Talapak kaki nintu hagian bawah batis manusia. Sacara anatumis, talapak batis disambat sabagai aspék plantar. Pamukaan nang mahirip pada ungulata adalah kuku.

Talapak batis
Talapak batis lalakian (kiwa) wan bibinian (kanan)
Latin planta
Dorlands/Elsevier p_22/12644411

Pamaparan babak

Kada nangkaya hagian awak lainnya, kulimbit talapak batis kada baisi bulu maupun pigmén, wan baisi konséntrasi pori paluh nang tinggi. Talapak batis baisi sajumlah lipatan nang tabantuk salawas embriogenesis wan mangandung lapisan kulimbit paling kandal pada awak manusia marga barat nang tarus tatumpu atasnya. Nangkaya talapak tangan, pori paluh kada baisi kalanjar sebasea.

Pasarafan babak

Talapak batis amat sénsitif pada japaian marga banyaknya hujung saraf, nang ma-ulahnya sénsitif pada pamukaan nang dilangkahi, parasaan miang wan babarapa urang mandapatakan talapak batis marupakan zona érogén.[1] Sacara médis, talapak batis adalah wadah réfléks plantar, uji nang kawa manyakitkan marga sénsitivitas talapak batis. Talapak batis kawa jua diguna'akan hagan manyiksa sawayah sasaurang dibabat arat cagar kada bagarak wan batis nang tilanjang itu dicambuk.

Lingkungan babak

Talapak batis urang tuha normalnya malingkung. Lingkungan itu kawa gagal bakambang salawas masa kakanakan atawa kawa mandatar salawas batianan wan usia tuha nang ba-akibat kaki datar.

Dalam budaya babak

Di Timur Tangah, talapak batis dianggap kada barasih wan dianggap mahapaki atawa manyarang lamun sacara tabuka mancungulakan talapak batis. Dalam budaya Barat, sénsitivitas talapak batis maulahnya sabagai sasaran panggalianan atawa rangsangan séksual.[2]

Sumbar babak

  1. ^ Brittan, Patti (2003). Complete Idiot's Guide to Sensual Massage. Alpha Books. 
  2. ^ Rossi, William A. (1993). The Sex Life of the Foot and Shoe. Kreiger Publishing.