Kanker ovarium
Kanker ovarium atawa kanker indung intalu marupakan salah sabuting tumor ganas nang baasal matan ovarium lawan bamacam jenis histologi nang kawa mangana di samunyaan umur. Kanker ovarium baandak di andakan ka-3 matan 10 kanker nang rancak mangana ka binian.[1] Urang nang kana kanker ovarium baisi kalangsungan hidup lima tahun paling satumat dibandingakan lawan kanker ginokologi lainnya di dunia, hal ngini maraga kanker ovarium ngalih didiagnosis, sahingga kakiraan awal bapingkut lawan pangatahuan biodata pasien kanker ovarium di suatu dairah.[2] Kanker ovarium baisi prognosis pamburuknya wan baisi tingkat kamatian nang tinggi. Ada kira-kira 21.290 insiden kanker ovarium, 14.180 ikung mati wan manyumbang 2,4% matan samunyaan angka mortalitas nang dipungkala ulih kanker.[3] Maskipun kanker ovarium baisi prevalansi nang tarandah matan kanker payudara, tagal kanker ngini tiga kali labih mamatii wan kira-kira tahun 2040 angka nang mati maraga panyakit kanker ovarium ngini maningkat banyak.[4]
WHO mangalumpukakan kanker ovarium sasuai lawan jenis sel; tumor: stroma-epitel permukaan, seks cord-stromal wan sel banih (germ) nang baasal matan sel germinal (kantung kuning telur/yolk sac). Kanker ovarium jenis epitel marupakan kanker ovarium nang rancak ditamui, sadangkan nang geminal jarang ditamui kawan kawa tarjadi di binian anum nang baumur 16-20 tahun.[5]
Pungkala babak
Pungkala kanker ovarium masih kada tapi jalas matan mana asalnya. Tagal, babarapa hal nang pinanya takait lawan pungkala kanker ovarium antara lain; faktor reproduksi wan faktor haid.[6] Manurut kakiraan incessant ovulation, umur anum wayah datang bulan panambayan maningkatkan pungkala kanker ovarium lawan jumlah kulilingan ovulasi.[7]
Kanker ovarium baisi partumbuhan nang hancap, tahapan panambayan rajin kadada gajala, wan tatamu kada singhaja wayah pamariksaan rutin, umumnya labih matan 60% nang kana didiagnosis imbah di kaadaan lanjut. Tatangar wan tanda klinis nang rajin ditamui adalah parut baganal, tadapat massa di dalam luang parut atawa pelvis, gajala gangguan pancarnaan makanan (dispesia), gangguan bakamih wan bahira, gangguan haid, gajala panikinan luang parut barupa; rasa handak muak, makan kada bakahandak, singkal parut.[5]
Jujuhutan babak
- ^ Purwoko, M. (2018). Hubungan tingkat pendidikan dan pekerjaan dengan tingkat pengetahuan mengenai kanker ovarium pada wanita. Mutiara Medika: Jurnal Kedokteran dan Kesehatan, 18(2), 45-48.
- ^ Dhitayoni, I. A., & Budiana, I. N. G. (2017). Profil pasien kanker ovarium di Rumah Sakit Umum Pusat Sanglah Denpasar-Bali Periode Juli 2013-Juni 2014. E-jurnal Med, 6(3), 1-9.
- ^ Wulandari, Eka Tri; Nuraeni, Reni; Maesaroh, Siti (2019-08-10). "Perbedaan Usia Menarche Pasien Kanker Payudara dan Pasien Kanker Ovarium yang Menjalani Pengobatan di Rumah Sakit". Wellness And Healthy Magazine. 1 (2): 115–122. doi:10.30604/j.whm.2019.8.001. ISSN 2656-0062.
- ^ Harsono, A. B. (2020). Kanker Ovarium:“The Silent Killer”. Indonesian Journal of Obstetrics & Gynecology Science, 3(1), 1-6.
- ^ a b Rahmawati, Hegaria; ER, Darmawaty; Pakasi, Ruland DN (2016-10-14). "KANKER OVARIUM DISGERMINOMA". INDONESIAN JOURNAL OF CLINICAL PATHOLOGY AND MEDICAL LABORATORY. 19 (1). doi:10.24293/ijcpml.v19i1.390. ISSN 2477-4685.
- ^ Gea, Imanuel T.; Loho, Maria F.; Wagey, Freddy W. (2016). "Gambaran jenis kanker ovarium di RSUP Prof. Dr. R.D. Kandou Manado periode Januari 2013 - Desember 2015". e-CliniC (dalam bahasa Inggris). 4 (2). doi:10.35790/ecl.v4i2.14374. ISSN 2337-5949.
- ^ Tandarto, Marina; Ginting, Erwin; Nuryanto, M. Khairul (2020-06-04). "Hubungan Usia Menarche dengan Kejadian Kanker Ovarium". Husada Mahakam: Jurnal Kesehatan. 10 (1): 71. doi:10.35963/hmjk.v10i1.171. ISSN 2461-0402.