Implosi marupakan hal nang mamandirakan alun-alun muntung nang manutup lawan sabuting kata nang disambat. Sacara umum, dalam saban rantai sambatan ada tahap-tahap partangahan nang disambat sabagai tahanan atawa artikulasi tatahan. Artikulasi nang tatahan nang ngitu kawa disambat atawa kawa dihiripakan lawan alun-alun implosif. Sabagai cuntuh, haratan urang manyambat appa maka kita tailangi p pamulaan nang disambat marupakan alun muntung nang manutup.[1]

Gagabungan bamacam eksplosi wan aneka implosi dalam rantai sambatan babak

Hal nang dihasilakan ulih hadir-barurutannya babarapa eksplosi wan implosi dalam ampat gabungan nang mungkin ada sacara teori: 1° <>. 2°><, 3° <<, 4°>>.[2]

1° Kelompok eksplosivo-implosif (<>). Tanpa mamotong rantai sambatan maka titir urang kawa mamaduakan fonem, fonem nang dimuka eksplosif wan fenom nang di balakang implosif. Misalnya: kr (<>), ki (<>), ym (<>), dll. (bandingakan lawan krla- basa Sanskerta kite "quitter" basa Parancis, ymto- basa Indo-Eropa, dll). Kada diraguakan bahwa babarapa gagabungan nang kaua kt, dll. kada mancungulakan efek akustik nang kawa ditangkap matan realisasi praktik paduan ngitu, tagal pasti haja bahwa imbah maartikulasiakan sabuting k nang mambuka (eksplosi), maka organ pandir pun hudah dalam andakan nang baik hagan bapindah ka andakan hagan manutup di titik di mana haja. Dua fase fonasi ngitu kawa bapindah muntung tapa bahauran.[3]

2° Kelompok implosive-eksplosivo (><). Dalam kaadaan wan aturan nang sama, maka urang lain kada mungkin hagan mamaduakan dua fonem, sabuting fonem implosif wan fonem imbahnya eksplosif. Demikianlah maka kawa haja ada gagabungan im (><), kl (><), dll. (cf. haîma basa Yunani, ''actif basa Parancis, dll). Bujur, dua buting momen artikulasi di gabung ngini kada bapindah sabaik gabungan nang pamulaan, eksplosif-implosif. Antara implosi panambayan wan eksplosi panambayan ada lalainan. Eksplosi takait maulah muntung basipat netral, sahingga eksplosi kada mangandung lalainan ngitu lawan momen imbahnya. Sapahadangan, implosi maulah andakan tartantu nang kada kawa dipakai sabagai titik tolak hagan malakukan implosi mana haja. Jadi titir diparluakan sabuting garak akomodasi nang digawi sakira organ-organ nang diparluakan mandapatakan andakan nang pas hagan artikulasi fenom kadua. Damikianlah cuntuhnya, haratan maalunakan alun s di paduan sp (><), maka muntung jua harus manutup sakira siap hagan maalunakan fonem p mambuka. Tagal pangalaman mambuktiakan bahwa garak akomodasi ngitu kada mahasilakan sabuting nang parlu dihatiakan, jika apa nang dihasilakannya ngitu sakadar alun tipis nang kada parlu kita hitungakan, wan apa nang dihasilakan ulih garak akomodasi ngitu sama sakali kada mahaur urutan rantai ngitu.[4]

3° Rantai eksplosif (<<). Dua eksplosi kawa tarjadi baurutan. Tagal lamunnya eksplosi kadua digawi ulih sabuting fonem nang aperturnya tahalus atawa aperturnya sama lawan eksplosi pamulaan, maka kada kawa ditangkap sensasi akustik kasatuan nang kawa didaptakan dalam rantai implosif, wan nang dihasilakan ulih gabungan 1 wan 2 di atas. Gabungan pk (<<) kawa disambat pka (<<), tagal fenom-fenom ngitu ngitu jadi kawa mambantuk rantai, maraga spesies fenom P wan K baisi derajat aparatur nang sama haja. Haratan urang basetop lawan a pamulaan matan cha-pka maka urang jua mandapatakan panyambatan nang kada alami. Sabaliknya, pr (<<) mambarii impresi kontinuitas (cf.prix); ry (<<) jua kada ngalih dialunakan (cf.rien). Hal ngini maraga, pas wayah eksplosi pamulaan, maka organ-organ hudah siap lawan posisi tanyaman hagan maanuaakan eksplosi kadua tanpa mahaur efek akustik eksplosi pamulaan. Tagal kada mungkin hagan urang manyambat rantai sambung panduan rp (<<). Ngitu lain maraga kada mungkin urang mandapatakan andakan p (<) sakaligus haratan maartikulasiaakan sabuting r (<) mambuka, tagal r (<) jadi kada kawa tadangar maraga batamu lawan aparatur nang tarandah. Haratan handak manyambat rp (<<) kawa tadangar, maka urang harus manyambatnya dua kali wan rantai ngitu tapacul.[5]

4° Rantai implosif (>>) diatur ulih aturan nang tapaling matan rantai eksplosif. Haratan sabuting fonem labih tabuka matanpada fonem nang maumpatinya, maka urang jua manamui kesan kontinuitas (cuntuh ir (>>), rt (>>)), lamunnya kundisi ngitu tahibaki, lamunnya fonem nang maumpatinya labih tabuka atawa baisi apertur nang satara matanpada fonem nang mandahuluinya, maka panyambatannya jua kawa digawi, tagal impresi kontinuitasnya hilang; cuntuhnya, sr(>>) nang baandak di kata asrta(>>>) baisi karakter nang sama lawan karakter kelompok pk nang baandak di kata cha-pka. Fenomena rantai implosif ngini sapurnanya paralel lawan fenomena nang hudah dianalisis dalama rantai eksplosif: dalam rt(>>), maka t maulah r kahilangan implosi, maraga t baisi derajat aparatur nang tarandah.[6]

Jujuhutan babak

  1. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 107. ISBN 978-623-6166-37-6.
  2. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 112. ISBN 978-623-6166-37-6.
  3. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 112. ISBN 978-623-6166-37-6.
  4. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 113. ISBN 978-623-6166-37-6.
  5. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 114. ISBN 978-623-6166-37-6.
  6. ^ de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 115. ISBN 978-623-6166-37-6.