Jambatan Barito

Jambatan Barito mamiliki panjang 1.082 meter wan lebar 10,37 meter nang maliwati Sungai Barito sapanjang 800 meter wan Pulau Bakut salebar 200 meter. Jambatan Barito mamiliki jambatan nang utama panjangnya 902 meter wan jambatan pandamping sapanjang 180 meter. Jambatan Barito disahkan lawan Presiden kadua Republik Indonesia Soeharto wayah 24 April 1997. Pakakas Jambatan Barito adalah twinsuspension bridge (dua jambatan gantung yang lebar). Panjang masing-masing jambatan ngini adalah 420,5 meter. satiap bentang baisi bentang nang utama sapanjang 240 meter. samantara, jarak masing-masing manara lawan franking span kurang labih 90 meter.

Tujuan panggunaan papakas ini kada lain sagan manakan biaya pondasi sagan maatasi lalu lintas nang mambutuhkan ruang bebas cukup tinggi. Bangunan di bagian atas jambatan ditumpu lawan sajumlah tiang pancang nang mamiliki diameter 1.016 meter nang di dalamnya diisi lawan beton betulang. Pondasi ngini di ulah sagan manahan gaya horizontal nang cukup tinggi. Bangunan bagian atas jambatan adalah pakakas rangka baja galvis nang dihubungkan lawan baut. bangunan itu akan mamikul lantai jambatan nang tabuat dari beton baulang dengan mutu K-350.

Sagan lantai beton jambatan dipikul lawan plat galvanis dari baja. fasilitas pajalan batis tabuat dari beton precast nang diandak di sabalah kiwa wan sabalah kanan jambatan. pambangunan jambatan ngini mambutuhkan 1.850 baja wan dikira jambatan kawa tahan sampai 100 tahun.

Wisata Jambatan Barito

Jambatan Barito banyak dituntii bubuhan masyarakat wayah kamarian. Wan di hari minggu banyak nang ka sana. Pangunjung nang datang kada bubuhan kota haja tapi bubuhan luar jua. Jambatan barito rami dituntii di jam sambilan wan kamarian wayah jam talo. pangunjung nang datang sagan basantai, bakudak, wan manikmati pamandangan di sakitaran jambatan. Kawasan Jambatan Barito mamiliki potensi wisaya nang balum tegarap maksimal yaitu Sungai Barito wan Pulau Bakut nang merupakan konservasi Bekantan.