Kasumba (tanaman)
Kasumba (Bixa orellana) marupakan perdu tegak atawa puhun halus lawan tinggi 2-8 m. Tumbuhan ngini barasal matan Amirika tropis. Zat bawarna habang/kuning nang dihasilakan matan kulambit biji dipakai hagan mangaliri mentega, keju, bahan anyaman, mainai kuku dan maulah gincu. Kulambit kayu tumbuhan ini dapat digunakan hagan tali. Sabutan panduduk Amirika hagan kasumba adalah Lipstick tree [1] atawa puhun gincu.
Garambas
babakKasumba adalah perdu atawa puhun halus lawan tinggi 2-8 m. Daunnya tunggal, batangkai panjang, wan ganal. Halaian daunnya babantuk bulat hintalu, hujungnya runcing, lawan pangkal nang rata wan bahanu babantuk jantung. Tepi daunnya rata, lawan batulang daun menyirip, ukuran daunnya: 8 - 20 cm × 5 -12 cm, bawarna hijau babintik habang. Kambang tumbuhan ini majemuk, lawan warna habang atawa putih badiamitir 4–6 cm. Buahnya saparti rambutan, tatutup rambut saparti sikat, bawarna hijau nang masih anum, wan habang tuha pabila sudah masak. Buahnya pipih, panjang 2–4 cm, wan baisi banyak bigi halus bawarna habang tuha. Bijinya kaya akan senyawa fenolik dan flavonoid[2]
Jujuhutan
babak- ^ Praja, Denny Indra (2015-09-01). Zat Aditif Makanan: Manfaat dan Bahayanya (dalam bahasa Indonesia). Garudhawaca. ISBN 978-602-7949-55-3.
- ^ Maitra, Bijoy; Halima Khatun, Most; Ahmed, Firoz; Ahmed, Nasim; Jahan Kadri, Hurey; Zia Uddin Rasel, M.; Kanti Saha, Barun; Hakim, Mahmuda; Kabir, Syed Rashel (2023-05-01). "Biosynthesis of Bixa orellana seed extract mediated silver nanoparticles with moderate antioxidant, antibacterial and antiproliferative activity". Arabian Journal of Chemistry. 16 (5): 104675. doi:10.1016/j.arabjc.2023.104675. ISSN 1878-5352.