini diibaratakan wadah balabuh. Kabanyakan pangaranan tampat wan dairah di Kalimantan Salatan dasar baasal matan kosakata atau sasuatu nang bakaitan lawan sungai atawa laut. Gunung Pamaton dianggap suku Banjar sabagai gunung nang bakaramat. Di gunung ngini jua suah kajadian Perang Gunung Pamaton antara Pamarintah Hindia-Walanda wan Kasultanan Banjar. Gunung Pamaton baisi tinggi sakitar 315 mitir.[1]
Gunung Gaib
babakGunung Pamaton disambat sabagai gunung gaib maraga banyak kisah mistis nang tasabar di warga sakitar. Urang-urang nang badiam di parak gunung ngini parcaya bahwa Gunung Pamaton marupakan garbang manuju ka alam gaib. Imbah ngitu, Gunung Pamaton jua dianggap sabagai wadah bacari ilmu khusus, kasaktian, wan pasugihan. Ada jua urang nang bakisah inya suah malihat pamandangan nang kaya kuta di atas Gunung Pamaton. Gunung ngini jua diyakini sabagai wadah mahilangnya Pangeran Suryanata dari alam dunia ka alam gaib.[2]
Jujuhutan
babak- ^ Firdha, Wahyu (2023-02-12). "Dibalik Sejarah Gunung Pamaton Ada Tersirat Cerita Mistis di Dalamnya". PojokBanua.com (dalam bahasa Indonesia). Diakses tanggal 2024-03-10.
- ^ Jejakbanua, Admin (2023-12-18). "Legenda Gunung Pamaton, Tahta Gaib Pangeran Suryanata". Jejak Banua. Diakses tanggal 2024-03-10.