Kambang Sisir
Kambang Sisir atawa Kambang Lawang adalah rarampah nang baisi rasa mirip lawan rarampah Adas Manis. Rampah ngini baisi ngaran lain Illicium verum . Kambang nginih bawarna coklat kadap lawan baisi dalapan buting buncu nang barasa manis.[1]
Karaktaristik
babakHabitat
babakTanaman ngini banyak tumbuh di sakitaran dairah tropik wan subtropik nang tingginya 2000 mitir, wan curah hujan 1500-2200 milimitir. Rasa dingin 12-18 silsius wan pH 4-5. Rampah ngini banyak dipakai gasan bamasak di nagara-nagara Asia. Kambang sisir baarti tamasuk bumbu tradisiunal masakan Cina baarti ngo hiong nang baisi lima macam rarampah. Ngaran Kambang Sisir di bahasa Tionghoa baarti ba jiao atau bat gok nang baarti "dalapan tanduk", sasuai lawan bantuknya yang baisi dalapan buncu. Kambang sisir baisi bau nang khas wan kuat. Mulai matan Tiongkok, rampah ngini dikanalakan ka Eropa tahun abad ka-17, mulai imbah ngitu barhasil tarkanal dimana-mana.[2]
Batang
babakTanaman ngini tarmasuk dalam pupuhunan atau bungsai. Puhun ngini baisi tinggi bisa 4-6 m wan baisi warna coklat bacampur sadikit habang[2]
Daun wan Kambang
babakBaisi daun tunggal atawa sabuting, nang bacuring hujungnya. Kambangnya bawarna kuning kahijau-hijauan, biasanya tumbuh pakai biji banih. Buahnya diputik sabalum tuha imbahtu dijamur dikaringakan dibawah matahari yang hangat manggantang. Buahnya baisi 6-8 garis, satiap garis baisi 1 biji. Hasil minyaknya diulah jadi bahan parasa minuman. Hasil kambang sisir ngini bisa maulah ipik farmokologi nang luas hasilnya manjadi antimikrobia, antioksidan, wan insektisida.[2]
Pungsi
babakMakanan
babakKambang sisir dipakai gasan rarampah nang maulah makanan jadi nyaman, sama nang kaya kayu manis wan kambang cangkih. Kambang sisir banyak dipakai dimasakan india nang kaya rarampah, cuntuhnya masak karih. Bubuhan Thailand, Vietnam, wan Indonesia banyak mamakai kambang sisir gasan panyaman rasa. Di Indonesia, bumbu ngini banyak dipakai di dairah-dairah nang katuju masakan nang manyangat baunya. Cuntuhnya gulai Aceh, Randang Minang, masakan Jawa wan Bali. Kambang Lawang rancak dipakai gasan maulah minuman taradisional kaya jamu wan campuran teh, nang kaya teh Thailan didalamnya ada dicampuri teh hirang, bubuk kambang sisir wan widang pekak, ngini minuman khas kabupatin Demak.[3]
Daptar Jujuhutan
babak- ^ Indonesia, Kementerian Pendidikan, Kebudayaan, Riset, dan Teknologi Republik. "Jalur Rempah Nusantara". jalurrempah.kemdikbud.go.id (dalam bahasa Indonesia). Diarsipkan dari versi asli tanggal 2024-10-07. Diakses tanggal 2024-10-06.
- ^ a b c "Illicium verum Hook.f. — The Plant List". www.theplantlist.org. Diakses tanggal 2024-10-06.
- ^ Asmarini, Wilda. "Bapak Ibu, Bunga Lawang Kaya Manfaat, Cegah Virus & Kanker". CNBC Indonesia (dalam bahasa Indonesia). Diakses tanggal 2024-10-06.