Edvard Munch (IPA: [ɛdvɒ:rt muŋk], Ådalsbruk, Loten, 12 Disimber 1863 – Ekely, 23 Januari 1944) adalah palukis aliran ekspresionisme wan tukang citak (printmaker) bakabangsaan Norwegia. Gambarannya tarhadap kasangsaraan atawa pandaritaan mamangaruhi banar tarhadap parkambangan ekspresionaisme di Jerman pas haratan awal abad ke-20.

Self Portrait with Skeleton Arm (1895)

The Scream (1893; panambayannya disambat Despair), lukisan paling tarkanal Munch, disambat sabagai ikon panggambaran pandaritaan wan marupakan salah sabuting bagian matan seri nang disambat The Frieze of Life, di mana Munch maeksplorasi tima kahidupan, cinta, takut, kamatian, wan kasadihan. Sabagaimana halnya lawan banyak karya nang lainnya, Munch malukis babarapa persi lukisan ngni. Salah sabuting dijumput pas tahun 1994 wan lainnya pas tahun 2004. Kaduwa lukisan nang dijumput imbahnya kawa didapatakan pulang.

Tima The Frieze of Life baulang pada karya-karya Munch imbahnya, dalam lukisan nang kaya The Sick Child (1886, lukisan saudara biniannya nang sudah habis umur, Sophie), Vampire (1893-94), Ashes (1894), wan The Bridge. Lukisan pauncitan manggambarakan susuk pincang batis lawan muha nang samar nang dibaisi latar bayangan puhun ganal wan rumah nang angker. Munch rancak manggambarakan binian sabagai susuk nang rapuh, kurban nang kada basalah, atawa vampir tukang cabuti nywa urang nang ngeri. Para analisis manyambat bahwa hal ngini mancarminakan kacamasan seksualnya.

Pranala luar babak