Wikipidia

Jamban di Japang

Jamban di Japang umumnya labih maju matan jamban di nagara-nagara maju lainnya. Dua janis jamban nang umum dihaga di jamban di Japang adalah jamban badangkak wan jamban duduk.[1][2] Imbah Parang Dunia II, jamban duduk model Barat wan urinoir mandominasi jamban umum. Walaupun kaitu, jamban badangkak masih didapati di jamban umum di Japang. Di lawang jamban umum nang manyadiaakan jamban duduk dibari tulisan washiki (和式, gaya Japang) atawa yōshiki (洋式, gaya Barat) gasan jamban duduk.

Kloset model Barat yang paling mutakhir adalah kloset yang dilengkapi dudukan kloset yang sekaligus berfungsi sebagai bidet. Hingga Maret 2010, 72% dari seluruh rumah di Jepang sudah dipasangi kloset duduk yang dilengkapi bidet.[3][4][5][6] Di Japang, kloset nang dilangkapi bidet disambat washlet (ウォシュレット). Sabalumnya, Washlet adalah merek dagang matan Toto Ltd. nang sudah manjadi ngaran generik. Bagantung ka modelnya, tutup kloset sacara otomatis kawa tabuka wayah ada urang nang mamaraki, mambarasihakan kalimut wan vulva urang nang duduk di atasnya lawan banyu wan mangaringinnya lawan tampuran udara hangat, manyiram kloset sacara otomatis, mahilangakan bau, wan baisi tutup kloset nang manukup sacara otomatis imbah kloset tuntung dipakai.

Kabarasihan panting banar dalam kabudayaan Japang. Ruangan jamban nang dianggap rigat dibangun tapisah matan kamar mandi. Dalam basa Japang, kata gasan barasih adalah sama lawan langkar. Salain baarti barasih, kata kirei (きれい、綺麗) dipakai gasan sasuatu nang bagus atawa bungas; baarti langkar, manis (dipakai gasan babinian wan kakanakan), wan tampan (gasan laki-laki).[7]

Sajarah babak

 
Batang kayu nang disambat chu-gi asal jaman Nara wan gulungan kartas jamban.

Kawasan pamukiman urang jaman Jomon babantuk nangkaya tapal kuda. Bagian tangah marupakan alun-alun wadah bakumpul, wan wadah pambuangan ratik adanya di sakuliling pamukiman. Matan panggalian arkéologi di wadah pambuangan ratik didapati koprolit (feses manusia wan kuyuk nang sudah mambatu),[8] hingga kawa diambil kasimpulan urang jaman Jomon gin bahira di wadah pambuangan ratik.

Sistim parit sanitasi kamungkinan sudah dikanal urang jaman Yayoi (300 SM hingga 250 M).[9][10] Sistim parit umumnya dipakai di pamukiman baukuran ganal, mungkin dipakai gasan jamban.

Badasarkan pahagaan di Sakurai, Prefektur Nara, jamban nang dilangkapi banyu mangalir kamungkinan sudah diulah tumatan awal abad ka-3.[8] Kloset luang wadah bahira jua ditaliti ahli arkeologi di situs Istana Fujiwara nang andakannya di Kashihara, Prefektur Nara (indung banua kakaisaran matan 694 hingga 710.[8] Bangunan bahtap gasan luang WC didiriakan di andakan tapisah matan wadah bagana.

Pada zaman Nara (710 hingga 784), di Nara indung banua Japang sudah dibangun sistim drainase banyu rigat, wan urang bahira lawan cara badangkak di atas parit nang libarnya 10–15 cm. Tatakan kayu nang disambat chu-gi dipakai nangkaya halnya kartas jamban.[8][11] Pada masa-masa sabalumnya, rumput laut dipakai jua gasan mangalap limbah bahira,[12] namun pada zaman Edo, urang Japang sudah mamakai kartas jamban matan washi.[13][14] Di dairah pagunungan, tatakan kayu wan daun-daun ganal wayah itu dipakai bagai kartas jamban.[11]

Jamban rancak dibangun di atas parit nang banyunya mangalir. Salah satu cuntuh matan jamban nang kawa mambilas saurang dihagaakan di Istana Akita. Jamban matan abad ka-8 ngini dibangun di atas aliran sungai nang diugahakan ka parit.[8]

Walaupun rancak ditamuakan jamban lawan banyu mangalir, jamban nang dibangun hanya barupa luang jamban di tanah justru labih umum. Jamban nangkaya ini labih mudah dibangun wan hasilnya kawa dipakai sabagai pupuk.[15] Wayah agama Buddha marupakan agama utama di Japang, binatang tarnak ditangati cagar kada dimakan sahingga kadada tahi binatang tarnak nang kawa dipakai sabagai pupuk kandang. Tahi urang sugih dijual lawan harga talarang maraga bubuhannya labih banyak makan makanan nang bagiji.[12]

