Hayam
Hayam[1]/manuk[1] gaduhan (Gallus gallus domesticus) adalah unggas nang rancak di'ingu urang, dimanpaatakan gasan kaparluan hidup pa'ingunya. Hayam inguan (imbahnya disingkat "ayam" haja) marupakan katurunan langsung matan salah asa subspasias hayam hutan nang dipinandu'i sabagai hayam hutan habang (Gallus gallus) atawa hayam bangkiwa (bankiva fowl). Kawin silang antarras hayam sudah mahasilakan ratusan galur unggul atawa galur murni lawan bamacam-macam pungsi; nang paling umum adalah hayam gantal (gasan digantal) wan hayam pahintalu (gasan diambil hintalunya). Hayam biasa kawa jua dikawin silang lawan kula paraknya, hayam hutan hijau, nang mahasilakan hibrida mandul nang jantannya dipinandu'i sabagai hayam bakisar.
Lawan populasi labih matan 24 miliar di tahun 2003, Bird Encyclopaedia mamadahakan ada labih barandak hayam di dunia ngini daripada burung lainnya. Hayam mamasuk dua sumbar protein dalam pangan: daging hayam wan hintalu. Hayam kada babuntut biasanya disambat hayam kupung.
Hayam dalam bahasa-bahasa Dayak disambat manuk.