Ratu: Pabidaan ralatan

"Ratu" dalam Bahasa Jawa Kuno tu masih ada hubungannya lawan istilah ''Datu'' lawan ''Latu''. Ratu artinya urang nang berkuasa atawa pimpinan dari suatu kalumpuk. Istilah ratu asli [[Bahasa Austronésia]] ini kada gasan macam kelamin tertentu aja. Lakian atawa binian kawa memakai gelar ini. Misalnya raja [[Kerajaan Mataram]] [[Hindu]] ngarannya ''Raké Mataram Sang Ratu Sanjaya''. Di Kerajaan [[Singhasari]] ada ''Ratu Angabhaya''. Sidin bedua ni lakian, tapi memakai gelar ratu. Kata "Kraton" asalnya dari ratu jua, yaitu "ke-ratu-an" nang artinya istana wadah ratu tinggal. Sampay wahini di [[Jawa]] kata "Kraton" tetap dipakaydipakai gasan menyambat istana wadah raja tinggal.

Lawas-kelawasan, kebudayaan Hindu bemagin berkembang di Nusantara. Istilah ''raja'' nang asalnya dari [[Bahasa Sanskerta]] mulay menggantiakan istilah ratu. Imbah itu, istilah ratu mulay dipakaydipakai gasan anggota kerajaan binian.

Anggota kerajaan Banjar nang suwah memakay gelar ratu antara lain ''Ratu Agung/Ratu Tuha'' (Artinya: raja agung/raja tuha. Gelar nang dipakaydipakai di [[masigit]]: ''Sultan Inayatullah/Sultan Indallah''), ''Ratu Anom/Ratu Anum'' (Artinya raja anum. Gelar nang dipakaydipakai di dalam masigit: ''Sultan Sa'idullah/Sultan Sa'idillah''), ''Ratu Bagawan'' (Raja Kotawaringin I), dan lain-lain. Ini waktu gelar ratu masih lazim dipakaydipakai oleh lakian. Ratu Kuripan galaran nang dipakai Patih Lambung Mangkurat marga sidin sabagai mangkubumi baisi tanah badatu (apanase) nang manjadi ampun sidin yaitu banua bakas [[Karajaan Kuripan]]. [[Ratoe Anom Mangkoeboemi Kentjana]], anak wan sakaligus mangkubuminya [[Sultan Adam]].

Lawas-kelawasan, gelar ratu jarang dipakaydipakai lakian lagi. Gelar ratu imbah itu dipakaydipakai gasan gelar paling tinggi anggota kerajaan binian di Kesultanan Banjar, selével lawan gelar "Pangéran" gasan anggota kerajaan nang lakian. Nang memakay gelar ratu antara lain anak binian raja, permaisuri, ading binian raja, dan lain-lain. Contohnya [[Ratu Intan]] lawan [[Ratu Zaléha]].

Dalam Bahasa Indunisia, istilah ratu dipakaydipakai gasan menyambat raja bini-bini, yaitu binian nang memerintah atawa berkuasa di suatu nagara. Contohnya [[Ratu Elizabeth II]], laki sidin lain raja, sidin nang berkuasa. Selain itu, ratu gén dipakaydipakai gasan menyambat permaisuri. Contohnya [[Ratu Rania]], permaisuri [[Abdullah II]], laki sidin nang raja, sidin permaisurinya aja.