Soto Banjar
Soto Banjar adalah soto has suku Banjar, Kalimantan Salatan lawan bahan tatambaian ayam wan baisi bau harum rarampah kaya kayu manis, bigi pala, wan cangkih. Ada wayahnya paulahan kuah soto banjar kawa dicampurakan lawan sahikit susu nang maulah kalir kuahnya jadi kada baning, tagal sahikit karuh. Soto ngini baisi daging ayam nang sudah disuwir-suwir, lawan tambahan perkedel, kantang bajarang, jajarangan hintalu, tatakan wortel wan katupat.[1]
Nang kaya soto ayam jua, bumbu soto Banjar barupa bawang habang, bawang basihung, wan sahang, tagal kada mamakai janar. Bumbu ditumis dahulu lawan sahikit minyak lamak atawa minyak samin sampai harum sabalum dimasukakan ka dalam kuah jajarangan ayam. Kaina rarampahnya diangkat sakira kada umpat masuk ka dalam mangkuk wayah disurungakan.
Pajual soto Banjar rancak jua manyurungakan sate ayam jadi surungan pandamping. Nasi sop adalah sambatan gasan soto Banjar nang dikuahakan ka sapiring nasi.[2]
Jujuhutan babak
- ^ (Bahasa Indonesia) Badiatul Muclisin Asti & Laela Nurisysyafa'ah. Kumpulan Resep Masakan Tradisional dari Sabang sampai Merauke. Media Pressindo. hlm. 283. ISBN 9797880729.ISBN 978-979-788-072-9
- ^ "Makanan khas banjarmasin". Wisata Kuliner. 2013-2-18. Diarsipkan dari versi asli tanggal 2013-05-26. Diakses tanggal 2013-05-13.