Wikipidia

Malcolm Young

Malcolm Young (6 Januari 1953-18 November 2017) adalah saikung gitaris wan panulis lagu nang diranakakan di Glasgow babangsaan Australia nang marupakan salah sabuting pandiri band baaliran Hard Rock nang bangaran AC/DC. Malcolm Young pensiun matan AC/DC pas tahun 2014 gara-gara panyakit demensia nang didaritanya.[1] Lawan AC/DC, inya kawa masuk ka dalam Rock and Roll Hall of Fame pas tahun 2003.[2]

Malcolm Young
Young bermain bersama AC/DC pada tahun 2010
Latar balakang
Dilahirakan lawan ngaranMalcolm Mitchell Young
Lahir6 Januari 1953
Glasgow, Skotlandia
Jiun18 Nupimbir 2017 (umur 64)
Elizabeth Bay, Australia
Gawian
  • Musisi
  • gitaris
  • penulis lagu
  • produser
Tahun aktif1969–2014
Label

Malcolm adalah salah sabuting tihang band AC/DC sampai inya pansiun pas tahun 2014. Maskipun sapalihan urang mungkin bapndapat bahwa Angus Young, dangsanak lalakiannya, adalah daya tarik utama salawas konser AC/DC, Malcolm marupakan angguta nang sudah mambari kakhasan pada ritme gitar AC/DC.[1]

Malcolm tapaksa pensiun matam AC/DC imbah maalami panyakit dementia, Malcolm maninggal pas tanggal 18 November 2017 gara-gara panyakit demensia nang dideritanya.[3]

Kehidupan Awal babak

Malcolm diranakakan pas tanggal 6 Januari 1953 di Glasgow, Skotlandia, Inggeris Raya matan pasangan William wan Margaret Young.[1] Abahnya bagawi sabagai Mekanik pasawat di Royal Air Force pas waktu Perang Dunia II, tapi imbah perang ampih inya rancak bagaganti gawian nang kaya tukang cat semprot, operator mesin di sabuting parusahaan lokal, tukang cetak, dan tukang pos.[4]

Pas tahun 1963, Inggeris marasaakan salah sabuting cuaca tadingin nang suah ditamui nagara ngitu, nang disambat lawan istilah Big Freeze. Sabuah kabatulan, haratan manonton televisi ada Iklan televisi nang manawarakan kahidupan hanyar di Australia. Abah Malcolm nang maitihi iklan televisi ngini imbah ngitu manandatangani panawaran migrasi ka Australia.[4]

William wan Margaret pun bamigrasi lawan anam anaknya ka Sydney malalui skema ten pound pom pamarintah Australia (urang tuha mambayar £10 masing-masing gasan tambang, amun kakanakan tulak gratis).[5]

Karier Musik babak

 
Malcolm Young di Tahun 1980

Pas tahun 1971, inyaa umpat bagabung lawan band matan Australia nang bangaran Velvet Underground.  Imbah ngitu pas tahun 1973, Velvet Underground dibubarakan.  Imbah ngitu, Malcolm bagabung lawan adiknya, Angus Young.  Baimbaian, badua badingsanak ngini bamain gasan sabutung band nang bangaran Tales of Marcus Hook Roll Band of Old Granddaddy, nang pahabisannya buhannya maulah band sorang yaitu AC/DC.[1]

Malcolm wan Angus Young maulah AC/DC di Newcastle, New South Wales pas tahun 1974, imbah tainspirasi ulih saudara buhannya yaitu George Young nang tadapat kasuksisan lawan bandnya nang bangaran Easybeat pas tahun 1960 lewat lagu buhannya nang bajudul Friday on My Mind.[6] Matan tahun 1976 sampai 1979, AC/DC sudah mangaluarakan lima album tamasuk <i id="mwVw">High Voltage</i>, Dirty Deeds Done Dirt Cheap, Let There Be Rock, Powerage dan If You Want Blood. Lewat kasuksisan album-album nang dikaluarakan buhannya AC/DC mulai baisi popularitas wan penggemar matan luar Australia.[1]

Pas tahun 1979, AC/DC mangaluarakan album internasional panambaian buhannya nang bajudul Highway to Hell.  Album ngini jadi album AC/DC pamulaan nang masuk dalam top 100 AS, wan mancapai posisi 17.  Maumpati kabarhasilan Highway to Hell, popularitas AC/DC banaik banar imbah ngitu.  Buhannya jadi tarkanal gara-gara acara langsung buhannya nang basamangat wan sapalihan album buhannya nang sukses.[1]

Imbah ditinggalakan Bon Scott nang maninggal gara kacanduan alkohol pas tahun 1979, AC/DC mambawai Brian Johnson sabagai vokalis utama buhannya wann mangaluarakan album hanyar nang bajudul Back in Black pas 1980. Album Back in Black sukses dipasaran wan jadi album nang baisi panjualan tabanyak kadua di dunia.[1]