Babagai dokumén basajarah asal abad ka-9 baisi paraturan sahubungan pandirian sistim parit banyu barasih wan banyu rigat, wan rincian pasal tatacara pambuangan limbah jamban.[8]

Narapidana harus diatur supaya mambarasihakan parit di Istana wan kantur-kantur pamarintah, wan jamban di timur wan barat pada sungsung hari imbah turun hujan pada malam hari sabalumnya.
(Terjemahan dari hukum administrasi Ryo-no-shuge)

Badasarakan alasan sanitasi, bisnis panjualan tahi manusia sabagai pupuk magin jarang imbah Perang Dunia II. Pada waktu itu di Japang sudah dikanal pupuk matan bahan kimia, wan damini hanya 1% matan limbah jamban nang dipakai sabagai pupuk.[16][17] Di bidang standar higiene, Japang jauh labih maju dibandingakan standar higiene di wadah-wadah lain, tautama di Eropa. Pada jaman bahula, pambuangan tahi manusia sudah diatur pamarintah di Japang, pahadangan di Eropa, banyu tahi dibuang kaitu haja matan rumah ka jalan-jalan. Urang Barat nang panambaian mailangi Edo damitu takjub lawan kuta nang manurut buhannya damintu barasih.[17]

Di Okinawa, jamban dahulu andakannya di atas kandang babi, wan babi dibari makanan tahi manusia. Praktik ngini kada dibulihakan lagi wayah jaman pamarintah pandudukan Amirika Sarikat imbah Perang Dunia II maraga kada barasih.[18]

Pada jaman Azuchi-Momoyama (1568 sampai 1600), sistim limbah "Parit Taiko" dibangun di sakuliling Istana Osaka, wan masih dipakai sampai damini.[9] Sistim parit modern mulai dibangun pada 1884, ditandai lawan pambangunan parit matan batu bata wan keramik nang panambaian di Kanda, Tokyo.[9] Sistim pamipaan wan sistim parit magin diluasakan imbah kajadian lindu basar Kanto gasan mancagah kajadian wabah panyakit amun lindu ganal kajadian pulang. Imbah itu, pambangunan parit hanyar digawiakan pulang imbah Perang Dunia II imbah adanya patumbuhan panduduk kuta nang laju. Hingga tahun 2000, sakitar 60% matan rumah-rumah di Japang tahubung lawan sistim limbah banyu rigat.[19] Tanggal 10 September ditetapkan sebagai Hari Air Limbah di Jepang.[20][21]

Kloset model Barat dan urinoir mulai dibangun di Japang pada awal abad ka-20, tapi hanyar dipinandui imbah Perang Dunia II tautama akibat pangaruh urang Amirika pada masa pandudukan.[4] Pada 1977, tutal panjualan kloset duduk di Japang sudah malabihi tutal panjualan kloset badangkak. Parusahaan saniter pangganalnya di dunia, TOTO maminanduakan kloset dilangkapi bidet nang disambat Washlet pada tahun 1980.[4]

Terminologi babak

Dalam basa Japang, jamban disambat toire (トイレ),[22] wan kawa maampah ka kloset atawa bangunan wadah luang kloset ada. Eufemisme gasan jamban adalah otearai (お手洗い, arti harfiah basuh tangan) nang artinya wastafel gasan mambasuh tangan.[23] Dalam basa Inggris Amirika, eufemisme nang mahirip gin dipakai gasan kata "bathroom" nang sacara harfiah artinya kamar wan bak mandi atawa jamban. Istilah lain gasan jamban adalah keshōshitsu (化粧室, arti harfiah: ruang badandan). Istilah keshōshitsu adalah tarjamahan matan basa Inggris powder room, wan umumnya dipakai ulih pancarikinan wan pasar swalayan.

Kata lain gasan jamban adalah benjo (便所, kakus) nang asalnya tumatan kata ben (便) nang artinya kamudahan atawa ekskresi. Walaupun dianggap kurang bagaya, kata benjo masih dipakai di jamban-jamban umum,[23] nangkaya di sakulah, kulam bakunyung, wan wadah-wadah umum. Istilah benjo kada dianggap kasar, walaupun sapalih urang labih memilih mamakai kata toilet atawa lainnya.

Parangkat kloset matan karamik (bagian mangkuk wan tangki panampung banyu) disambat benki (便器), pahadangan dudukan kloset disambat benza (便座).[24] Pispot gasan kakanakan halus atawa urang tuha disambat omaru.

