Wikipidia

Husin Qadri

Ulama Indunisia

Guru Haji Husin Qadri nang dikenal lawan ngaran Husain Qadry atawa Husein Qadri atawa Tuan Guru Husein Qadri Al-Banjari adalah ulama matan Nahdlatul Ulama wan penceramah matan Kabupatin Banjar, Kalimantan Selatan. Inya jua suah manjadi Tuan Qadi di Martapura wan angguta Kunstituante Ripublik Indunisia matan 9 Nupimbir 1956 sampai 5 Juli 1959.[1][2]

Infobox orangHusin Qadri
Riwayat
Kamatian 1r Siptimbir 1967 Edit nilai pada Wikidata (57 tahun (id) terjemahkan)
Alkah Kubah Wali Lima Edit nilai pada Wikidata
Agama (id) Terjemahkan Islam Edit nilai pada Wikidata
Gawian
Gawian Ulama (id) Terjemahkan Edit nilai pada Wikidata
Ubah data ini di Wikidata

Inya jua suah manulis babarapa buting kitab, yakni Sanjata Mukmin, Manasik Haji wan Umrah, Nurul Hikmah, Kumpulan Khutbah, wan Tafsir Al-Qur'an.[3]

Sejarah hidup babak

Guru Haji Husein Qadri bin Mufti Guru Haji Ahmad Zaini bin Guru Haji Abdurrahman Al-Banjari lahir pada tanggal 17 Ramadhan 1327 H atawa 1 Uktubur 1909 matan saurang kuitan bini ngarannya Hajjah Sanah binti Niangah binti Hamidah binti Mufti Haji Jamaluddin bin Syekh Muhammad Arsyad Al- Banjari.[4] Abahnya, Guru Haji Ahmad Zaini adalah anak matan Guru Haji Abdurrahman bin Haji Zainuddin bin Haji Abdusamad bin Abdullah Al-Banjari, nang jua matan kulawarga nang dihurmati urang maraga buhannya baisi ilmu agama nang kawa diamalakan buhannya di kasahariannya.[3]

 
Kubah Wali Lima

Pendidikan babak

Guru Husin Qadri belajar ilmu agama langsung matan abahnya (Haji Ahmad Zaini) wan kainya (Haji Abdurrahman atawa Guru Adu).[3]. Bahkan, gurunya nang paling utama banar dalam adalah kai sidin saurang, yakni Guru Adu nang suah balajar macam-macam ilmu agama lawan Guru Haji Said Wali al-Banjari.[4]

Lain pada ngitu, inya jua suah balajar lawan Guru Haji Kasyful Anwar al-Banjari di Kampung Melayu Martapura, imbah itu disuruh belajar ulih kai K.H. Abdurrahman gasan belajar khusus tentang Wifik wadah K.H.Zainal Ilmi di kampung Dalam Pagar Martapura.[4]

Keluarga babak

Guru Husein Qadri adalah dingsanak saabah lain uma lawan Guru Haji Badruddin (Guru Ibad), nang mana buhannya badingsanak jua lawan Hajjah Arfah, Hajjah Mulia, wan Guru Haji Muhammad Rosyad.[3]

Lain pada ngitu, inya baisi lima ikung bini wan sapuluh ikung anak[3], nang di antaranya adalah:

  1. Hj. Rahmah
    • Anak: H. Najamuddin (badiam di Makkah)
  2. Hj. Maimunah
    • Anak: Junaidi Al-Bagdadi
  3. Hj. Maimunah
    • Anak:
      1. Sibawaihi
      2. Marbawaihi
      3. Yohanes
      4. Umi Hani
      5. Umi Banat.
  4. Hj. Ainal Mardiyah
    • Anak: H. Hasan Rusdi
  5. Hj. Nur Asiah
    • Anak:
      1. Muadz Al-Gazi
      2. At-Tibridzi
 
Kuburan Guru Husein Qadri wan kulawarganya di Kubah Wali Lima

Kamatian babak

Inya habis umur pulang ka rahmatullah hari Jumaat tanggal 26 Jumadil Awal tahun 1387 H atawakira-kira 1 September 1967 M. Inya meninggal dengan tenang maraga sakit wan dikuburakan persis di muka rumah sidin, wahini di parak kubur sidin ada musollanya.[4]

Referensi babak

  1. ^ Tim Penerbit "Sahabat" (2014). Datu-Datu Terkenal Kalimantan Selatan. Kandangan, Hulu Sungai Selatan: Sahabat. ISBN 9786021988374. 
  2. ^ "H. Husain Qadry bin H. Achmad Zain - NU (Nahdlatul Ulama) - Member Profiles". Konstituante.Net. Diakses tanggal 2023-12-17. 
  3. ^ a b c d e "Ulama Banjar (5): Biografi KH. Husin Qadri". Alif.ID (dalam bahasa Indonesia). 2020-10-21. Diakses tanggal 2023-11-21. 
  4. ^ a b c d DIA, Yayasan (2022-06-14). "Biografi Tuan Guru KH. Husein Qadri Al-Banjari". Biografi Tuan Guru KH. Husein Qadri Al-Banjari (dalam bahasa Inggris). Diakses tanggal 2023-11-21. 
Dijumput matan "https://bjn.wikipedia.org/w/index.php?title=Husin_Qadri&oldid=93888"