Pahumaan adalah lahan usaha pertanian nang sacara fisik berpermukaan rata, dihalati ulih pematang, serta baulih ditanami banih, palawija atawa tanaman budidaya lainnya.

Pahumaan matan jarak parak
Pahumaan bartaras di Bali
Pahumaan di Vietnam.

Kabanyakan pahumaan digunakan hagan bercocok tanam banih. hagan keperluan ngini, pahumaan musti mampu menyangga genangan banyu karana banih mamarlukan pangganangan pada periode tartantu dalam partumbuhannya. Hagan mangairi pahumaan digunakan sistem irigasi matan mata banyu, sungai atawa banyu hujan. Pahumaan nang padudian dipatuh sabagai pahumaan tanai hujan, samantara nang lainnya adalah pahumaan irigasi. banih nang ditanam di pahumaan dikenal sabagai banih lahan jimus (lowland rice).

Sabuting studi nang dipublikasiakan Proceedings of the National Academy of Sciences of the United States of America manamukan bahwa sabarataan janis banih nang dibudidayakan wayahini, baik matan spesies indica maupun japonica, baaasal matan sabuting spesies banih liar Oryza rufipogon nang ada pas tahun 8200 tahun hingga 13500 tahun nang lalu di China.[1] Padi sawah dibudidayakan di berbagai negara seperti Bangladesh, China, Filipina, India, Indonesia, Iran, Jepang, Kamboja, Korea Selatan, Korea Utara, Laos, Malaysia, Myanmar, Nepal, Pakistan, Sri Lanka, Taiwan, Thailand, wan Vietnam. Banih pahumaan jua ditanam di Irupa nangkaya di Piedmont (Italia) wan Camargue (Prancis).[2]

Sajarah babak

Bubuhan pakar arkeologi sapakat bahwa pambudidayaan di lahan basah baawal di China. Bukti kabaradaan pahumaan banih panambayan ditamuakan batanggal 6280 tahun nang lalu badasarakan pananggalan karbon matan biji banih wan materi organik tanah nang ditamuakan di situs Chaodun di Kushan County.[3] Di sabuting situs Neolitik di Caoxieshan, arkeologis manggawi panggalian wan manamuakan sabuting andakan nang diparcaya bahari marupakan pahumaan.[4] Diparkirakan situs di Caoxieshan batanggal 4000 hingga 3000 SM.[5][6] Selain ngitu terdapat 10 lukasi arkeologi nang takait lawan pahumaan di Korea. Duwa diantaranya nang tatuha baandak di Okhyun wan Yaumdong, Ulsan, dibangun sejak Mumun pottery period.[7] Tadapat bukti arkeologis jua bahwa baras (banih nang sudah dihilangkan sekamnya) disimpan hagan kaparluan militer wan prosesi pemakaman sejak zaman Neolitik hingga Dinasti Han di China.[8]

Ikusistim Pahumaan babak

 
Pahumaan di Kuala Pambuang, Kalimantan Tangah

Pahumaan sabagai ikusistim disambat ulih saikung ahli antropologi bakabangsaan Amirika Serikat, Geertz yakni pahumaan sangat stabil atawa tahan lawas. Pahumaan kawa tarus mahasilakan panenan nang bulih disambat kada bakurang matan tahun ka tahun, bahkaan rancak dua kali satahun.[9] Peranan banyu di dalam ikusistim pahumaan bapangaruh banar tarhadap dinamika kahidupan pahumaan. Disini, karakter tanah tropis nang tipis diatasi lawan mamasuakan zat hara ka pahumaan lawan banyu irigasi hagan manggantiakan zat makanan nang diambil matan tanah; panyarapan nitrogen ulih ganggang hijau-biru nang bakambang biak dalam banyu panas; pambusukan kimiawi bakteri matan bahan urganik, tarmasuk sisa-sisa tanaman nang sudah dituai tatinggal dalam banyu; pangisian angin pada tanah lawan garakan banyu pahumaan nang bagimitan; wan tantu saja lawa pungsi-pungsi ikulugis lainnya nang digawi ulih irigasi baluman dikatahui[10][11]

Labih lanjut, pada ikusistim pahumaan tadapat kumpunin abiotik wan biotik. Kumpunin abiotik tadiri atas paktor edafik atawa kasuburan tanah nang diitihi matan parameter Kapasitas Pertukaran Kation (KTK), kandungan bahan organik tanah, kandungan N total, P tarsadia, wan K tarsadia dalam tanah; wan paktor hidrologik nang diitihi matan parameter kadalaman banyu bamandak pahumaan. Sadangkan kumpunin biotik ikusistim pahumaan diithi matan parameter karagaman hayati, pupulasi hama wan musuh alaminya, serta pula interaksi nang tarjadi di antara tanaman wan sarangga herbivora, sarta antara serangga hama wan musuh alaminya.. [12][sitasi tak relevan]

Referensi babak

  1. ^ Molina, J.; Sikora, M.; Garud, N.; Flowers, J. M.; Rubinstein, S.; Reynolds, A.; Huang, P.; Jackson, S.; Schaal, B. A.; Bustamante, C. D.; Boyko, A. R.; Purugganan, M. D. (2011). "Molecular evidence for a single evolutionary origin of domesticated rice". Proceedings of the National Academy of Sciences. 108 (20): 8351. doi:10.1073/pnas.1104686108. 
  2. ^ "Riz de Camargue, Silo de Tourtoulen, Riz blanc de Camargue, Riz et céréales de Camargue". Riz-camargue.com. Diakses tanggal 2013-04-25. 
  3. ^ Cao, Zhihong; Fu, Jianrong; Zou, Ping; Huang, Jing Fa; Lu, Hong; Weng, Jieping; Ding, Jinlong (2010). "Origin and chronosequence of paddy soils in China". Proceedings of the 19th World Congress of Soil Science: 39–42. Diakses tanggal 8 February 2013. 
  4. ^ Fujiwara, H. (ed.). Search for the Origin of Rice Cultivation: The Ancient Rice Cultivation in Paddy Fields at the Cao Xie Shan Site in China. Miyazaki: Society for Scientific Studies on Cultural Property, 1996. (In Japanese and Chinese)
  5. ^ Fujiwara 1996
  6. ^ Tsude, Hiroshi. Yayoi Farmers Reconsidered: New Perspectives on Agricultural Development in East Asia. Bulletin of the Indo-Pacific Prehistory Association 21(5):53-59, 2001.
  7. ^ Crawford, Gary W. and Gyoung-Ah Lee. Agricultural Origins in the Korean Peninsula. Antiquity 77(295):87-95, 2003.
  8. ^ "Expansion of Chinese Paddy Rice to the Yunnan-Guizhou Plateau". Diakses tanggal 2007-08-06. 
  9. ^ Gourou, Pierre (1956). The Quality of Land Use of Tropical Cultivators. hlm. 336–349. 
  10. ^ Grist, D. H. (1959). Rice (edisi ke-3). London: Longmans Green. 
  11. ^ Pelzer, Karl Josef (1945). Pioneer Settlement in the Asiatic Tropics. New York: Institute of Pacific Relations. 
  12. ^ Aminatun, Tien; Widyastuti, Sri Harti (2014). "Pola Kearifan Masyarakat Lokal dalam Sistem Sawah Surjan untuk Konservasi Ekosistem Pertanian". Jurnal Penelitian Humaniora. 19 (1): 65–76.