Asosiasi Jamban Japang marayaakan Hari Jamban kada rasmi pada 10 November. Tanggal 10 bulan 11 (11/10 dalam urutan penulisan bahasa Jepang) kawa dibaca ii-to(ire) nang artinya jamban bagus dalam basa Japang.[25]

Bahan acuan babak

  1. ^ "Japanese toilets". Japan-Guide.com. Diakses tanggal 2006-10-30. 
  2. ^ "Penetrarion rate of Major household durable goods" (dalam bahasa Japanese). Economic and Social Research Institute(ESRI), Cabinet Office, Japan. April 2010. Diarsipkan dari versi asli tanggal 2012-12-11. Diakses tanggal 2022-04-02. 
  3. ^ a b c "High-Tech Toilets" (Scholar search). Web Japan. Diarsipkan dari versi asli tanggal 2007-01-01. Diakses tanggal 2009-07-24. 
  4. ^ Brooke, James (October 8 2002). "Japanese Masters Get Closer to the Toilet Nirvana". The New York Times. Diarsipkan dari versi asli tanggal 2016-03-03. Diakses tanggal 2006-11-05. 
  5. ^ Reuters, Tokyo (September 28 2003). "US, Europe unready for super-toilets, but Japan is patient". Taipei Times. Diakses tanggal 2006-11-08. 
  6. ^ Taniguchi, Goro (1997). Kamus Standar Bahasa Jepang-Indonesia. Dian Rakyat. ISBN 979-523-188-X. 
  7. ^ a b c d e f Matsui, Akira (2003). "Palaeoparasitology in Japan - Discovery of toilet features" (pdf). Memórias do Instituto Oswaldo Cruz. Rio de Janeiro: Memórias do Instituto Oswaldo Cruz. 98 (1): 127–136. doi:10.1590/S0074-02762003000900019. ISSN 0074-0276. Diakses tanggal 5 Nupimbir 2006. 
  8. ^ a b c "Sewer History: Photos and Graphics: Japan". Diakses tanggal 2006-10-30. 
  9. ^ "Making Great Breakthroughs: All about the Sewage Works in Japan". Japan Sewage Works Association. hlm. 47. Diakses tanggal 30 Uktubir 2006. 
  10. ^ a b "Invitation: The Heijo Palace Site Museum" (PDF). hlm. 16. Diakses tanggal 2006-10-30. 
  11. ^ a b Magnier, Mark. "Japan Is Flush With Obsession". Los Angeles Times. Diarsipkan dari versi asli tanggal 2006-10-30. Diakses tanggal 2006-10-30. 
  12. ^ "What is "washi" and why is it used in Japanese toilet paper?". Toilet Paper World. Diarsipkan dari versi asli tanggal 2008-05-15. Diakses tanggal 2006-10-30. 
  13. ^ Pietzcker, Eva (2004). "Japanese Papermaking - Kami-suki". Druckstelle Berlin. Diakses tanggal 2006-10-30. 
  14. ^ "The History of Toilets in Japan". Web Japan. Diarsipkan dari versi asli tanggal 2007-01-01. Diakses tanggal 2006-10-30. 
  15. ^ Masao Ukita and Hiroshi Nakanishi (1999). "Pollutant Load Analysis for the Environmental Management of Enclosed Sea in Japan" (PDF). hlm. 122. Diarsipkan dari versi asli (PDF) tanggal 2014-11-22. Diakses tanggal 2006-10-30. 
  16. ^ a b Junko Edahiro, Hiroyuki Tada(March 31, 2003)."[http://www.japanfs.org/en/newsletter/200303.html Japans sustainable society in the Edo period (1603–1867)]". Japan for Sustainability Newsletter #007.Japan for Sustainability.Diakses pada 7 Nupimbir 2006. Archived 2008-07-20 at the Wayback Machine
  17. ^ Keiichi Kato(December 2000)."Study on Okinawa's Development Experience in Public Health and Medical Sector"(pdf). Institute for International Cooperation, Japan International Cooperation Agency.Diakses pada 7 Nupimbir 2006. Archived 2007-09-28 at the Wayback Machine
  18. ^ "Tracking Down the Roots Chronology: Japan". Diakses tanggal 2006-10-30. 
  19. ^ "Numazu's Newsletter" (PDF). 2006-08-15. hlm. 9. Diakses tanggal 2006-10-30. 
  20. ^ Mary Jordan (15 Mai 1997). "But Do They Flush? Japan's High-Tech Toilets Do Nearly Everything, Even Redden Faces". The Washington Post. Diakses tanggal 2006-11-07. 
  21. ^ Ichikawa, Takashi (1998). Sanseidō New Modern Dictionary (三省堂現代新国語辞典, sanseidōgendaishinkokugojiten). Tokyo, Japan: Sanseido Co., Ltd. ISBN 4-385-14034-0. 
  22. ^ a b "The Japanese Toilet". The Japanese Page. 2001. Diakses tanggal 2006-11-07. 
  23. ^ "List about toilet". Diarsipkan dari versi asli tanggal 2007-05-28. Diakses tanggal 2006-11-07. 
  24. ^ "Japan Toilet association" (dalam bahasa basa Japang). Diakses tanggal 23 Juni 2022. 
Dijumput matan "https://bjn.wikipedia.org/w/index.php?title=Jamban_di_Japang&oldid=91008"