Kacang jaruk
Kacang jaruk adalah kitihan nang diulah matan kacang cina nang dikambuh duwa bumbu lainnya nang tiba matan Barabai, Kabupatin Hulu Sungai Tengah, Kalimantan Selatan.[1] Kacang jaruk tarasa ranyah wayah diigut, pina masin lawan babau bawang putih. Kacang Jaruk naya banyak diulah rurumahan haja, kada baindustri nangkaya kitihan luar sana.
Kacang cina nang badahulu dikambuh bumbu, pacangan didiamakan samalaman. Imbah nitu dijamur, disangrai mamakai karangan.[2] Karangan nang dipakai adalah karangan nang hudah barasih marga hudah dibasuh duwa ditapis. Imbah kacangnya disangrai, kacangnya ditapis sahingga karangan tapisah duwa kacang. Salaya mamakai rinjing gasan manyangrai, ada juwa pangrajin nang manyangrai kacang jaruk mamakai drum nangkaya di Astambul, Kabupatin Banjar. Drum diputar tatarusan sampai kacang didalamnya masak nang pancirinya barubah kalirnya jadi pina manguning.[3]
Jujuhutan
babak- ^ Rahman, M Taufik (2016-10-17). "Kacang Jaruk HST Tembus Pasar Modern". ANTARA News Kalimantan Selatan. Diakses tanggal 2024-09-23.
- ^ Sene, Stanislaus (2022-06-18). "Cara Perajin di Kabupaten Tapin Membuat Kacang Jaruk". Banjarmasinpost.co.id (dalam bahasa Indonesia). Diakses tanggal 2024-09-23.
- ^ Ariyanto, Sigit (2017-07-27). "Kacang Kulit Besangrai Desa Jati Baru Mempunyai Rasa Alami". Tribun Video (dalam bahasa Indonesia). Diakses tanggal 2024-09-23.