Kararaban
Wadai kararaban ngitu wadai nang jadi wadai ciri has matan Kalimantan Salatan. Biasanya wadai kararaban banyak diulah urang Banjar sagan wadai pabukaan puasa, wan wadai kararaban ada jua disadia'akan rahat acara ganal kaya baaruh, wan lain-lain[1].
 Wadai Kararaban | |
| Ngaran lain | Karaban |
|---|---|
| Banua asal | Indunisia |
| Dairah | Kalimantan Salatan |
| Masakan nasiunal tarait | Indunisia |
| Diulah ulih | Suku Banjar |
| Suhu panyajian | dingin |
| Bahan utama | Galapung baras, galapung gandum, gula habang, santan, hintalu ayam |
| Bahan nang umum dipakai | Uyah, adas, kayu manis |
Cara baulah
babakCara maulah wadai kararaban ngitu, pamulaan, jarang dahulu banyu santan wan gula habang sampai gulanya larut. Imbah ngitu diamakan satumat. Lalu, kambuh lawan galapung baras wan galapung gandum, tambahi hintalu, wan uyah sadikit. Haru barataan sampai tacampur.[2]
Imbah ngitu, campurakan banyu santan wan gula habang nang tadi dijarang. Amun sudah tuntung, andak kamiran dalam wadah citakan. Sakirwa wadainya bagus, hiasi atasnya wan rarampah adas manis nang hudah disangrai badahulu sampai babau harum. Imbah ngitu disumap, adas manis nang sudah tuntung disumap di campur lagi wan kayu manis bubuk, hanyar dipapai ka wadai. Imbah ngitu sumap adunan sampai masak. Amun sudah masak, papai pulang adas manis wan kayu manis di atasnya biar wadainya harum.[2] Imbah ngitu wadainya jadi wan kawa dimakan.
Jujuhutan
babak- ^ KOMPUTER, UNIVERSITAS SAINS & TEKNOLOGI. "Kararaban" (dalam bahasa Inggris). Diakses tanggal 2023-09-10.
- ^ a b prokal.co. "Harumnya Kararaban | Radar Banjarmasin". kalsel.prokal.co (dalam bahasa Indonesian). Diakses tanggal 2023-09-10.