Kelembén

Kelembén atawa wadai kelembèn, atawa ada jua nang manyambat "kulambin" (Bahasa Indunisia: bolu) adalah wadai nang diulah matan bahan dasar galapung, gula, lawan hintalu. Kelembén biasanya dipanggang, tagal ada jua pang nang disumap. Wadai ngini rancak dipakai gasan makanan panutup imbah makan atawa jua gasan wadai istiméwa gasan acara kawinan atawa ulang tahun.

Jenis

Dari cara meulahnya kelemben ngini dibagi jadi 2 jenis yaeto

Butter cake atawa shortened (cream cake)

Peulahan wadai diawali lawan maudal mentega lawan gula jadi adunan krim. Wadai jenis ngini perlu mamakai bubuk pengambang atawa baking soda.

Sponge cake (foam cake)

Alur maulahnya diawali lawan maudal hintalu lawan gula sampai jadi busa nang halus wan kantal. Mentega (margarin) lunuh atawa minyak goreng rancak ditambahkan habis adunan dicampur lawan galapung.

Dari teknik mangucuk hintalu, sponge cake dibagi lagi jadi dua:

Wadai lawan putih wan kuning hintalu nang masing-masing dikocok dalam mangkuk balain.

Tekstur wadai nang dihasilkan jadinya lembut, nagkaya chiffon cake atawa angel food cake.

Kuning wan putih hintalu dikocok baimbaian (Genoise).

Kabanyakan resep wadai kelemben mamakai kuning wan putih hintalu nang dikucuk baimbai.

Jujuhutan

Braker, Flo. The Simple Art of Perfect Baking, Chronicle Books, 2003. ISBN 0-8118-4109-X.