Hak asasi manusia: Pabidaan ralatan
Konten dihapus Konten ditambahkan
Baris 37:
Konstitusi negara-negara Irupa pas abad ka-19 jua mahindari panyambatan kunsip "hak asasi manusia" maupun "hak kodrati". Hak asasi manusia sudah kada lagi disambat dalam Konstitusi Prancis imbah tahun 1799 wan hanyar cungul lagi pas tahun 1946.{{sfn|Hoffmann|2011|p=8}} Di tangah bargaluranya [[Revolusi 1848]], rancangan [[Konstitusi Frankfurt]] mangandung daptar "hak-hak dasar" (''Grundrechte''). Tagal, nangkaya konstitusi-konstitusi lainnya pas zaman ngitu, hak-hak nangitu hanya kawa dinikmati ulih warga negara, nangkaya nang dapat diitihi matan ngarannya, ''Grundrechte des deutschen Volkes'', sahingga hak-hak nangitu lainlah hak nang barlaku sacara universal nangkaya halnya hak asasi pas wayah modern. Imbah kagagalan revolusi ngini, [[positivisme hukum]], atawa gagasan bahwa kadada hukum di luar undang-undang, barhasil manjauhakan doktrin hukum kodrati sabagai justifikasi hagan menganugerahkan hak. Hak asasi manusia surang kada disamba dalam [[Konstitusi Kekaisaran Jerman]] tahun 1871, wan daptar hak-hak wan kawajiban-kawajiban hanyar cungul pulang dalam [[Konstitusi Republik Weimar]] tahun 1919.{{sfn|Hoffmann|2011|p=9}} Di tingkat internasional, gagasan "hak kodrati" hanya dijadiakan sabagai dalih hagan malancarakan misi pambaradaban.{{sfn|Hoffmann|2011|p=11}} Sabagai cuntuh, Prancis baisi kunsip ''mission civilisatrice'' sabagai pambujuran hagan "mambibasakan" urang-urang Afrika matan kakuasaan pamimpin panduduk bujur nang "terbelakang".{{sfn|Hoffmann|2011|p=8}} Haratan wayah ngitu, bangsa Eropa mamang masih mambidaakan antara negara-negara nang "beradab" lawan masyarakat "tidak beradab" di luar Irupa wan Amirika. Hanya negara nang dianggap "beradab" nang baisi hak, sapahadangan wilayah masyarakat nang "kada beradab" kawa sewaktu-waktu dicaplok ulih negara Irupa sabab dianggap sabagai ''[[terra nullius]]'' ("tanah tak bertuan").{{sfn|Hoffmann|2011|p=10-11}}
Haratan wayah tuntungnya [[Perang Dunia I]], parlindungan hak asasi manusia sama sakali kada masuk ka dalam cakupan [[Piagam Liga Bangsa-Bangsa]],{{sfn|Beitz|2009|p=15}} walaupun parlindungan kalumpuk minoritas tatap jadi parhatian matan urganisasi internasional nangitu.{{sfn|Bates|2010|p=29-31}} Maskipun kaya ngitu, di tingkat nasional, cungul pargarakan-pargarakan hak asasi manusia, nangkaya [[Federasi Internasional hagan Hak Asasi Manusia|Fédération Internationale des Droits de l’Homme]] nang didiriakan di [[Paris]] pas tahun 1922. Organisasi nangitu manuntut dikaluarkannya deklarasi atawa piagam hak asasi manusia dunia nang basipat maikat. Di kuta nang sama, [[Académie Diplomatique Internationale]] nang didiriakan ulih sajumlah pengacara internasional pas tahun 1926 marumusakan sabuting deklarasi, nang imbahnya mainspirasi Deklarasi Hak Asasi Manusia Internasional nang dikaluarakan ulih [[Institut de droit international|Institut Hukum Internasional]] di New York pas tahun 1929.{{sfn|Beitz|2009|p=15-16}}
== Bahan acuan ==
| |||