Ferdinand de Saussure
Ferdinand de Saussure marupakan salah sabuting linguis baasal matan Swiss nang ranak 26 Nuvimbir 1857 di Jenewa, Swiss wan habis umur di Vufflens le Château haratan tahun 22 Pibruari 1913.[1] Inya marupakan paandak hagan pamarakan wan kamajuan ilmu-ilmu linguistik lawan gagasan-gasannya tentang struktur basa.[2]
| Ferdinand de Saussure | |
|---|---|
 | |
| Ranak | 26 Nupimbir 1857 Jenewa, Swiss |
| Maninggal | 22 Pibuari 1913 (umur 55) Vufflens-le-Château, Kanton Vaud, Swiss |
| Aliran | Strukturalisme, Semiotika |
| Minat utama | Linguistik |
| Gagasan panting | Strukturalisme, Semiologi |
| Tanda tangan |  |
Haratan jadi mahasiswa, Saussure maminanduakan dirinya ka urang rami lawan sumbangan-sumbangannya hagan linguistik kompratif, yaitu buku nang bajudul Mémoire sur le système primitif des voyelles dans les langues indo-européenness (1878:"Ingatan tentang Sistem Asli Bunyi Vokal dalam Bahasa-bahasa Indo-Eropa"). Dalam buku ngitu, inya mamadahakan kayapa rajutan alternasi bunyi vokal dalam basa-basa ngitu tarjadi. Maskipun inya kada manulis buku lain, tagal Saussure bapangaruh banar sabagai saikung pangajar, maraga inya mangajar di ''École des Hautes Études'' ("Sekolah Kajian Tingkat Tinggi") di Paris mulai 1881 sampai 1891, wan jadi profesor linguistik Indo-Eropa wan basa Sanskerta (1911-1901) wan linguistik umum (1907-1911) di Universitas Jenewa.[2]
Ngaran Saussure dirikitakan lawan buku Cours de linguistique générale (1916: Kuliah linguistik Umum), sabuting ulahan atas kuliah-kuliahnya sasuai lawan tulisan bubuhan mahasiswanya. Buku ngitu disusun ulih duwa kawan inya haratan anum yaitu Charles Bally wan Albert Séchehaye. Lawan hahamburan buku ngitu ka dunia ilmu disambat sabagai titik tolak linguistik struktural abad 20.[2]
Saussure manyambat basa harus disuuki sabagai sabuting paristiwa susial, sabuting sistim bastruktur nang kawa disuuki sacara sinkronik (sabagai sistim ngitu ada lawan sabuting wayah nang khusus) wan sacara diakronik (maraga sistim ngitu maalami paubahan dalam parjalanan wayah). Jadi Saussure mamformalkan duwa pamarakan dasar linguistik. Inya manikinakan bahwa prinsip wan metodologi duwa pamarakan ngitu tapilah wan beeksklusian. Inya jua maminanduakan lawan duwa istilah nang hudah jadi istilah linguistik yaitu parole atawa panyambatan saikung urang, wan langue yaitu sistim nang mandasari pamandiran. Duwa lalainan nang diulah Saussure ngitu jua tabukti jadi duwa titik sumbar pamulaan hagan panalitian dalam linguistik, wan dua palainan ngitu kawa dijanakai sabagai duwa titik tolak kartak ramai linguistik nang dipinandui lawan ngaran strukturalisme.[2]
Jujuhutan babak
- ^ "Ferdinand de Saussure | Swiss linguist | Britannica". www.britannica.com (dalam bahasa Inggris). Diakses tanggal 2022-05-23.
- ^ a b c d de Saussure, Ferdinand (2021). Kuliah Umum Linguistik Cours de linguistique générale. Yogyakarta: IRCiSoD. hlm. 436. ISBN 978-623-6166-37-6.