Kaladi
Tanaman Kaladi baisian ngaran ilmiah Colocasia Esculenta L dalam bahasa Indunisia disambat urang lawan ngaran Talas.[1] Tanaman Talas tamasuk ka dalam genus Colocasia.[2]
_Schott_(50460907442).jpg)
Morfologi babak
Sabujurnya ada karancuan nang ditamuakan di masyarakat parihal manyambat Kaladi lawan Talas nang rancak dianggap sama, padahal tanaman Kaladi tamasuk ka dalam genus Caladium nang kada baisian umbi di akar, amunnya Talas tamasuk ka dalam genus Colocasia nang baisian umbi di akar.[2] Kaduanya baisian ciri awak nang mirip, marganya sama-sama baasal matan kaluarga Araceae.[3] Urang Banjar biasanya manyambat tanaman ini lawan ngaran Kaladi, sahingga ada kuliner khas Kalimantan Selatan nang bangaran gangan kaladi.[4]
Kaladi tamasuk ka dalam tanaman kaluarga Araceae nang basian batang tumbuh cagat ka atas lawan jarang baisian cabang, batangnya baruas kada baisian kambium sajati. Akar Kaladi tamasuk jenis akar serabut nang tumbuh matan pangkal batang. Tangkai daunnya basian palapah daun nang mambungkus batang.[3] Tanaman Kaladi jarang baisian kambang lawan mahasilakan bigi, ayungannya Kaladi bakambang biak malalui umbi.[5]
Habitat babak
Kaladi kawa hidup di mana haja, matan pinggir pantai sampai di dataran nang tingginya diatas 1000 mdpl, baik nang tumbuh liar atawa dikabunakan.[6]
Kagunaan babak
Kaladi dimanpaatakan gasan makanan tambahan, bagian nang dimakan biasanya umbinya lawan batangnya. Umbi kaladi baisian banyak unsur nang bamanpaat gasan awak manusia, unsur-unsur itu yakni karbohodrat, lemak, protein, kalsium, fosfor, zat besi, pro vitamin A, vitamin B1, vitamin C, lawan banyu.[6] Kandungan karbohidrat nang banyak dalam Kaladi bahkan kawa dijadakan pangganti nasi.[7] Di Kalimantan Selatan ada kuliner khas nang bangaran gangan Kaladi.[4]
Umbi Kaladi kada kawa dimakan langsung, marganya kawa manyababakan muntung, ilat sampai rakungan tasara gatal. Panyabab gatal baasal matan kandungan asam oksalat lawan sajanis protease. Cara mahilangakan kandungan asam oksalat matan Kaladi ialah marandam umbinya nang handak dimakan ka dalam banyu uyah, disumap, atawa difermentasi.[6]
Salain kawa dimanpaatakan gasan bahan makanan, Kaladi kawa jua digunaakan manjadi bahan kusmitik lawan cacampur baulah barang palastik.[5]
Catatan Batis babak
- ^ "Budidaya & Analisis Usaha Tanaman Talas (colocasia Esculenta L.)". Cyber extension. Diarsipkan dari versi asli tanggal 2023-03-11. Diakses tanggal 2023-03-11.
- ^ a b Maarif, Ali (2020-10-07). "Jangan Salah, Ini Fakta Perbedaan Talas Dan Keladi". Panen News (dalam bahasa Indonesia). Diakses tanggal 2023-03-12.
- ^ a b Sulistyowati, Putri Vyati (2014). Observasi Keberadaan Tanaman Talas-talasan Genus Colocasia Dan Xanthosoma Di Kec. Kedungkandang Kota Malang Dan Kec. Ampelgading Kab. Malang (Tesis) (dalam bahasa Indonesia). Brawijaya University.
- ^ a b "Kuliner Otentik Khas Banjar Tersedia di Floating Restaurant, Ada Gangan Keladi dan Udang Betanak". BanjarmasinPost Travel (dalam bahasa Indonesia). Diakses tanggal 2023-03-12.
- ^ a b Setyowati, Mamik; Balai Besar Penelitian dan Pengembangan Bioteknologi dan Sumberdaya Genetik Pertanian, Bogor; Hanarida, Ida; Balai Besar Penelitian dan Pengembangan Bioteknologi dan Sumberdaya Genetik Pertanian, Bogor; Sutoro, nFN; Balai Besar Penelitian dan Pengembangan Bioteknologi dan Sumberdaya Genetik Pertanian, Bogor (2018-05-25). "Karakteristik Umbi Plasma Nutfah Tanaman Talas (Colocasia esculenta)". 2549-1393. doi:10.21082/blpn.v13n2.2007.p49-55. Diarsipkan dari versi asli tanggal 2023-03-11. Diakses tanggal 2023-03-11.
- ^ a b c "Talas (Colocasia esculenta (L.) Schott) - artikel - - Sudarminto Setyo Yuwono" (dalam bahasa Inggris). Diakses tanggal 2023-03-11.
- ^ Hasymi, Liana Fitriani; Rusida, Esty Restiana; Hastuti, Eny; Setia, Lisa; Prihandini, Yustin Ari; Torizellia, Cast (2021-11-25). "Pemberdayaan Masyarakat Dalam Pemanfaatan Sumber Daya Pangan Lokal Tanaman Talas Untuk Meningkatkan Kesehatan Masyarakat Dan Sebagai Tambahan Variasi Makanan Di Rumah Sakit". JURPIKAT (Jurnal Pengabdian Kepada Masyarakat) (dalam bahasa Indonesia). 2 (3): 531–538. doi:10.37339/jurpikat.v2i3.776. ISSN 2746-038X.