Pas April 2014, gara-gara panyakit nang didaritanya maulah inya kangalihan, pusisi Malcolm Young resmi digantiakan ulih kamanakannya nang bangaran Stevie Young.[7]

Panyakit wan Kamatian babak

Imbah umpat Malcolm dalam album AC/DC nang bajudul Black Ice pas tahun 2008, inya didiagnosis mandarita kanker paru-paru, tapi kanker paru-paru ngini kawa disambuhakan lewat operasi. Inya maalami jua gangguan jantung nang maharusakan inya mamakai pacemaker lawan demensia.[8]

Malcolm Young harus manggawi rawat inap di rumahnya sorang salawasan gara-gara demensia ekstrim nang dialaminya. Apalagi ujar bininya Malcolm yaitu Linda, Inya bisa kada ingat lawan urang nang hanyar haja marawatnya biar ditinggalkan babarapa menit wara.[9]

Gasan maisii kakusungan pusisi gitaris dalam band, AC/DC maminta kamanakannya yaitu Stevie Young. Baharinya Stevie parnah jua maisi posisi Malcolm pas inya harus manjalani parawatan kecanduan alkoholnya.[7]

Malcolm Young, maninggal dunia di umur 64 tahun pas Sabtu, 18 November 2017. Imbah maalami demensia nang akut mulai tahun 2014. Kapastian maninggalnya Malcolm diumumakan ulih buhan AC/DC lewat akun Facebook resmi buhannya.[10]

Warisan wan Pangaruh babak

 
Saikung palukis jalanan manggambar muha Malcolm Young sahari imbah inya maninggal dunia

Malcolm Young manampaiakan kaya apa sabuah band sabagai gabungan unit sosial wan musik, lawan bapangaruh gasan urang-urang gasan maartikan bunyi gitar musik rock.[11] Lawan AC/DC inya masuk dalam Rock and Roll Hall of Fame lawan anggota lainnya. Barkat kamampuan Malcolm wan Angus dalam manulis lagu, lagu-lagu buhannya kaya Hell Bells, Highway to hell, dan Black in Black masuk lagu-lagu tarbaik dalam sajarah musik Rock. Imbah maninggal, inya mainggalkan saikung bini, dua ikung anak babinian, wan tiga ikung cucu.[12]

Catatan Batis babak

  1. ^ a b c d e f g "Who is Malcolm Young? Everything You Need to Know". www.thefamouspeople.com (dalam bahasa Inggris). Diakses tanggal 2020-06-04. 
  2. ^ "AC/DC | Rock & Roll Hall of Fame". www.rockhall.com. Diakses tanggal 2020-06-04. 
  3. ^ Kreps, Daniel; Kreps, Daniel (2017-11-18). "Malcolm Young, AC/DC Guitarist and Co-Founder, Dead at 64". Rolling Stone (dalam bahasa Inggris). Diakses tanggal 2020-06-04. 
  4. ^ a b Apter, Jeff, author. Malcolm Young : the man who made AC/DC. ISBN 978-0-3693-1897-8. OCLC 1151278316. 
  5. ^ Sweeting, Adam (2017-11-18). "Malcolm Young obituary". The Guardian (dalam bahasa Inggris). ISSN 0261-3077. Diakses tanggal 2020-06-04. 
  6. ^ "The story of Malcolm Young who formed AC/DC with his younger brother". The Independent (dalam bahasa Inggris). 2017-11-18. Diakses tanggal 2020-06-04. 
  7. ^ a b Lifton, Dave. "Malcolm Young's Final Years". Ultimate Classic Rock (dalam bahasa Inggris). Diakses tanggal 2020-06-04. 
  8. ^ Wilkening, Matthew. "Lung Cancer, Pacemaker: More Malcolm Young Health Woes Detailed". Ultimate Classic Rock (dalam bahasa Inggris). Diakses tanggal 2020-06-04. 
  9. ^ Zuel, Bernard (2014-09-25). "AC/DC's Malcolm Young reportedly in care for dementia in Sydney". The Sydney Morning Herald (dalam bahasa Inggris). Diakses tanggal 2020-06-04. 
  10. ^ Haryanto, Bowie. "Malcolm Young Gitaris AC/DC Meninggal Dunia". hiburan (dalam bahasa Indonesia). Diakses tanggal 2020-06-04. 
  11. ^ Behr, Adam. "Malcolm Young: AC/DC guitarist who helped define heavy rock's guitar sound". The Conversation (dalam bahasa Inggris). Diakses tanggal 2020-06-04. 
  12. ^ Ivie, Devon (2017-11-18). "Malcolm Young, AC/DC Co-Founder and Guitar Savant, Dead at 64". Vulture (dalam bahasa Inggris). Diakses tanggal 2020-06-04. 
Dijumput matan "https://bjn.wikipedia.org/w/index.php?title=Malcolm_Young&oldid=67283"