Lugat basa Japang

(Diugahakan matan Dialék basa Japang)

Citakan:Infobox Language family

Peta zona pamakaian kopula da, ja, ya dalam dialik-dialik bahasa Japang

Dialek bahasa Japang (方言, hōgen) adalah variasi bahasa Japang nang balain-lain manurut pamakai wan dairahnya di Japang. Bahasa Japang nang jadi lingua franca di Japang disambat hyōjungo (標準語 (bahasa Japang Standar) atawa kyōtsūgo (共通語 (bahasa umum) nang awalnya didasarakan pada dialik Tokyo. Dalam bahasa Japang, dialik disambat -ben (), sahingga dikanal sambatan Osaka-ben (大阪弁) (dialik Osaka), Nagoya-ben 名古屋弁 (dialik Nagoya), wan lain sabagainya. Salain disambat Kyoto-ben, dialek Kyoto sacara khusus disambat Kyo-kotoba (京言葉)

Babida matan bahasa Japang Standar, dialik-dialik bahasa Japang menggunaakan kusakata, iksprisi, aksen, wan intunasi nang khas dairah ngitu. Di antara kusakata khas dairah misalnya: menkoi (めんこい) gasan bungas (gasan sabuting nang halus) dalam dialik-dialik Japang Timur, おもろい (omoroi) gasan lucu dalam dialik Kansai, ばってん (batten) gasan tagal dalam dialik-dialik Kyushu. Babida matan dialik Tokyo nang jadi dasar bahasa Japang Standar, dialek-dialek bahasa Japang nang lain rancak dapat pandangan nigatif, mulai matan "bahasa urang kampung nang kada bapandidikan", "medok", sampai "bahasa rakai". Ada jua dialik bahasa Japang nang dinilayi "rigat", sadangakan dialik nang lain dianggap "banilai tinggi".

Bahasa nang dipakaii urang Japang di Prefektur Okinawa wan Kapulauan Amami (Prefektur Kagoshima) adalah bahasa Ryukyu bang tamasuk rumpun bahasa Japonik nang kaya halnya bahasa Japang. Biar nang kaya itu, bahasa Ryukyu rancak disambat dialuk Ryukyu ulihnya dasar kadada parbidaan nang nampak antara bahasa wan dialik. UNESCO pada tahun 2009 mamasukakan 8 bahasa di Japang dalam daftar Atlas Bahasa-Bahasa Dunia Dalam Bahaya Punah.[1] Lima bahasa di antaranya digulungakan sabagai taancam banar: bahasa Amami, bahasa Hachijō, bahasa Kunigami, bahasa Miyako, wan bahasa Okinawa. Dua bahasa nang lain, bahasa Yaeyama wan bahasa Yonaguni digulungakan ka dalam kaadaan ganting, samantara bahasa Ainu dalam status kritis.

  1. ^ "UNESCO Interactive Atlas of the World's Languages in Danger". UNESCO. Diakses tanggal 2009-12-19.