Mantiga: Pabidaan ralatan

'''Mantéga''' adalah produk turunan susu nang diulah dengan cara mengocok krim atawa susu. Biasanya dipakai gasan olésan wan cocolan, kawa jua dipakay gasan masak-memasak, nang kaya memanggang roti, me'ulah saus, lawan dipakay gasan menyanga. Mantéga terdiri dari lamak mantéga, banyu, wan protéin susu. Paling rancak diulah matan susu sapi, tagal kawa jua diulah matan susu mamalia nang lain kaya [[kambing]], [[biri-biri]], [[hadangan]], wan [[yak]]. Kadang-kadang mantéga ditambahi [[uyah]], perisa, wan pengawét. Lamun di dalam kulkas inya padat, tagal mun sudah di dalam suhu ruangan inya berubah lembék jadi gampang meolésakannya di atas roti atawa waday.

 

Biasanya mantéga warnanya kuning pucat, tapi ada jua nang kuning tuha sampai parak putih. Warna mantéga alami tegantung dari pemakanan satua nang diambil susunya, tagal mun di dalam industri mantéga rancak diwarnai supaya lebih menarik penampilannya. Biasanya mantéga diwarnai lawan pewarna makanan ''anatto'' atawa ''carotene''. Banyak orang di Indonesia nang menyambat "mentega" tagal sebujurannya nang dimaksud'akan itu [[margarin]] nang dasar bujur mirip menampilannya tagal margarin diulah matan bahan lain kaya minyak nabati.

 

Mantéga (Bahasa Banjar) wan mentega (Bahasa Indonesia) asal katanya sama-sama matan kata dalam [[Bahasa Portugis]], yaitu ''manteiga''.