Tsubasa marupakan kanakan SD nang hanyar aja pindah ke kuta Nankatsu. Inya handak jadi pamain bola dan handak jadi pemain paling harat. Pas masuk sakulah hanyarnya, inya langsung umpat klub sipak bula sakulan nang itu. Kapten klubnya ngarannya Ishizaki. Buhannya balatih di lapangan tapi dihaur lawan klub lain yang dikapteni ulih Genzo Wakabayashi. Buhannya lalu batanding, bila Nankatsu kawa mancitak gol, maka buhannya kawa mamakai lapangan itu gasan balatih. Pamulaan Nankatsu kabubulan tarus dan main saparu lapangan haja. Imbah salah sabuting pamainnya cedera, Tsubasa dijadiakan bek.
Inya main bagus jadi bek. Pas waktu pertandingan handak habis, kada disangka Tsubasa dapat bola dan kawa mancitak gol. Sasuai perjanjian, Wakabayashi dan kakawanannya kada mahaur buhannya lagi. Dari situ perjalanan Tsubasa jadi pamain sipak bula dimulai.
Tsubasa marupakan anak kapten kapal. Abahnya malaut tarus gawiannya. Inya katuju banar lawan sipak bola. Dari matan halus, Tsubasa sudah katuju banar lawan sipak bula. Inya masuk Nankatsu dan jadi pamain yang bisa banar diandalakan. Imbah inya batamu lawan Roberto Hongo, hidupnya baubah. Imbah ganal, inya tulak ka Brasil untuk jadi pamain klub Sao Paulo. Kaahliannya main bula tamasuk jadi yang paling harat di dunia. Tsubasa bisi kamampuan untuk mambaca dan maumpati seberataan teknik musuh.
